Gurim 15
15
Malese serepɛ de se yaara dwi dwi taane
1Amo laam ma na wo-kenkagele dedwoŋi wɛyuu ne, de na tiini de dana ye de ba jege dwoŋi. A ma na Wɛ malese serepɛ na wora, ye se dedoa dedoa jege yaara dwi dwi se se pa ya ja nɔɔna. Yaara yarepɛ yam konto mo lage ya kweeli, kolo ŋwaane yanto ná ke ya ti, Wɛ ban-zɔŋɔ kom laam wó ti. 2Amo ma daare a na woŋo na nye de naneo. Ko maa nyeena ne gelaase na nyeene tei to, ye ko nye ne mini mo gwaane da tei. Amo ta ma na balo na wane varem wom dam dem, de o kamɔgɔ kom dam dem, ko woli de o yere dem namba kam dam dem de to. Banto maa zege naneo kolo na nyeena lanyerane to ni ne. Ba maa zei kwanno telo Wɛ na pɛ-ba to. 3Ba maa leeni leiŋa kalo na ye Wɛ tontoŋeno Moses nyem to. Ka ma kwori ka ye Pipeila kam de nyem mo. Ba ma leeni ba seini Wɛ ba we,
“Dam-fɔrɔ Tu Baŋa Wɛ,
nmo kikia yam tiini ya dana
ye ya ba jege dwoŋi.
Logo baŋa dwi tiina maama Pɛ,
nmo chwei sem yɔɔre se tɔge chega mo.
4Yuu-tu Baŋa Wɛ,
nɔɔn-nɔɔno tera o na bá kɔre nmo.
Nɔɔna maama nam wó taa zuli nmo yere dem.
Nmo yerane mo ye wo-pwoŋo tu chekke.
Logo baŋa dwi maama tiina wó ba
ba kuni dwoona nmo yiga ne ba zuli‑m,
kolo ŋwaane nɔɔna maama wó na
nmo kikia yam na jege chega tei to.”#Lei 86:9
5Ba leiŋa kam na ti konto to, amo ma nii Wɛ telaao ne a na Wɛ wara-vwei dem de de di-yuu kom ni na pore.#Hiburu 9:1-8 6Wɛ malese serepɛ sem na jege yaara dwi dwi kuni berepɛ to ma nwoŋi diga kam wone. Se ma zo gare-fefale selo na tiini se nyeena pele-pele to, ye se daare se vɔ sabu-seŋa kili se nyɔɔna ne. 7Wonnu tena tem na ŋwe to dedoa laam ma zaŋe ko kwei sabu-seŋa zwe serepɛ ko pa malese serepɛ sem. Zwe sem konto nam mo su de Wɛ ban-lom dem. Wonto nam mo jege ŋwea se ko taa vei wuu. 8Wɛ dam dem de o nenɔŋ-fɔrɔ kom ma pa nyoa nwoŋi ka su o diga kam ni maama. Nyoa kam ma pa se nɔɔn-nɔɔno ware diga kam wo o zo, se ko taa nii maŋa kam yaara yarepɛ yam na ke ya ti malese serepɛ sem jeŋa ne to.#1 Pwa 8:10-11
अहिले सेलेक्ट गरिएको:
Gurim 15: KBG
हाइलाइट
कपी गर्नुहोस्
तुलना
शेयर गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2020, Ghana Institute of Linguistics, Literacy and Bible Translation (GILLBT)