Ozee 12
12
Efrayimu a soɛn
1Efrayimu ma lɛnpɛnɛ ka soɛ nɛ,
Izirayeli a zaman ma lɛnpɛnɛ ka
siɛ̃ nɛ.
Sɛnɛ Zudaa a tɔn tɔ we kun
ka Lawa nɛ,
á pepere min sonboren bii.
2Efrayimu nə n din toe ka piɛ̃ nɛ,
a n baa sii lɛ̀giala piɛ̃ kɛ kio
a wasa mɛ nɛ,
a n màn diɛ a soɛ bɔ li,
ka a kakaarɛbaa nɛ.
Á lɛ kɔ kɔn la wɔ ka Asiirii ni,
a n nyɔɔ koe Ezipti la.
Zakɔba, digolo mɛn goã minin siɛ̃
3 #
SGK 25.26; 32.24-26. Dɛnaa Lawa n kiri we ka
Zudaa minin ni,
á re yui Zakɔba a zaman gialaa,
ǹ giã ǹ gɔǹ baraa lɛ taman yii.
Ǹ sii baraa mɛn lɛ zɛnaa
á re bɛ lɛ a dɔlɔ diɛ a mìi ni.
4Á n toa ǹ dan gɔ́ɔ̃ nɛ
á ǹ dɔɔ̃n lɛ a bǎã si.
A bɛ́ á gole kɔ,
á yɔ bɔ kɔn Lawa nɛ.
5 #
SGK 28.10-22. Á yɔ bɔ kɔn ka lon a dia dí-a
wole goon ne
á gɔ̀lɔ̀baa yɛ.
Á wuu pɛ, á gòã-kũ wɔ.
Á tɔn nə n da Lawa lɛ Betɛli,
Lawa tɔn boo da ka wɔ nɛ.
6«Dɛnaa Lawa,
Dɛnaa Lawa Pàãyiidɛnaa,»
a tɔ n Dɛnaa Lawa.
7Nsɛ, n tá re wusii n da n Lawa li,
toa makara doɛ̃ laanka
peperebaa goã n li,
n foo doa n Lawa ganaa
biikoo tumaa li.
8Ka Kanaan a pii-kɔlen bɛ́ lɔn,
n màn zɔɔ̃ ǹ kilo lɛ a piɛ̃-n ma,
mɛnaa n miã la n kɔɔ̃nɛ n ganaa.
9Efrayimu pɛ:
Sonbore, má pàãma baa.
Má gɔn màn gigiã yɛ.
Ma dí mɛn tumaa nya,
sii baraa zɛnaa ǹ paǹ kɔn yɛ
ma-a wa.
10 #
LWS 23.42-43. Sɛnɛ, masɛ nə n Dɛnaa Lawa lɛa,
a kũ Ezipti gána ganaa.
Man die toɛ n wusoo doo
n giã mɔnaa kionən ne,
ká maa da ka lɛ pinaa kɛ bɛ́ lɔn.
11Má boo da maa boo
gii-dalin manɛ,
má sii-yɛn mɔnaa,
maa boo gii-dalin barka nɛ
má boo da ka nɛ ka giməə ne.
12Bɛ̀ Galaati minin nə́ sii
bɔbɔnɛɛ zɛnalin baa,
maǹ màn kooron lɛa ma gɔn.
Maǹ tɔn wúlun boboe Gilgaali
ka dii gɔ̀lɔ̀n nɛ.
Ǹ wúlu bɔ ǹ bǎãn kɛn tá re n biɛ
ka kɔlɔn bɛ́ lɔn kantian
bii ni wuru-n.
13 #
SGK 29.1-20. Zakɔba baa si á woo
Aaramu gána nɛ.
Izirayeli nə n din kɔ bɛ̀rɛbaa la,
lɔ a lɛa.
Lɔ a lɛa, á tɔɔn-lɛduə̃li baa.
14 #
BBN 12.50-51. Lawa a boo gii-daali goon
barka nɛ,
Dɛnaa Lawa Izirayeli bɔ
Ezipti gána nɛ á soo ne.
Lawa a boo gii-dali goon barka nɛ,
a ná a lɛduə̃#12.14 Bɛa Lawa a boo gii-dali lɛ n Muizu lɛa..
15Efrayimu foo-ziziɛ̃ gole da
Lawa ganaa.
A mà mɛn yii kaa
Dɛnaa Lawa n die bɛ diɛ a din la.
A gasɛ mɛn yii wɔ,
á re bɛ sarɛɛ la.
अहिले सेलेक्ट गरिएको:
Ozee 12: SCE2013
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
San Catholic Edition Bible © Bible Society of Burkina Faso, 2013.