एफिसी 5:7-10
एफिसी 5:7-10 नेपाली नयाँ संशोधित संस्करण (NNRV)
यसकारण तिनीहरूसँग सहभागी नहोओ, किनकि एक पल्ट तिमीहरू अन्धकारमा थियौ, तर अब प्रभुमा तिमीहरू उज्यालो भयौ। ज्योतिका सन्तानझैँ हिँड्डुल गर, किनकि सबै भलाइ, धार्मिकता र सत्यतामा नै ज्योतिको फल पाइन्छ, र प्रभुलाई मन पर्ने के हो सो सिक्ने कोसिस गर।
एफिसी 5:7-10 पवित्र बाइबल, नेपाली समकालीन संस्करण (NCV)
यसकारण यी मानिसहरूले गर्ने काममा सहभागी नहोओ! किनकि तिमीहरू एक समय अन्धकारमा थियौ, तर अहिले तिमीहरू प्रभुमा ज्योति हौ। त्यसैले ज्योतिका सन्तानझैँ हिँड। किनकि ज्योतिका फल सबै भलाइ, धार्मिकता र सत्यतामा हुन्छ; अनि प्रभुलाई मनपर्ने कुरा के हो, त्यो खोज।
एफिसी 5:7-10 पवित्र बाइबल (NERV)
तिनीहरूसित त्यस्तो काम गर्नु हुँदैन। बितेका दिनहरूमा अन्धकारले पूर्ण थियौ, तर अहिले तिमी प्रकाशले पूर्ण छौ। यसैले, प्रकाशका बालकहरू जस्तै बाँच। प्रकाशले सब किसिमको भलाई, नैतिक जीवन र सत्यता ल्याउँदछ। प्रभु के कुराले खुशी हुनुहुन्छ त्यो बुझ्ने कोशिश गर।
एफिसी 5:7-10 सरल नेपाली पवित्र बाइबल (सरल नेपाली)
त्यसो हुँदा यस्ता मानिसहरूको सङ्गतै नगर। पहिले तिमीहरू नै अन्धकारमा थियौ तर अब प्रभुका जन बनेर तिमीहरू उज्यालोमा छौ। यसकारण तिमीहरू उज्यालोको योग्य मानिसजस्तै जिउने गर किनभने उज्यालोको फलचाहिँ सबै किसिमको भलाइ, न्याय र सत्य हो। प्रभुलाई मनपर्ने कुरो के हो, बुझ।