ဟေရှာယ 18:1-5

မျှဝေရန်

ဟေရှာယ 18:1-5 Judson Bible (JBMLE)

အဲ​သ​ယော​ပိ မြစ်​များ​အ​နား​မှာ အ​သံ​မြည်​တတ်​သော အ​တောင်​ရှိ၍၊ ပင်​လယ်​လမ်း​ဖြင့်​လည်း​ကောင်း၊ ရေ​ပေါ်၌ ဂ​မာ​လှေ​ဖြင့်​လည်း​ကောင်း၊ သံ​တ​မန်​တို့​ကို လွှတ်​တတ်​သော​ပြည်၊ နား​ထောင်​လော့။ ခိုင်​မာ​ပြင်း​ထန်​လျက် ရှေ့​ဦး​စွာ​မှ​စ၍ ယ​ခု​တိုင်​အောင်၊ ကြောက်​မက်​ဖွယ်​ဖြစ်​ထ​သော၊ ခွန်​အား​ကြီး၍ နှိပ်​နင်း​တတ်​ထ​သော၊ မြစ်​ကွဲ​ပြား​သော​မြေ၌​နေ​သော လူ​မျိုး​ထံ​သို့၊ လျင်​မြန်​သော​တ​မန်​တို့၊ သွား​ကြ​လော့။ လော​ကီ​နိုင်​ငံ၌​နေ​သော မြေ​ကြီး​သား​အ​ပေါင်း​တို့၊ တောင်​ပေါ်​မှာ အ​လံ​ကို ထူ​သော​အ​ခါ ကြည့်​ရှု​ကြ​လော့။ တံ​ပိုး​မှုတ်​သော​အ​ခါ နား​ထောင်​ကြ​လော့။ ထာ​ဝ​ရ​ဘု​ရား​သည် ငါ့​အား​မိန့်​တော်​မူ​သည်​ကား၊ နေ​အ​ရောင်​ထဲ​မှာ ကြည်​လင်​သော အ​ရှိန်​ကဲ့​သို့​လည်း​ကောင်း၊ အ​သီး​အ​နှံ​ကို သိမ်း​ယူ​ရာ ပူ​သော​ကာ​လ၌ နှင်း​နှင့်​ပြည့်​စုံ​သော မိုး​တိမ်​ကဲ့​သို့​လည်း​ကောင်း၊ ငါ​သည်​ကျိန်း​ဝပ်၍ ငါ့​နေ​ရာ​အ​ရပ်​မှာ ကြည့်​ရှု​မည်။ စ​ပျစ်​သီး​ကို သိမ်း​ယူ​ရာ​ကာ​လ​မ​တိုင်​မီ အ​ငုံ​စေ့​စုံ၍၊ အ​ပွင့်​လည်း လုံး​သော​အ​သီး ဖြစ်​စဉ်​အ​ခါ၊ အ​ညွန့်​များ​ကို တံ​စဉ်​နှင့်​ဖြတ်၍၊ အ​ခက်​အ​လက်​များ​ကို သုတ်​သင်​ပယ်​ရှင်း​တော်​မူ​မည်။

ဟေရှာယ 18:1-5 Common Language Bible (BCL)

