Amɔɔsi 1
1
1 #
KIIN2 14.23-29; 15.1-7; KZS2 26.1-23. Boon kɛn man Amɔɔsi a boon lɛa, tɔɔn-tooli lɛa Tekoa. Lawa siin mɛnɛn nyaa nɛ Izirayeli tɔrɔn wɔ paǹ li, bɛn lɛn man ka kɛn nɛ. Bɛa biikoo li, bɛ̀ Oziasi n Zudaa minin kii lɛa, kii Zoasi a nɛgiĩ Zeroboamu n Izirayeli minin kii lɛa. Bɛa siin lɛn zɛnaa kio ne lɛ̀ paa, tán tɔn bìn da. 2#ZOW 4.16. Amɔɔsi na á goã kɛ pii:
Dɛnaa Lawa nə n toɛ *Siɔn kele la
á n wɔɔsaa we,
a nə n toɛ Zeruzalɛmu kiwi
á n paraa we.
Tɔɔn-lɛduə̃lin tɔɔn lɛduə̃ ǹ bǎãn
kɛn nə́ ziziɛ̃,
Karmɛli kele mìi kɛ bǎã gere baa.
Boo mɛn nə n da tɔrɔ kɔsɔn ka Izirayeli laanka Zudaa gána wɔ paǹ li
Siirii minin
3 #
IZA 17.1-3; ZER 49.23-27; ZAK 9.1. Dɛnaa Lawa na á pɛ kɛnɛn:
Damaasi minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la:
A giala
ǹ nə́ boo Galaati minin kɛn la
ka fɔlɔ mànan nɛ, ǹ nə́ ǹ kakã.
Bɛ lɛ nɛ, ma á ǹ zɛ̀rɛ biɛ,
ma a re wusii
maa da ǹ boo dɔ kio wa.
4Man die tɛ diɛ
Hazayeli a kii kion ganaa,
tɛ á re Bɛn-Hadaadi a kii kion
kɛ kuĩ.
5Fɔlɔ bàlà mɛn bɛ́
Damaasi *kiwi a kiɛnlɛ kɛ la,
ma á re bɛ yiɛ.
Kii mɛn lɛ á ke,
sii baraa nyankɔrɔ#1.5 Avɛn nyankɔrɔ basa nɛ. basa kɛ nɛ,
ma á re bɛ dii.
Kii mɛn lɛ á ke
foo kɔɔ̃nbaa ǹ kiwi#1.5 Bɛti-Edɛn kiwi ni. kɛ nɛ,
ma á re dii.
Bɛa biikoo li,
ǹ tá re Siirii minin kɛn goɛ,
ǹ wo ǹ ne Kiiri.
Dɛnaa Lawa na á pɛ miɛ̃.
Filisiti minin
6 #
IZA 14.29-31; ZER 47.1-7; EZE 25.15-17; ZOW 3.4-5; SOF 2.4-7; ZAK 9.5-7. Dɛnaa Lawa na á pɛ kɛnɛn:
Gaazaa minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la:
A giala, ǹ nə́ zaman tumaa goa,
Ǹ nə́ woo ǹ kɔ Edɔmu minin kɛn la.
Bɛ lɛ nɛ, ma á ǹ zɛ̀rɛ biɛ.
Ma a re wusii
maa da ǹ boo dɔ kio wa.
7Ma á re tɛ kiɛ
Gaazaa kiwi a kungɔnɔn kɛn ganaa,
tɛ á re duru ǹ bǎã kakan kɛn kuĩ.
8Min mɛn lɛ á ke pàã la
Asidɔdi kiwi,
ma á re bɛ dii ma bɔ walan
kiibaa lɛ bɛ́ min mɛn gɔn Asikalɔn,
ma á re bɛ dii ma bɔ walan.
Ma á re sii nyɛɛ
Ekrɔn minin kɛn yii ni,
Filisiti minin mɛnɛn bɛ́ re goɛ̃,
ma á re bɛn dɔn dii lenlen.
Dɛnaa Lawa na á pɛ miɛ̃.
Fenisii minin
9 #
IZA 23.1-18; EZE 26.1—28.19; ZOW 4.4-8; ZAK 9.1-4; MAT 11.21-22; LUK 10.13-14. Dɛnaa Lawa na á pɛ kɛnɛn:
Tiiri minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala,
ǹ nə́ zaman tumaa goa
ǹ nə́ woo ǹ kɔ Edɔmu minin kɛn la.
Ǹ lɛlɛ a lɛ kɔ kɔn la kɛ tamaa wa.
Bɛ lɛ nɛ, ma á ǹ zɛ̀rɛ biɛ,
ma á re wusii
maa da ǹ boo dɔ kio wa.
10Ma á re tɛ kiɛ
Tiiri kiwi a kungɔnɔn kɛn ganaa,
tɛ á re a duru ǹ bǎã kakan kɛn kuĩ.
Edɔmu minin
11 #
IZA 34.5-17; 63.1-6; ZER 49.7-22; EZE 25.12-14; 35.1-15; ABD 1-14; MAL 1.2-5. Dɛnaa Lawa na á pɛ kɛnɛn:
Edɔmu minin kɛn nə́
sii baraa gigiã zɛnaa.
Ǹ sii mɛn zɛnaa, á kiɛ̃ a bǎã la.
A giala,
ǹ nə́ ǹ dɔɔ̃n Izirayeli minin lɛn
loo ka gɔya sa nɛ,
ǹ makara din nə ǹ kũ
boɛɛn dinin wa.
Ǹ foo na á goã yoo ne ǹ li miɛ̃,
sii lɛ na á goã ǹ gɔ́ɔ̃-n miɛ̃.
Bɛ lɛ nɛ, ma á ǹ zɛ̀rɛ biɛ,
ma a re wusii
maa da ǹ boo dɔ kio wa.
12Ma á re tɛ diɛ Teman kiwi
kɛ ganaa,
tɛ á re Bosira a duru ǹ bǎã
kakan
kɛn kuĩ.
Amɔn minin
13 #
ZER 49.1-6; EZE 21.28-32; 25.1-7; SOF 2.8-11. Dɛnaa Lawa na á pɛ kɛnɛn:
Amɔn tɔrɔn kɛn nə́
sii baraa gigiã zɛnaa.
Ǹ sii mɛn zɛnaa,
á kiɛ̃ a bǎã la.
A giala,
Galaati lɔn mɛnɛn bɛ́ nɔ̀ nɛ,
ǹ nə́ bɛn nɔ̀ wɔsɔ,
màn mɛn bɛ́ toɛ,
ǹsɛn gána gole kɔ.
Bɛ lɛ n ke, ma á ǹ zɛ̀rɛ biɛ,
ma a re wusii
maa da ǹ boo dɔ kio wa.
14Man diɛ tɛ kiɛ
Rabaa kiwi a kungɔnɔn kɛn ganaa.
Tɛ á re a duru ǹ bǎã kakan kɛn kuĩ,
zia nɛn lɛ-dɛ wuu li zia la,
piɛ̃ gole wuu li piɛ̃ a bɔ pinaa.
15Kii laanka a kialandɛnan nɛ,
ǹ tá re ǹ tumaa gɔɛ ǹ wo ǹ ne.
Dɛnaa Lawa na á pɛ miɛ̃.
अहिले सेलेक्ट गरिएको:
Amɔɔsi 1: SCE2013
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
San Catholic Edition Bible © Bible Society of Burkina Faso, 2013.