တစ်နှစ်တာ ကျမ်းစာအစီအစဉ်များ

ဘုရားသခင်နှင့် မိတ်သဟာယဖွဲ့ခြင်းကို နောက်တစ်ဆင့်ထက်စေဖို့၊ ဤ (၄၉) ရက်သတ္တပတ်စိန်ခေါ်မှုကို စတင်ကြပါစို့။ ဤအစီစဉ်သည် နေ့စဉ်ဓမ္မဟောင်းနှင့် ဓမ္မသစ်ကျမ်းစာတစ်ခုလုံးကို ဖတ်ရှုဖွယ်ရာရှိပြီး သမ္မာကျမ်းစာတစ်ခုလုံးကို ဖြတ်သန်းသွားရလိမ့်မည် ဖြစ်သည်။ သမ္မာကျမ်းစာကို သက္ကရာဇ်အရ ဖတ်ရှုရသလို၊ ဓမ္မဟောင်းကျမ်းလည်း ဖတ်ရှုလျက်၊ သမ္မာကျမ်းစာသည် အရှင်ယေရှုဘုရားကို ဖော်ပြထားသည့် မဟာဇာတ်တော်ကြီး ဖြစ်ခြင်းအကြောင်းကို ကောင်းစွာ လေ့လာလိမ့်မည်။ သတ္တမနေ့တိုင်းမှာ မိတ်ဆွေသင်ယူနေသည်အရာများကို ခေတ္တခဏ ရပ်ပြီး ဆင်ခြင်သုံးသပ်စေဖို့ အချိန်ပေးပါသည်။

(၄၉) ရက်သတ္တပတ်စိန်ခေါ်မှု

စနစ်တကျလွယ်ကူလိုက်လျောက်နိုင်သော သမ္မာကျမ်းစာဖတ်ရှုခြင်းလမ်းညွှန် ဖြစ်ပါသည်။ တပည့်တော်ဖြစ်ခြင်း နေ့စဉ်မှတ်တမ်းမှတစ်ဆင့် ဤစာအုပ်၏ (၁) နှစ်တာကျမ်းစာဖတ်ရှုခြင်းအစီအစဉ်ဇယားသည် (၁) နှစ်အတွင်း စနစ်တကျ သမ္မာကျမ်းစာဖတ်ရှုတတ်စေရန် ပေးစွမ်းနိုင်ပါသည်။

တပည့်တော်ဖြစ်ခြင်း နေ့စဉ်မှတ်တမ်းအတွက် ဖတ်ရှုနိုင်မည့် အစီအစဉ်

အပြာရောင်စာလုံးများ သမ္မာကျမ်းစာ (The Blue Letter Bible) ၏ “ကျမ်းရင်းဆိုင်ရာ” ကျမ်းစာဖတ်ရှု့ခြင်းအစီအစဉ်သည် သမ္မာကျမ်းစာကို—ကမ္ဘာဦးကျမ်းမှ ဗျာဒိတ်ကျမ်းအထိ တစ်ဆက်စပ်တည်းဖတ်သွားပါသည်။ ပြက္ခဒိန်တစ်နှစ်တွင် သမ္မာကျမ်းစာတစ်အုပ်လုံးကို ပြီးမြောက်စေမည့် ခိုင်မာသောလမ်းညွှန်ချက်အဖြစ် မိတ်ဆွေအား အပတ်စဉ်နေ့ရက်တိုင်းအတွက် စာဖတ်ခြင်းအား ထောက်ပံ့ပေးပါမည်။

ကျမ်ရင်းဆိုင်ရာ

ရှေးခေတ်အစ္စရေးနိုင်ငံမှာ ဓမ္မဟောင်းကျမ်းကို မည်သို့ဖတ်ရမည်နည်း (သို့) ဓမ္မသစ်ကျမ်းစာအုပ်များကို မည်သို့ရေးထားသနည်းဟု တွေးဖူးပါသလား။ ဤအစီအစဥ်၏ ဓမ္မဟောင်းကျမ်းဖတ်ရှုခြင်းအစီအစဥ်သည် ပညတ္တိကျမ်းမှ အနာဂတ္တိကျမ်းများအထိ အစ္စရေး၏ ဟေဗြဲကျမ်းစာနှင့် အလွန်ဆင်တူပါသည်။ ဓမ္မသစ်ကျမ်းဖတ်ရှုခြင်းအစီအစဥ်သည် ထိုစာအုပ်များကို ရေးသားခဲ့သည့် အစီအစဥ်နှင့် စပ်လျဉ်းသည့် သုတေသနတွေ့ရှိမှုများ အပေါ်အခြေခံပါသည်။ ဤသုတေသနပြုချက်သည် ခိုင်လုံမှုမရှိသော်လည်း မိမိ၏ သမ္မာကျမ်းစာဖတ်ရှုခြင်းအတွက် အထောက်အကူဖြစ်စေသော ထိုးထွင်းအမြင်များ ပေးနိုင်ပါသည်။

