बाट लोकप्रिय बाइबल पदहरू {{chapter}}

शेयर गर्नुहोस्

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

É ka yí gbe nú yě ɖɔ: “Hwenu e é ná nyí ɔ́, gan e mɛ ka wɛ ɔ́, Mawu Tɔ́ ɔ́ ko to kpódó acɛ tɔn kpán; é nyí xó mitɔn ɖé ǎ.

Jezu ka wá ɖo nǔ ɖu xá yě wɛ gbe ɖokpó, bó ɖɔ nú yě ɖɔ: “Mi ma sɛ tɛn sín Jeluzalɛ́mu ó, lo ɔ́, mi nɔ te kpɔ́n nǔ e sín akpá Mawu Tɔ́ ɔ́ dó, bɔ un ko ɖɔ xó tɔn nú mi é. Đó Jǎan ɔ́, sin wɛ é sɔ́ dó lɛ yɛhwesin nú mɛ; lo ɔ́, midɛɛ lɛ́ɛ ɔ́, ɖo malín málín mɛ din ɔ́, Yɛsinsɛn wɛ è nǎ sɔ́ dó lɛ yɛhwesin nú mi.”

Mɛsɛ́dó énɛ́ lɛ́ɛ wɛ Jezu sɔ́ éɖée xlɛ́ ɖo kú tɔn gúdo, bó ɖe xlɛ́ yě gbɔn ali gěgé nu, ɖɔ émí ɖo gbɛ. Azǎn kanɖé (40) wɛ é tɔ́n dó yě jí xɔ, bó nɔ́ ɖo xó ɖɔ nú yě wɛ dó axɔ́súɖuɖu Mawu tɔn wú.

Ée Jezu ɖɔ xó énɛ́ lɛ́ɛ gúdo ɔ́, yě ɖo kpínkpɔ́n ɛ wɛ, bɔ è sɔ́ ɛ ɖidó jǐ bɔ akpɔ́kpɔ́ ɖé wá bú i.

Fínɛ́ wɛ yě ɖe, bó ɖo jǐnukúnsin kpɔ́n sɛ́ dó wɛ hwenu e é ɖo yiyi wɛ ɔ́, bɔ nya we ɖé lɛ́ɛ dó awu wěwé, bó tɔ́n ɖo akpá yětɔn, bo ɖɔ nú yě ɖɔ: “Galiléenu e mi! Étɛ́ sín te wɛ mi ka kpo ɖe ɖo fí, bó ɖo jǐnukúnsin kpɔ́n sɛ́ dó wɛ mɔ̌? Jezu énɛ́ e è sɔ́ sín tɛ́ntin mitɔn yi jǐxwé ɔ́ ná lɛ́ wá lě e mi mɔ ɛ, bɔ é yi jǐxwé gbɔn é.”