ဆူ​ဒန်​မြစ်​များ​၏​အ​လွန်​တွင် တောင်​ပံ​ခတ် သံ​များ​ကို​ကြား​ရ​သည့်​တိုင်း​ပြည်​တစ် ပြည်​ရှိ​၏။- ထို​ပြည်​မှ​သံ​တ​မန်​များ​သည်​ကူ​ရိုး​ဖြင့် ပြီး​သည့်​လှေ​များ​ဖြင့် နိုင်း​မြစ်​ကို​စုံ​ဆင်း လာ​ကြ​၏။ ``အ​ချင်း​ခြေ​လျင်​သံ​တ​မန်​တို့၊ ဌာ​နေ​သို့​ပြန်​ကြ​လော့။ နိုင်း​မြစ်​ဖျား​တွင် တည်​ရှိ​သည့်​ကမ္ဘာ​တစ်​ဝှမ်း​လုံး​က​ကြောက်​ရွံ့ ကြ​၍ ခွန်​အား​တန်​ခိုး​ကြီး​မား​သည့်​ရုပ်​ရည် ချော​မော​မြင့်​မား​သည့်​သင်​တို့​ပြည်​သား များ​ထံ ဤ​သ​တင်း​စ​ကား​ကို​ယူ​ဆောင် သွား​ကြ​လော့။ ကမ္ဘာ​ပေါ်​ရှိ​လူ​အ​ပေါင်း​တို့၊ ကမ္ဘာ​မြေ​ပေါ်​တွင် နေ​ထိုင်​ကြ​သူ​လူ​အ​ပေါင်း​တို့၊ နား​ထောင်​ကြ လော့။ တောင်​ထိပ်​ဖျား​တွင်​လွှင့်​ထူ​မည့်​အ​ချက် ပြ​အ​လံ​ကို​စောင့်​မျှော်​ကြည့်​ရှု​ကြ​လော့။ တံ​ပိုး​ခ​ရာ​မှုတ်​သံ​ကို​နား​စွင့်​၍​နေ​ကြ လော့။- ထာ​ဝ​ရ​ဘု​ရား​က​ငါ့​အား``အ​သီး​အ​နှံ ရိတ်​သိမ်း​ချိန်​၏​ပူ​အိုက်​သည့်​ည​တို့​၌​ဆီး​နှင်း များ​သည်​ငြိမ်​သက်​စွာ​ကျ​လာ​သ​ကဲ့​သို့ လည်း​ကောင်း၊ အ​ပူ​ရှိန်​ပြင်း​သည့်​နေ့​၌​နေ သည်​ကြည်​လင်​ဆိတ်​ငြိမ်​စွာ​ထွန်း​လင်း​တောက် ပ​သ​ကဲ့​သို့​လည်း​ကောင်း ငါ​သည်​ကောင်း​ကင် ဘုံ​မှ​ငြိမ်​သက်​စွာ​ငုံ့​၍​ကြည့်​တော်​မူ​မည်။- စ​ပျစ်​သီး​များ​ကို​မ​စု​သိမ်း​မီ၊ အ​ပွင့်​များ ကြွေ​၍​အ​သီး​များ​မှည့်​လာ​ချိန်​၌​သူ​သည် ဋ္ဌား​ဖြင့် စ​ပျစ်​ခက်​များ​ကို​အ​လွယ်​တ​ကူ လှီး​ဖြတ်​သ​ကဲ့​သို့​ဆူ​ဒန်​အ​မျိုး​သား​တို့ အား​သုတ်​သင်​ဖျက်​ဆီး​ပစ်​ကြ​လိမ့်​မည်။

ဟေရှာယ 18:1-5 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

အီသီယိုးပီးယား​မြစ်​များ​တစ်ဖက်​ရှိ တောင်ပံ​သံ​တဝီဝီမြည်​သော​ပြည်​သည် အမင်္ဂလာ​ရှိ​၏​။ ထို​ပြည်​သည် ပင်လယ်​လမ်း​ဖြင့်​လည်းကောင်း​၊ ရေပြင်​ပေါ်တွင် ကျူရိုး​လှေ​များ​ဖြင့်​လည်းကောင်း သံတမန်​တို့​ကို စေလွှတ်​သော​ပြည်​ဖြစ်​၏​။ အို လျင်မြန်​သော​စေတမန်​တို့​၊ အရပ်ရှည်​၍​အသားအရေ​ချောမွတ်​သော​လူမျိုး​၊ အနီး​အဝေး​ရှိ​လူ​တို့​ကြောက်ရွံ့​ရ​သော​လူမျိုး​၊ မြစ်​များ​ဖြာထွက်​သော​ပြည်​၌​နေ​သည့် ခွန်အားကြီး​၍ နိုင်ထက်စီးနင်း​ပြု​တတ်​သော​လူမျိုး​ထံသို့ သွား​ကြ​လော့​။ လောကသား​အပေါင်း​တို့​၊ မြေကြီးသား​အပေါင်း​တို့​၊ တောင်​များ​ပေါ်တွင် အချက်ပြအလံ​ကို​လွှင့်ထူ​သောအခါ သင်​တို့​ကြည့်​ကြ​လော့​။ တံပိုး​ကို​မှုတ်​သောအခါ သင်​တို့ နားထောင်​ကြ​လော့​။ ထာဝရဘုရား​က “​ငါ​သည် တောက်ပ​သော​နေ​အပူရှိန်​ကဲ့သို့​၊ ပူပြင်း​သော​ရိတ်သိမ်း​ချိန်​၌ ကျ​သော​နှင်း​ထု​ကဲ့သို့ ငါ​ကိန်းဝပ်​ရာ​အရပ်​မှ တိတ်ဆိတ်​စွာ ငါ​ကြည့်ရှု​မည်​”​ဟု ငါ့​အား ထိုသို့​မိန့်​တော်မူ​၏​။ စပျစ်ပင်​သည် အပွင့်​ပွင့်​ပြီး အပွင့်​မှ ရင့်မှည့်​သော​စပျစ်သီး​သီး​လာ​၍ ဆွတ်ခူး​ချိန်​မရောက်မီမှာ​ပင် အညွန့်​များ​ကို တံစဉ်​ဖြင့်​ဖြတ်​၍ အခက်အလက်​များ​ကို​လည်း ခုတ်ဖြတ်​ဖယ်ရှား​ပစ်​မည်​။