၃ ဓမ္မရာဇဝင် 13:16-18

မျှဝေရန်

၃ ဓမ္မရာဇဝင် 13:16-18 Judson Bible (JBMLE)

ငါ​သည် သင်​နှင့်​အ​တူ မ​လိုက်​ရ၊ သင့်​အိမ်​သို့ မ​ဝင်​ရ။ ဤ​အ​ရပ်၌ မုန့်​ကို​မ​စား၊ ရေ​ကို​လည်း မ​သောက်​ရ။ ထာ​ဝ​ရ​ဘု​ရား​က၊ ထို​အ​ရပ်၌ မုန့်​ကို​မ​စား​နှင့်။ ရေ​ကို မ​သောက်​နှင့်။ လာ​သော​လမ်း​ဖြင့် မ​ပြန်​နှင့်​ဟု ငါ့​အား​မိန့်​တော်​မူ​ကြောင်း​ကို ပြော​ဆို၏။ ပ​ရော​ဖက်​က​လည်း၊ ငါ​သည် သင်​ကဲ့​သို့​ပ​ရော​ဖက်​ဖြစ်၏။ သင်​သည် မုန့်​ကို​စား၍ ရေ​ကို​သောက်​စေ​ခြင်း​ငှာ သင့်​ကို​ငါ့​အိမ်​သို့ ခေါ်​ရ​မည်​အ​ကြောင်း၊ ကောင်း​ကင်​တ​မန်​သည် ထာ​ဝ​ရ​ဘု​ရား၏​နှုတ်​က​ပတ်​တော်​အား​ဖြင့် မှာ​ထား​ပြီ​ဟု မု​သား​သုံး၍​ပြော​ဆို၏။

၃ ဓမ္မရာဇဝင် 13:16-18 Common Language Bible (BCL)

သို့​ရာ​တွင်​ယု​ဒ​ပ​ရော​ဖက်​က``ငါ​သည်​သင်​နှင့် အ​တူ​မ​လိုက်​နိုင်။ သင်​ဧည့်​ဝတ်​ပြု​သည်​ကို​လည်း လက်​မ​ခံ​နိုင်။ သင်​နှင့်​အ​တူ​ဤ​အ​ရပ်​တွင် အ​ဘယ်​အ​စာ​ရေ​စာ​ကို​မျှ​မ​စား​မ​သောက် နိုင်။- အ​ဘယ်​ကြောင့်​ဆို​သော်​ထာ​ဝ​ရ​ဘု​ရား​က ငါ့​အား`အ​ဘယ်​အ​စာ​ရေ​စာ​ကို​မျှ​မ​စား မ​သောက်​နှင့်။ လာ​လမ်း​အ​တိုင်း​လည်း​မ​ပြန် နှင့်' ဟု​ပ​ညတ်​တော်​မူ​သော​ကြောင့်​ဖြစ်​ပါ သည်'' ဟု​ပြန်​ပြော​လေ​၏။ ထို​အ​ခါ​ဗေ​သ​လ​မြို့​သား​ပ​ရော​ဖက်​အို​ကြီး က``ငါ​သည်​လည်း​သင်​ကဲ့​သို့​ပင်​ပ​ရော​ဖက်​ဖြစ် ပါ​၏။ ထာ​ဝ​ရ​ဘု​ရား​၏​အ​မိန့်​တော်​အ​ရ ကောင်း​ကင်​တမန်​တစ်​ပါး​က​သင့်​ကို​အိမ်​သို့ ဖိတ်​ခေါ်​၍​ဧည့်​ဝတ်​ပြု​ရန် ငါ့​အား​မှာ​ကြား ထား​ပါ​သည်'' ဟု​ဆို​၏။ ယင်း​သို့​ထို​ပ​ရော​ဖက် ကြီး​က​မု​သား​သုံး​၍​ပြော​ဆို​သ​ဖြင့်၊

၃ ဓမ္မရာဇဝင် 13:16-18 မြန်​​​မာ့​​​စံ​​​မီ​​​သမ္မာ​​​ကျမ်း​​ (MSBU)

ဘုရားသခင်​၏​လူ​က “​သင်​နှင့်အတူ မ​လိုက်​နိုင်​ပါ​။ သင်​နှင့်အတူ ပြန်လိုက်​သွား​ပြီး ဤ​အရပ်​၌ အစာ​ကို​လည်း မ​စား​၊ ရေ​ကို​လည်း မ​သောက်​နိုင်​ပါ​။ ထာဝရဘုရား​၏​စကား​တော်​သည် ငါ့​ထံသို့​ရောက်လာ​၍ ‘​ထို​အရပ်​၌ အစာ​ကို မ​စား​ရ​၊ ရေ​ကို​လည်း မ​သောက်​ရ​။ လာ​သော​လမ်း​အတိုင်း​လည်း မ​ပြန်​ရ​’​ဟု ငါ့​အား မိန့်မှာ​ထား​ပြီ​”​ဟု ပြန်ပြော​၏​။ ပရောဖက်​က “​ငါ​သည်​လည်း သင်​ကဲ့သို့ ပရောဖက်​တစ်​ပါး​ပင်​ဖြစ်​ပါ​၏​။ ‘​သူ့​ကို သင့်​အိမ်​သို့ ပြန်ခေါ်​သွား​ပါ​။ အစာ​လည်း ကျွေး​ပါ​၊ ရေ​လည်း တိုက်​ပါ​’​ဟူသည့် ထာဝရဘုရား​၏​စကား​တော်​ကို ကောင်းကင်တမန်​တစ်​ပါး​က ငါ့​အား မိန့်​တော်မူ​ပြီ​”​ဟု လိမ်ညာ​ပြောဆို​လေ​၏​။