လုကာကျမ်း 10
10
အခန်း (၁၀)
“ဆွာဟာဗီ” တပည့်တော်ခုနှစ်ဆယ့်နှစ်ဦးတို့ကို စေလွှတ်တော်မူခြင်း
1ထို့နောက် ဟဇရသ်အီစာသည် အခြားသောတပည့်တော်ခုနှစ်ဆယ့်နှစ်ဦး#10:1 ခုနှစ်ဆယ့်နှစ်ဦး အချို့လက်ရေးစာမူများတွင် ၎င်းသည် ခုနစ်ဆယ်၊ အခန်းငယ် ၁၇ လုကာ၊ ၁၀: ၁၇ တွင်လည်း၊ကိုရွေးချယ်၍ နှစ်ယောက်တစ်တွဲစီတွဲ၍ ကိုယ်တော်တိုင်သွားတော်မူမည့် မြို့ရွာအသီးသီးသို့သွားနှင့်ရန် ကြိုတင်စေလွှတ်တော်မူ၏။ 2အီစာက “ရိတ်သိမ်းရန်စပါးများစွာရှိ၏။ သို့ရာတွင် ကောက်ရိတ်သူများကားနည်းလှ၏။ သို့ဖြစ်၍ ကောက်ရိတ်သမားများစေလွှတ်ပေးရန် လယ်ပိုင်ရှင်ကို ‘ဒိုအာ’ ဆုတောင်းကြလော့။ 3သွားကြလော့၊ ဝံပုလွေများကြားထဲသို့ သိုးများကို စေလွှတ်သကဲ့သို့ သင်တို့ကိုငါစေလွှတ်၏။ 4သင်တို့သည် ပိုက်ဆံအိတ်၊ လွယ်အိတ်၊ ဖိနပ်တို့ကိုယူမသွားကြနှင့်။ လမ်းမှာရပ်၍ မည်သူ့ကိုမျှနှုတ်မဆက်ကြနှင့်။
5သင်တို့သည် မည်သည့်အိမ်သို့မဆို ဝင်သောအခါ ‘အစ္စလာမုအလိုက်ကွမ်’ ဦးစွာဆိုပြီး ဤအိမ်၌အလ္လာဟ်ရှင်မြတ်၏ငြိမ်သက်ခြင်းရှိပါစေ ဆုတောင်းပေးကြလော့။ 6အကယ်၍ ထိုအိမ်တွင် ‘စလာမ်’ ငြိမ်သက်မှုကိုလိုလားသူရှိလျှင် သင်တို့ပို့သည့် စလာမ်ကိုထိုသူခံစားရလိမ့်မည်။ ထိုသို့သောသူတစ်စုံတစ်ယောက်မျှမရှိပါမူ သင်တို့ပို့သည့်စလာမ်သည် သင်တို့၏ထံသို့ပြန်လာလိမ့်မည်။ 7သင်တို့သည်ထိုအိမ်မှာနေ၍ သူတို့ကျွေးမွေးသည်တို့ကိုစားသောက်ကြလော့။ အဘယ်ကြောင့်ဆိုသော် အလုပ်သောသူသည် အခကြေးငွေကိုရထိုက်သောကြောင့်ဖြစ်၏။ အိမ်တစ်အိမ်မှအခြားတစ်အိမ်သို့ မပြောင်းမရွှေ့ကြနှင့်။
8သင်တို့အားကြိုဆိုလက်ခံသောမြို့တွင်သင်တို့အား တည်ခင်းကျွေးမွေးသမျှတို့ကိုစားကြလော့။ 9ထိုမြို့ရှိ လူနာများကို ကုသပေး၍ ‘အလ္လာဟ်အရှင်မြတ်သခင်၏နိုင်ငံတော်သည် သင်တို့ထံသို့ ရောက်လာချိန်နီးပြီ’ ဟု ဟောပြောကြလော့။ 10သို့သော်လည်း မြို့ထဲသို့ဝင်သောအခါ ထိုမြို့သားတို့သည် သင်တို့ကိုမကြိုဆိုလျှင် ထိုမြို့၏လမ်းမပေါ်သို့ ထွက်၍ပြောပါ။ 11‘သင်တို့အားသတိပေးသည့်အနေဖြင့် ငါတို့ခြေတွင်ကပ်သည့် သင်တို့မြို့၏မြေမှုန့်ကိုငါတို့ခါချ၏။ သို့ရာတွင် အလ္လာဟ်အရှင်မြတ်၏နိုင်ငံတော်သည် သင်တို့ထံရောက်လာချိန်နီးပြီဖြစ်ကြောင်းကိုသိမှတ်ကြလော့’ ဟု ပြောကြလော့။ 12သင်တို့အား ငါပြောဆိုသည်မှာ ‘ကိယာမသ်’ တရားစီရင်နေ့၌ ထိုမြို့သည်စဒူမ်မြို့#10:12 စဒူမ်မြို့ စဒူမ်မြို့နှင့် ဂေါမောရမြို့တို့သည်ထိုမြို့၌လူများလွန်စွာ ပြစ်မှားခဲ့သောကြောင့် အလ္လာဟ်အရှင်မြတ်သခင် ဖျက်ဆီးခဲ့သော မြို့နှစ်မြို့ဖြစ်သည်။ ကမ္ဘာဦး၊ ၁၉:၁-၂၈ ထက်သာ၍ အပြစ်ဒဏ်ခံရလိမ့်မည်” ဟုမိန့်တော်မူလေသည်။
နောင်တမရသောမြို့များ
(မဿဲ၊ ၁၁:၂၀-၂၄)
13“အို ခေါရာဇိန်မြို့၊ သင်သည်အမင်္ဂလာရှိ၏။ အိုဗဲသ်စိုက်ဒမြို့၊ သင်သည်လည်းအမင်္ဂလာရှိ၏။ အကြောင်းမူကား သင်တို့တွင်ပြုခဲ့သည့် ‘မုအ်ဂျ်ဇာ’ အံ့ဖွယ်အမှုများကို တုရုမြို့နှင့်ဇိဒုန်မြို့#10:13 တုရုမြို့နှင့်ဇိဒုန်မြို့တုရုမြို့နှင့်ဇိဒုန်မြို့တို့သည် ဂျူးမဟုတ်သူများနေထိုင်ရာ အစ္စရေးမြောက်ပိုင်းရှိ မြို့များဖြစ်သည်။တွင်ပြုခဲ့ပါလျှင် ထိုမြို့တို့သည် ယခင်ကတည်းကပင် လျှော်တေအဝတ်ကိုဝတ်၍ပြာထဲမှာထိုင်လျက်#10:13 လျှော်တေအဝတ်ကိုဝတ်၍ပြာထဲမှာထိုင်လျက် ဝမ်းနည်းခြင်းနှင့် “သောင်ဗဟ်” ပြုနောင်တရခြင်း တို့ကိုဖော်ပြသည့်လက္ခဏာဖြစ်သည်။ ‘သောင်ဗဟ်’ ပြုနောင်တရပြီးဖြစ်လိမ့်မည်။ 14‘ကိယာမသ်’ တရားစီရင်နေ့၌ သင်တို့သည်တုရုမြို့နှင့်ဇိဒုန်မြို့တို့ထက်သာ၍ အပြစ်ဒဏ်ခံရလိမ့်မည်။ 15အို ကပ္ပဲရ်နောင်မြို့၊ သင်သည် ‘ဂျန္နသ်’ ကောင်းကင်တိုင်အောင် မြှောက်စားခြင်းကိုခံရမည်လော။ သင်သည် ဂျဟန္နမ် ငရဲ#10:15 ဟန္နမ် ငရဲ ဂရိဘာသာအားဖြင့် “ဟားဒဲ့စ်” ဟုခေါ်ပြီး၊ သေဆုံးပြီးသောသူများ၏ “ရူဟ်” ဝိညာဉ်များရောက်ရှိသည့် မြေကြီးအောက်တွင်ရှိသောနေရာကို ရည်ညွှန်းပါသည်။ အထိ ပစ်ချခြင်းခံရလိမ့်မည်” ဟု မိန့်တော်မူ၏။
16ဟဇရသ်အီစာသည် “ဆွာဟာဗီ” တပည့်တော်တို့အား “သင်တို့၏စကားကိုနားထောင်သောသူသည် ငါ့စကားကိုနားထောင်၏။ သင်တို့ကိုပစ်ပယ်သူသည်ငါ့ကိုပစ်ပယ်၏။ ငါ့ကိုပစ်ပယ်သူသည် ငါ့ကိုစေလွှတ်တော်မူသောအရှင်မြတ်ကို ပစ်ပယ်သည်” ဟု မိန့်တော်မူ၏။
“ဆွာဟာဗီ” တပည့်တော်ခုနှစ်ဆယ်ဦး ပြန်လာခြင်း