ရာဇဝင်သမိုင်းဆိုင်ရာ

ဆရာရောဘတ်ရောဘတ်စ် (Robert Roberts) က တစ်နှစ်အတွင်းမှာ ဓမ္မဟောင်းကျမ်းကို တစ်ကြိမ်၊ ဓမ္မသစ်ကျမ်းကို နှစ်ကြိမ် ဖတ်ရှုနိုင်ဖို့ စီစဉ်ဖန်တီးထားတာပါတယ်။ ဓမ္မဟောင်းကျမ်းနဲ့ ဓမ္မသစ်ကျမ်းကို (၁) ရက်မှာ အခန်းကြီး (၄) ခန်း ပျှမ်းမျှဖတ်သွားဖို့ ဖြစ်ပါတယ်။

ဆရာရောဘတ်ရောဘတ်စ် (Robert Roberts)  

ဒေါက်တာ ဂျော့ခ်ျဂူသရီ (George Guthrie) ဖန်တီးခဲ့သော ဤအစီအစဥ်သည် သမ္မာကျမ်းစာမှ အချက်အလက်များကို စုစည်းပြီး အစဉ်လိုက်ဖြစ်စေရန် ဖွဲ့စည်းထားပါသည်။ အချို့သော အကြောင်းအရာများနှင့် အဖြစ်အပျက်များကို ရက်စွဲ အတိအကျ သိနိုင်ဖို့ဆိုတာ မဖြစ်နိုင်ပါပေ။ သို့သော်၊ ယခုလိုရိုးရှင်းစွာ အစဉ်လိုက်ဖွဲ့စည်းထားသော အစီအစဉ်သည် ထူးမြတ်လှသော သမ္မာကျမ်းစာ၏ အလေ့အလာနှင့် တည်ဆောက်ထားပုံ၊ ဖွံ့ဖြိုးလာပုံများကို စာဖတ်သူတို့နားလည်မြင်တွေ့စေရန် ကူညီပေးပါသည်။ တချို့ကျမ်းပိုဒ်များကို ခေါင်းစဉ်အလိုက် စီစဉ်ထားတာကိုလည်း တွေ့နိုင်ပါသည် (ဥပမာအားဖြင့်၊ (ယော၊ ၁း၁-၃) ကို ပထမအပတ်၊ ဒုတိမြောက်နေ့မှာ ဖတ်ရှုရမည်ဖြစ်ပြီး ဆာလံကျမ်းမှ ကျမ်းချက်များလည်း ထိုနည်းအတိုင်းပင်)။ တစ်ပတ်မှာ ဖတ်ရှုစရာ (၆) ခုအထိရှိပြီး ကောင်းစွာ နည်းလည်နိုင်ရန် လုံလောက်တဲ့အချိန်ကို ပေးထားပါသည်။

ဘုရားသခင်၏ အကြောင်းကို ဖတ်ရှုလေ့လာခြင်း၊ (၁) နှစ်တာအစီအစဥ်

ဤအပြာရောင်စာလုံးများ သမ္မာကျမ်းစာ (The Blue Letter Bible) အစီစဉ်သည် သက္ကရာဇ်အစဉ်အတိုင်းအရ၊ လက်ရှိသမိုင်းသုတေတီများရှာဖွေတွေ့ရှိမှုနှင့် ယခင်မှတ်သားထားသော အချိန်အရလိုက်လျောညီစွာ စုစည်းထားသည်။ ဤသတင်းကောင်းကို လိုက်လံဖတ်ရှုလျှင် ရာဇဝင်ကို သိရှိနိုင်ပါသည်။ သတ်မှတ်ပေးထားသော အချိန်ဇယားကို လိုက်လံကြည့်လျှင် သမ္မာကျမ်းစာအုပ်တအုပ်လုံးကို တစ်နှစ်တာအတွင်း ဖတ်ရှုနိုင်ပါမည်။