भजनसंग्रह 64
64
रक्षाको निम्ति प्रार्थना
सङ्गीत-निर्देशकको निम्ति दाऊदको भजन
1मैले उजूर गर्दा मेरो पुकारा सुन्नुहोस्, हे परमेश्वर, शत्रुको डरबाट मेरो ज्यानलाई जोगाइदिनुहोस्।
2दुष्टहरूको गुप्त योजनाबाट
र कुकर्मीहरूका समूहको षड्यन्त्रबाट मलाई लुकाउनुहोस्।
3तिनीहरू आफ्ना जिब्रालाई तरवारझैँ धार लगाउँछन्,
र तिनीहरूका वचन घातक काँड़झैँ ताक्छन्।
4निर्दोषलाई तिनीहरू ढुकेर हान्छन्, डरैविना अचानक त्यसलाई हान्छन्।
5तिनीहरू आफ्ना दुष्ट षड्यन्त्रमा एक-अर्कालाई प्रोत्साहन दिन्छन्, पासो गुप्तमा थाप्ने मतो तिनीहरू गर्छन्। तिनीहरू भन्छन्, “कसले हामीलाई देख्छ र?”
6तिनीहरू अन्यायको षड्यन्त्र रच्तछन् र भन्छन्, “हामीले सिद्ध योजना बनाएका छौं।” साँच्चै, मानिसका मन र हृदय धूर्त हुन्छन्।
7तर परमेश्वरले काँड़हरूले तिनीहरूमाथि हान्नुहुनेछ, तिनीहरू अचानक घायल हुनेछन्।
8तिनीहरूका जिब्रो तिनीहरूकै विरुद्ध उहाँले फर्काइदिनुहुनेछ,
र तिनीहरूलाई नाश गर्नुहुनेछ। तिनीहरूलाई देख्ने सबैले गिल्ला गर्दै मुन्टो हल्लाउनेछन्।
9सबै मनुष्य-जाति भयभीत हुनेछन्, तिनीहरूले परमेश्वरका कामको घोषणा गर्नेछन्,
र उहाँले गर्नुभएको काममाथि ध्यान दिनेछन्।
10धर्मीहरू परमप्रभुमा आनन्दित होऊन्,
र उहाँमा शरण लिऊन्। सोझो हृदय भएकाहरू सबैले उहाँको प्रशंसा गरून्।
अहिले सेलेक्ट गरिएको:
भजनसंग्रह 64: NNRV
हाइलाइट
शेयर गर्नुहोस्
कपी गर्नुहोस्
Want to have your highlights saved across all your devices? Sign up or sign in
Nepali New Revised Version © Nepal Bible Society 1997, 2006, 2009, 2012