17ခုနစ်ဆယ့်နှစ်ဦးသော “ဆွာဟာဗီ” တပည့်တော်တို့သည် အလွန်ဝမ်းမြောက်ရွှင်လန်းစွာပြန်လည်ရောက်ရှိလာကြလျက် “သခင်၊ အကျွန်ုပ်တို့သည် အရှင်၏နာမတော်ကိုအသုံးပြုသောအခါ ညစ်ညမ်းသော ‘ဂျင်န်’ နတ်ဆိုးတို့ပင်အကျွန်ုပ်တို့ကိုနာခံပါ၏” ဟု လျှောက်ကြ၏။
18အီစာက ကောင်းကင်မှလျှပ်စစ်ကျသကဲ့သို့ ရှိုင်တွာန်ကျလာသည်ကိုငါမြင်ရ၏။ 19ကြည့်လော့။ ငါသည်သင်တို့ကို မြွေဆိုးများနှင့်ကင်းမြီးကောက်များအပေါ်မှာ နင်းခြေရသောအခွင့်နှင့် ရန်သူများအပေါ် အုပ်စိုးရသောတန်ခိုးအာဏာကိုပေး၏။ မည်သည့်အရာမျှ သင်တို့ကိုမထိခိုက်စေရ။ 20သို့ရာတွင် ညစ်ညမ်းသော “ဂျင်န်” နတ်ဆိုးတို့သည် သင်တို့ကိုနာခံသည့်အတွက် ဝမ်းမမြောက်ကြနှင့်။ “ဂျန္နသ်” ရွှေမြို့တော်တွင် သင်တို့၏နာမည်များစာရင်းဝင်ပြီးဖြစ်သည့်အတွက်သာလျှင် ဝမ်းမြောက်ကြလော့ ဟု မိန့်တော်မူ၏။
အီစာ၏ရွှင်လန်းဝမ်းမြောက်တော်မူခြင်း
(မဿဲ၊ ၁၁:၂၅-၂၇၊ ၁၃:၁၆-၁၇)
21ထိုအခါဟဇရသ်အီစာသည် “ရူဟုလ်ကုဒွတ်စ်” သန့်ရှင်းသောဝိညာဥ်တော်အားဖြင့် ဝမ်းမြောက်ခြင်းနှင့်ပြည့်တော်မူ၍ “ကောင်းကင်နှင့်ကမ္ဘာမြေကြီးကိုအစိုးရတော်မူသော အဖ၊ အရှင်မြတ်သည်ဉာဏ်ပညာအမြော်အမြင်ရှိသူတို့အား ဤအကြောင်းအရာများကိုထိမ်ဝှက်ထားတော်မူလျက် ပညာမဲ့သူတို့အားဖွင့်ပြတော်မူသောကြောင့်ကျေးဇူးတော်ကိုချီးမွမ်းပါ၏။ မှန်ပါ၏ အဖ၊ ဤသို့ဖြစ်ရခြင်းမှာ အရှင်မြတ်လိုလားတော်မူသည်အတိုင်းဖြစ်သည်ကို အကျွန်ုပ်သိပါ၏” ဟု အရှင်မြတ်ကို ချီးမွမ်းတော်မူ၏။
22“ငါ့ခမည်းတော်သည် အရာခပ်သိမ်းတို့ကို ငါ့အားပေးအပ်တော်မူပြီ။ သားတော်သည် မည်သူဖြစ်ကြောင်းကို ခမည်းတော်မှတစ်ပါး မည်သူမျှမသိ။ ခမည်းတော်သည်မည်သူဖြစ်ကြောင်းကိုလည်း သားတော်နှင့်သားတော်ဖွင့်ပြလိုသူများမှတစ်ပါးမည်သူမျှမသိ” ဟု မိန့်တော်မူ၏။
23ထိုနောက် အီစာသည် “ဆွာဟာဗီ” တပည့်တော်တို့ဘက်သို့ လှည့်၍ သီးခြားမိန့်တော်မူသည်မှာ “ယခုမြင်သမျှသောအရာတို့ကို မြင်ရသောကြောင့် သင်တို့၏မျက်စိတို့သည် မင်္ဂလာရှိ၏။ 24သင်တို့အားငါဆိုသည်ကား သင်တို့မြင်ရသည့်အရာများကို ရှေ့ခေတ်ကနဗီတမန်တော်များနှင့် ဘုရင်များမြင်လိုကြသော်လည်း မမြင်ခဲ့ကြရ။ သင်တို့ကြားရသည့်အရာများကိုလည်း ကြားလိုသော်လည်း မကြားခဲ့ရကြ” ဟူ၍ဖြစ်၏။
