Psalms 47:1-6

လူ​များ​အ​ပေါင်း​တို့၊ လက်​ခုပ်​တီး​ကြ​လော့။ ဘု​ရား​သ​ခင်​ထံ​သို့ အောင်​သံ​ကို​လွှင့်၍ ကြွေး​ကြော်​ကြ​လော့။ အ​ကြောင်း​မူ​ကား၊ အ​မြင့်​ဆုံး​သော​ထာ​ဝ​ရ​ဘု​ရား​သည် ကြောက်​မက်​ဖွယ်​သော​ဘု​ရား၊ မြေ​ကြီး​တစ်​ပြင်​လုံး​ကို အ​စိုး​ရ​သော မ​ဟာ​မင်း​ကြီး​ဖြစ်​တော်​မူ၏။ လူ​စု​တို့​ကို ငါ​တို့​အောက်၌​လည်း​ကောင်း၊ လူ​မျိုး​တို့​ကို ငါ​တို့​ခြေ​အောက်၌​လည်း​ကောင်း နှိမ့်​ချ​တော်​မူ၏။ ချစ်​တော်​မူ​သော​ယာ​ကုပ်၏​ဘုန်း​ဖြစ်​သော ငါ​တို့​အ​မွေ​ကို ငါ​တို့​အ​ဖို့ ရွေး​ပေး​တော်​မူ၏။ ကြွေး​ကြော်​ခြင်း​အ​သံ​နှင့် ဘု​ရား​သ​ခင်​တက်​တော်​မူ၏။ တံ​ပိုး​မှုတ်​ခြင်း​အ​သံ​နှင့် ထာ​ဝ​ရ​ဘု​ရား တက်​တော်​မူ၏။ ဘု​ရား​သ​ခင်​ကို ချီး​မွမ်း၍ သီ​ချင်း​ဆို​ကြ​လော့။ သီ​ချင်း​ဆို​ကြ​လော့။ ငါ​တို့၏​ရှင်​ဘု​ရင်​ကို ချီး​မွမ်း၍ သီ​ချင်း​ဆို​ကြ​လော့။ သီ​ချင်း​ဆို​ကြ​လော့။

ဆာလံ 47:1-6