बाट लोकप्रिय बाइबल पदहरू {{chapter}}

शेयर गर्नुहोस्

“Cheigi-na. A lage a ba ne ŋweeno na dare o ba tei to mo. Wolo na fɔge o che o tete to wó taa jege yu-ywoŋo. Wolo na yei o gwaaro tem tiŋim to, amo ná pɔpɔ a ba konto, chaveera bá ja‑o nɔɔna yiga ne, o na bá zaŋe de kuri-nɔrɔ to ŋwaane.”

Malese seredo tu wom ma lwo o zoŋa kam o yage Yuferata bu-zaŋa kam wone. Ka na bam ma we, ye ko daare chwoŋa ko pa pwa balo na nwoŋi wɛ-puli jei sem ne to se ba wane ba bɛ.

Chichiribia bam konto ye setaane nyena mo, ye ba wae ba ke wo-kenkagela. Ba ma zaŋe ba vo logo baŋa pwa bam maama tei se ba maama la daane ba ti ba yiga jara ŋwaane Dam-fɔrɔ Tu Baŋa Wɛ dɛ-kamunu kom dɛ ne.

Amo ma daare a na chichiri-zɔɔna yatɔ na nye de mantwaaro to. Ba dedoa ma nwoŋi kayanchɔrɔ kom ni ne. Wodwoŋi de ma nwoŋi varem wom ni ne, ye dedoa kam de nwoŋi varem wolo na bere we o ye Wɛ sampwora ye o gane nɔɔna to ni ne.

Ka mini dem na tiini de zwɛ nɔɔna konto to, ba ma twe Wɛ yere dem, o na tei yaara yam konto to ŋwaane. Ba nam wo leiri ba wo de ba kikia yam se ba daare ba zuli Wɛ.

Da-yiga maleka kam ma kwei ka zoŋa kam ka ja vo ka lwo ka yage logo baŋa ne. Ka na ke konto to, ŋɔn-zana ma ja balo na lage varem wom gwona yam ye ba zuli ko kamɔgɔ kom to.

Chichiribia batɔ bam ma pa logo baŋa pwa bam la daane jeiga kadwoŋi ne. Ba maa bwoi jeiga kam konto de Juu tiina taane ba we, ‘Amagedon’.