သနားကြင်နာတတ်သောဆာမာရိတန်အမျိုးသားပုံဥပမာ
25တစ်နေ့၌ “အာလဲမ်” ကျမ်းတတ်ဆရာတစ်ယောက်သည်ထ၍ ကိုယ်တော်ကိုစမ်းသပ်ရန် “ဆရာသခင်၊ ထာဝရအသက်#10:25 ထာဝရအသက် ထာဝရအသက်ဆိုသည်မှာ မသေဘဲ “ဂျန္နသ်” ကောင်းကင်၌ အလ္လာဟ်အရှင်မြတ်နှင့်အတူ ထာဝစဉ်အသက်ရှင်ခြင်းကို ဆိုလိုသည်။ ကိုရဖို့ရန် အကျွန်ုပ်သည် အဘယ်သို့ပြုရပါမည်နည်း” ဟု မေးလျှောက်လေ၏။
26အီစာက “သိူရာသ်ကျမ်းတော်မြတ်၌အဘယ်သို့ဖော်ပြထားသနည်း။ သင်အဘယ်သို့ဖတ်ဖူးသနည်း” ဟု မေးတော်မူလျှင်၊
27ထိုသူကလည်း၊ “‘သင်၏အလ္လာဟ်အရှင်မြတ်သခင် ထာဝရအလ္လာဟ်ကို စိတ်နှလုံးအကြွင်းမဲ့၊ စိတ်နှလုံးအကြွင်းမဲ့၊ အစွမ်းသတ္တိ၊ ဉာဏ်အကြွင်းမဲ့ချစ်လော့၊ သင်၏ အိမ်နီးချင်းကိုလည်း ကိုယ်နှင့်အမျှ’ ချစ်လော့” ဟူ၍ ပြန်ပြော၏။#10:27 ဝတ်ပြု၊ ၁၉:၁၈၊ တရား၊ ၆:၅
28အီစာက “သင်၏အဖြေသည်မှန်ပေ၏။ ဤအတိုင်းပြုလျှင်သင်သည် ထာဝရအသက်ကိုရလိမ့်မည်” ဟု မိန့်တော်မူ၏။
29ထိုသူသည် မိမိကိုယ်မိမိဖြောင့်မတ်ကြောင်းကိုဖော်ပြလို၍ ကိုယ်တော်အီစာအား “ဤသို့ဆိုလျှင် အကျွန်ုပ်တို့၏အိမ်နီးချင်းဟူသည် မည်သူကိုဆိုလိုပါသနည်း” ဟု မေးမြန်း၏။
30ထိုအခါဟဇရသ်အီစာက “လူတစ်ယောက်သည် ဂျေရုဆလာမ်မြို့မှယေရိခေါမြို့ သို့ဆင်းရာလမ်းတွင် ဓားပြများနှင့်တွေ့ဆုံ၏။ ဓားပြတို့သည်ထိုသူ၏ အဝတ်များကိုချွတ်ယူကြ၏။ ထိုနောက်သူ့ကိုရိုက်နှက်၍ သေလုဆဲဆဲအခါ ပစ်ထားခဲ့ကြ၏။ 31ထိုအခါ ‘အီမာမ်’ ရှေ့ဆောင်တစ်ပါးသည်ထိုလမ်းအတိုင်းသွားနေစဉ် ထိုသူကိုမြင်သောအခါအခြားလမ်းတစ်ဖက်သို့လွှဲရှောင်သွား၏။ 32ထိုနည်းတူ လေဝိအနွယ်ဝင်#10:32 လေဝိအနွယ်ဝင် လေဝိသားတို့သည် ယာကုပ်၏သားလေဝိ၏သားမြေးများဖြစ်ပြီး၊ ဂျူ “အီမာမ်” များကို ဗိမာန်တော်၌ ကူညီပေးခဲ့ကြသည်။ တစ်ယောက်သည် ထိုနေရာသို့ရောက်လာ၏။ ထိုသူသည်လည်း သူ့ကိုမြင်ပြီးလျှင် အခြားလမ်းတစ်ဖက်သို့ လွှဲရှောင်သွား၏။ 33သို့ရာတွင် ထိုအရပ်၌ ခရီးသွားသော ဆာမာရိတန်လူတယောက်သည်လာ၍ သူ့ကိုမြင်လျှင် သနားခြင်းစိတ်ရှိ၍၊ 34သူ့အနားကိုချဉ်းကပ်ပြီးလျှင် သူ၏ဒဏ်ရာများကိုဆီနှင့်စပျစ်ရည်လိမ်း၍ အဝတ်ဖြင့်စည်းပေး၏။ ထို့နောက် သူ့ကိုမိမြည်းပေါ်မှာကိုတင်ပြီး တည်းခိုရိပ်သာသို့ဆောင်သွား၍ ပြုစုစောင့်ရှောက်လေ၏။ 35နောက်တစ်နေ့၌သူသည် တည်းခိုခန်းပိုင်ရှင်အား ဒေနာရိ ဒင်္ဂါး#10:35 ဒေနာရိ ဒင်္ဂါး ဒေနာရိ ဒင်္ဂါးတစ်ပြားသည် ရောမဒင်္ဂါးဖြစ်ပြီး၊ အလုပ်သမားတစ်ဦး၏ တစ်နေ့လုပ်အားခဖြစ်ပါသည်။ အင်န်ဂျီလ်ကျမ်းတော်မြတ်မှ မဿဲ၊ ၂၀:၉-၁၃ ကိုကြည့်ပါ။နှစ်ပြားကိုပေး၍ ‘ဤသူကို စောင့်ရှောက်ပေးလော့။ ထပ်မံ ကုန်ကျမည့်စရိတ်ကို အကျွန်ုပ်ပြန်လာသောအခါ ပြန်၍ ဆပ်ပေးပါမည်’ ဟု မှာထားလေ၏” ဟူ၍ဖြစ်သည်။
36“ထိုသူသုံးယောက်တို့အနက် မည်သူသည် ဓားပြတိုက်ခံရသော သူ၏အိမ်နီးချင်းအစစ်ဖြစ်မည်နည်း” ဟုမေးလေ၏။
37အာလဲမ်ကျမ်းတတ်ဆရာ က “သူအား ‘ရဟ်မသ်’ သနားကြင်နာစွာပြုစုသူဖြစ်ပါသည်” ဟု လျှောက်၏။
ထိုအခါ ဟဇရသ်အီစာက “သင်သည်သွား၍ထိုနည်းတူပြုလော့” ဟု မိန့်တော်မူ၏။
မာသနှင့်မရ်ယာမ်တို့၏အိမ်သို့ အီစာ ကြွတော်မူခြင်း
38ဟဇရသ်အီစာနှင့် “ဆွဟာဗီ” တပည့်တော်တို့သည် ဂျေရုဆလာမ်မြို့သို့ ခရီးသွားကြစဉ်ရွာတစ်ရွာသို့ရောက်ကြ၏။ ထိုရွာမှ မာသအမည်ရှိသောအမျိုးသမီးတစ်ဦးသည် အီစာကို မိမိ၏အိမ်တွင် ကြိုဆိုဧည့်ခံ၏။ 39မာသမှာ မရ်ယာမ်အမည်ရှိသောညီမတစ်ယောက်ရှိ၏။ သူမသည် ဟဇရသ်အီစာ၏ ခြေတော်ရင်းမှာထိုင်၍ သူ၏စကားတော်များကို နားထောင်လျက်နေ၏။ 40မာသမှာမူ ဧည့်သည်များအတွက် ဧည့်ဝတ်ပြုရန် အလုပ်များလျှက် ရှိနေလေ၏။ နောက်ဆုံးတွင်မာသသည် ကိုယ်တော်ထံပါးသို့ချဉ်းကပ်၍ “သခင်ကိုယ်တော်၊ အကျွန်ုပ်၏ညီမသည် အိမ်မှုကိစ္စအားလုံးကို အကျွန်ုပ်တစ်ဦးတည်းလုပ်စေရန် ပစ်ပယ်ထားသည့်အတွက် အကျွန်ုပ်အားကူညီပေးရန် သူမကိုအမိန့်ရှိတော်မူပါ” ဟု လျှောက်လေ၏။
41ထိုအခါ ဟဇရသ်အီစာက “မာသ၊ မာသ၊ သင်သည်အလုပ်များသောကြောင့် စိုးရိမ်ပူပန်လျက်နေ၏။ 42လိုအပ်သောအရာ တစ်ခုတည်းရှိ၏။ မရ်ယာမ်သည် ထိုကောင်းမြတ်သော အရာကိုရွေးချယ်လေပြီ။ ထိုအရာကိုသူ့ထံမှမည်သူမျှ နုတ်ယူ၍ရမည်မဟုတ်” ဟု မိန့်တော်မူ၏။
လက်ရှိရွေးချယ်ထားမှု
လုကာကျမ်း 10: MBe
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Musselmani Burmese Bible by Beyond Translation is licensed under Creative Commons Attribution-ShareAlike 4.0 License.
