ဇာခရိ 3:1-4

မျှဝေရန်

ဇာခရိ 3:1-4 Judson Bible (JBMLE)

ယဇ်​ပု​ရော​ဟိတ်​မင်း ယော​ရှု​သည် ထာ​ဝ​ရ​ဘု​ရား၏ ကောင်း​ကင်​တ​မန်​ရှေ့၌ ရပ်​နေ​သည်​ကို​လည်း​ကောင်း၊ စာ​တန် သည် ရန်​ဘက်​ပြု၍ သူ၏​လက်​ယာ​ဘက်၌ ရပ်​နေ​သည်​ကို​လည်း​ကောင်း ငါ့​အား​ပြ​တော်​မူ၏။ ထာ​ဝ​ရ​ဘု​ရား၏​ကောင်း​ကင်​တ​မန်​က​လည်း၊ အို စာ​တန်၊ ထာ​ဝ​ရ​ဘု​ရား​သည် သင့်​ကို ဆုံး​မ​တော်​မူ​ပါ​စေ​သော။ ယေ​ရု​ရှ​လင်​မြို့​ကို ရွေး​ချယ်​ပြီး​သော ထာ​ဝ​ရ​ဘု​ရား​သည် သင့်​ကို ဆုံး​မ​တော်​မူ​ပါ​စေ​သော။ ဤ​သူ​သည် မီး​ထဲ​က နုတ်​သော​ထင်း​စ​ဖြစ်​သည် မ​ဟုတ်​လော​ဟု စာ​တန်​အား ဆို၏။ ယော​ရှု​သည် ညစ်​ညူး​သော​အ​ဝတ်​ကို ဝတ်​လျက်၊ ကောင်း​ကင်​တ​မန်​ရှေ့​မှာ ရပ်​နေ​သည်​ဖြစ်၍၊ ကောင်း​ကင်​တ​မန်​က၊ ညစ်​ညူး​သော​အ​ဝတ်​ကို ချွတ်​ပယ်​ကြ​လော့​ဟု မိ​မိ​ရှေ့​မှာ ရပ်​နေ​သော အ​ခြား​သူ​တို့​အား ဆို၏။ ယော​ရှု​အား​လည်း၊ သင့်​အ​ပြစ်​ကို ငါ​ဖြေ​ရှင်း​ပြီ။ တင့်​တယ်​သော အ​ဝတ်​ကို ဝတ်​စေ​မည်​ဟု ဆို၏။

ဇာခရိ 3:1-4 Common Language Bible (BCL)

ထာ​ဝ​ရ​ဘု​ရား​၏​ကောင်း​ကင်​တ​မန်​ရှေ့​တွင် ယဇ်​ပု​ရော​ဟိတ်​မင်း​ယော​ရှု​ရပ်​လျက်​နေ​သည် ကို အ​ခြား​ဗျာ​ဒိတ်​ရူ​ပါ​ရုံ​တစ်​ခု​တွင်​ငါ့ အား​ထာ​ဝ​ရ​ဘု​ရား​ပြ​တော်​မူ​၏။ ယော​ရှု ၏​နံ​ဘေး​တွင်​စာ​တန်​သည်​ရပ်​လျက်​နေ​၏။ သူ​သည်​ယော​ရှု​အား​ပြစ်​တင်​စွပ်​စွဲ​ရန် အ​သင့်​ရှိ​ပေ​သည်။- ထာ​ဝ​ရ​ဘု​ရား​၏​ကောင်းကင်​တ​မန်​က​စာ​တန် အား``အို စာ​တန်၊ ထာ​ဝ​ရ​ဘု​ရား​သည်​သင့်​အား အ​ပြစ်​ဒဏ်​ခတ်​တော်​မူ​ပါ​စေ​သော။ ယေ​ရု​ရှ​လင် မြို့​ကို​ချစ်​မြတ်​နိုး​တော်​မူ​သော​ထာ​ဝ​ရ​ဘု​ရား သည် သင့်​အား​အပြစ်​ဒဏ်​ခတ်​တော်​မူ​ပါ​စေ​သော။ ဤ​သူ​သည်​မီး​ထဲ​မှ​ဆွဲ​နုတ်​လိုက်​သည့်​တုတ် ချောင်း​နှင့်​တူ​ပါ​၏'' ဟု​ပြော​၏။ ယော​ရှု​သည်​ညစ်​ပေ​နေ​သော​အ​ဝတ်​များ​ကို ဝတ်​လျက် ထို​အ​ရပ်​တွင်​ရပ်​၍​နေ​၏။- ကောင်း​ကင်​တ​မန်​သည်​မိ​မိ​၏​အ​စေ​အ​ပါး ကောင်း​ကင်​သား​တို့​အား``ဤ​သူ​ဝတ်​ဆင်​ထား သည့်​အ​ဝတ်​ညစ်​တို့​ကို​ချွတ်​ပစ်​လော့'' ဟု​ဆို ပြီး​လျှင်၊ ယော​ရှု​အား``ငါ​သည်​သင်​၏​အ​ပြစ် ကို​ဖယ်​ရှား​လိုက်​ပြီး​လျှင်​သင်​ဝတ်​ဆင်​ရန် အ​ဝတ်​သစ်​များ​ကို​ပေး​ပါ​အံ့'' ဟု​ပြော လေ​သည်။

ဇာခရိ 3:1-4 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ထို့နောက် ယဇ်ပုရောဟိတ်​မင်း​ယောရှု​သည် ထာဝရဘုရား​၏​ကောင်းကင်တမန်​တော်​ရှေ့​၌​ရပ်​နေ​၍ စာတန်​သည် သူ့​အား စွဲချက်တင်​ရန် သူ​၏​လက်ယာ​ဘက်​၌ ရပ်​နေ​သည်​ကို ငါ​မြင်​ရ​၏​။ ထာဝရဘုရား​က စာတန်​အား “​စာတန်​၊ ထာဝရဘုရား​သည် သင့်​ကို ဆုံးမ​မည်​။ ဂျေရုဆလင်​မြို့​ကို ရွေးနုတ်​တော်မူ​သော​ထာဝရဘုရား​သည် သင့်​ကို ဆုံးမ​မည်​။ ဤသည်ကား မီး​ထဲမှ​ဆွဲထုတ်​လိုက်​သော​ထင်းစ မ​ဟုတ်​လော​”​ဟု မိန့်​တော်မူ​၏​။ ယောရှု​သည် ညစ်ပေ​သော​အဝတ်​ကို ဝတ်​လျက် ကောင်းကင်တမန်​ရှေ့​တွင် ရပ်​နေ​၏​။ ကောင်းကင်တမန်​က​လည်း သူ့​ရှေ့​တွင်​ရပ်​နေ​သော​သူ​တို့​အား “​ညစ်ပေ​နေ​သော​သူ့​အဝတ်​များ​ကို ချွတ်ပစ်​ပါ​”​ဟု ဆို​ပြီးလျှင် ယောရှု​အား “​ကြည့်​ပါ​။ သင့်​အပြစ်​တို့​ကို သင့်​ထံမှ ငါ​ဖယ်ရှား​ပစ်​ပြီ​။ ခန့်ညားထည်ဝါ​သော​အဝတ်​ကို​လည်း ဝတ်ဆင်​ပေး​မည်​”​ဟု မိန့်ဆို​၏​။