Amɔɔsi 3
3
Izirayeli a zɛ̀rɛbaa
1Izirayeli minin lɛn, ka n too kɔ
Dɛnaa Lawa kasɛn sɔmɔ lɛ a
minin mɛnɛn waa,
á ǹ bɔ Ezipti gána nɛ,
a na á boo kɛ da ka dinin wɔ paǹ li,
á pɛ kɛnɛn:
2Kanaa a tɔrɔn tumaa bii,
man má ka dininsɔɔ̃nɔn lɛn bɔ.
Bɛ lɛ nɛ,
ka sii baraa mɛn tumaa zɛnaa,
ma á re a dɔlɔ boe ka ganaa.
Lawa a boo gii-dali a nya ǹ dí
3Bɛ̀ ń min paa yaa koɛ kun,
maǹ nə́ kɔn wɔ ma.
4Bɛ̀ ń yàra yaa wɔɔsaa we daã nɛ,
màn na a lɛ-a.
Bɛ̀ ń yàra ten yaa n toɛ
a waa ǹ bǎã nɛ a ń lɛ biɛ,
a na á màn kũ.
5Bɛ̀ ń kan yaa á bàan kũ,
bàan lɛ a mui ǹ màn nə la.
Bɛ̀ ń kan yaa á puru, a na á
màn kũ.
6Bɛ̀ ń ziabaa ǹ bɛn wuu ma
boe kiwi,
nyɛ́ɛ á re a minin kuĩ.
Bɔ̀n ba kiwi kɔn yii,
bɛ̀ Dɛnaa Lawa na a lɛ kɔ wa.
7A din goon ne:
A dí-nyalin kɛn a boo gii diɛ,
Dɛnaa Lawa a sii kɔn zɛnɛɛ,
bɛ̀ a ná a n gɔ́ɔ̃ pii bɛn ma-n wa.
8Bɛ̀ yàra wɔɔsaa wɔ,
nyɛ́ɛ na a die kuĩ wa?
Bɛ̀ Dɛnaa Lawa boo da,
die nə n piɛ̃ mà asɛ a bɛ pii wa?
Dɔlɔ mɛn nə n bɔ Samarii minin ganaa
9Kion sonboren kɛn Asidɔdi kiwi,
kion sonboren kɛn Ezipti gána nɛ,
ka dii bɛn kala la, ka kɛ pɛ ǹ ma:
Ka n lɛ sɔkɔn
Samarii kiwi a kelen kɛn la,
ka ga sii lɔlɔkɔn zaã kɛ-a ǹ nə́ zɛnɛɛ
kiwi kɛ nɛ,
ka ga kakaarɛbaa ǹ sii damata kɛ-a
ǹ nə́ zɛnɛɛ a nɛ!
10Masɛ Dɛnaa-n kɛ pii:
Samarii minin lɛn ba
sii pepere zɛnaa ǹ gɔn doɛ̃ wa.
Maǹ kakaarɛbaa ǹ sii zɛnɛɛ,
ǹ nə́ mɛnɛɛ minin la,
mànan sii kiɛ kɔn la ǹ kionən ne.
11Bɛ lɛ na á toa Dɛnaa Lawa á
kɛ pii:
Zɔ́ɔn tá re gána lɛ lɛnpɛnɛ,
kungɔn ke n koe n lɛ,
ǹ bɛ nyanaa ǹ kaa,
ǹ nə́ ǹ duru ǹ bǎã kakan kɛn
mànan gogoa.
12Dɛnaa Lawa na á pɛ:
Bɛ̀ yàra tɔɔn-lɛduə̃li a tɔɔ kũ,
ta a na á sɔ̃ á toa a gòã paa kɛ li
hinlaa a too lɛkoro li,
a n bɛ lɛ baɛ̃,
a bɔ a lɛ-a.
Izirayeli minin mɛnɛn bɛ́ giã-n
Samarii kiwi,
giã ǹ bǎã sonboren ne,
ma dɔ n die
bɛn lɛn gialakun boɛɛn sii,
ǹ zɔ́ɔn la miɛ̃.
13Pàã tumaa a Dɛnaa Lawa na á kɛ pɛ:
Ka n too kɔ,
ka kɛ pɛ Zakɔba tɔrɔn lɛn manɛ.
14 #
KIIN2 23.15. Bɛ̀ má yoo Izirayeli minin kɛn
gialaa ǹ mɛn waáraa,
ǹ sii baraan kɛn taman yii,
má á re yui Betɛli a wúlu bɔ ǹ bǎãn
kɛn dɔn gialaa.
Ǹ tá re *wúlu bɔ ǹ bǎã lɛ a
lon a gùrùn kɛn yiyiɛ,
bɛn tá re boe ǹ kakaa tán.
15Kion dadaran nɛ, ka kion
bisinin ni,
ma á re bɛn wurii ma ǹ kaa.
Ǹ kionən mɛnɛn nyaǹ kɔ
ka don a díi sɔn nɛ,
bɛn tá re papaɛ̃,
kion gigiã á re kiɛ.
Dɛnaa Lawa a da ǹ boo ne.
अहिले सेलेक्ट गरिएको:
Amɔɔsi 3: SCE2013
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
San Catholic Edition Bible © Bible Society of Burkina Faso, 2013.