مَتّایِ انجیل 19
19
تعلیم دَئن طلاقِ باره
1وقتی کی عیسی خو گبان تمانَ کود، جلیلِ ولایتَ تَرکا کود و جه اُ طرفِ اُردن روخان، یهودیه سامانسر بامو. 2خَیلی خلق اونِ دُمبالسر رادکفتید و عیسی اویا اَشانَ شفا بدَه.
3فَریسی فرقه عالمان اونِ ورجه باموئید تا اونَ امتحان بُکونید. اوشان واورسه ئید: «شرعا دُرُسته کی مرد خو زنَ به هر دلیلی طلاق بده؟» 4عیسی جواب بدَه: «مگه توراتِ درون نخواندیدی اونی کی اوشانَ خلق بُکوده جه اول اوشانَ مرد و زن بساخته، 5و بگفت ”جه اَ رو، مَرد خو پئر و مار جا سیوا به، و خو زنَ چسبه و اُ دوتا، ایتا تَن خوائید بوستن“؟ 6اَنِ واسی، بازین پس دِه دوتا نیئید بلکی ای تَن ایسید. پس اونچی کی خُدا جُفتَ کونه، آدمی نبایسی سیوا بُکونه.» 7اوشان عیسیِ بگفتید: «پس چره موسیِ پیغمبر دستور بدَه کی مرد خو زنَ طلاق نامه فَدِه و اونَ وِلا کونه؟» 8عیسی اَشانَ بگفت: «موسی شیمی سنگدیلی واسی وَئَشته کی شیمی زناکانَ طلاق بدید، ولی جه بنا اَطو نُبو. 9و من شمرأ گَم کی، هر کَس خو زنَ به هر دلیلی جغیر زینا طلاقَ دِه و ایتا دیگر زنِ مرا ازدواج بُکونه زینا بُکوده دَره.»
10عیسی شاگردان اون بگفتید: «پس اَگه مرد خو زنِ مرا اَطو بُکونه، ازدواج نُکودن بختره!» 11عیسی اَشانَ بگفت: «هر کسی نَتانه اَ گبانَ قُبیل بُکونه، مگه اوشانی کی اَشانَ فدَه بُبوسته بی. 12چونکی بعضیان خواجه ئید، جه اَ رو کی مارِ شکمِ جا اَطو بزا بُبوستید؛ بعضی دیگه مردومِ دَس مرا خواجه بُبوستید؛ و بعضیَانم آسمانِ پادشائی واسی، خوشانَ خواجه بدانستید و ازدواج جا بُگُذشتید. هر کی تانه اَنه قُبیل بُکونه، وائال اَطو بُکونه.»
عیسی و کوجی زاکان
13بازون مردوم کوجی زاکانَ عیسی ورجه باوردید تا اوشان سر دَس بنه و دُعا بُکونه. ولی شاگردان مردومَ تشر بزئید. 14ولی عیسی بگفت: «وائالید کوجی زاکان می ورجه بائید و اَشانِ جُلُویَ نیگیرید، چونکی آسمانِ پادشائی اَجور کَسانِ شینه.» 15پس اوشانِ سر دَس بنه و جه اویا بُشو.
پولدارِ جوان
16ایتا روج ایتا مردای عیسی ورجه بامو و واورسه: «اوستاد، چی خُبِ کاری بُکونم تا ابدی زیندگیَ بدَس باورم؟» 17عیسی جواب بدَه: «چره می جا واورسی کی چی خُبه؟ فقط ایتا ایسا کی خُبه. اَگه خوائی زیندگی درون بیشی، حُکمانَ بجا باور.» 18اُ مردای واورسه: «کویتَا حُکمانَ؟» عیسی بگفت: «”قتل نُکون، زینا نُکون، دوزدی نُکون، دوروغ گُوائی ندن، 19تی پئر و مار احترامَ بدَر،“ و تی هَمساده یَ خودتِ مانستن محبت بُکون.“ 20اُ جوان بگفت: «همه یِ اَ حُکمانَ بجا باوردم، دِه چی کم دَرم؟» 21عیسی اون بگفت: « اَگه خوائی کامل بیبی، بوشو و هرچی دَری بُفروش و اون پولَ نادارانَ فَدَن کی آسمان درون گنج خوائی داشتن. بازون بیا و مَرا دُمبال بُکون.» 22وقتی جوان اَنه بیشتاوست، غُرصه دارَ بوست و جه اویا بُشو، چونکی خَیلی مال و منال دَشتی.
23بازون عیسی خو شاگردانَ بگفت: «حئیقتن، شمرأ گَم، پولدارانِ شئون آسمان پادشائی درون، خَیلی سخته. 24بازم شمرأ گَم شترِ ردّا بوستن سوزنِ سولاغِ جا، سَألتره تا مالدار آدمِ بدرون شئون خُدا پادشائی درون.» 25وقتی شاگردان اَ گب بیشتاوستید خَیلی ماتا بوستید و واورسه ئید: «پس کی تانه نیجات بیابه؟» 26عیسی اَشانَ چوم بُدوخت و بگفت: «اَن آدمی ره محاله ولی خُدا ره همه چی ممکنه.»
27هو موقع پِطرُس بگفت: «بیدین، اَمان همه چیَ وِلا کودیم و تی دُمبال باموئیم، امرا چی فارسه؟» 28عیسی اَشانَ بگفت: «حئیقتن، شمرأ گَم، تازه دُنیا درون، وقتی کی انسانِ پسر خو جلالِ تختِ سر بینیشینه، شُمانم کی می دُمبال باموئید، دوازده تختِ سر خوائید نیشتن و دوازده اسرائیلِ قبیله سر، داوری خوائید کودن. 29و هر کی می نامِ واسی خانه یا برار یا خاخور یا پئر یا مار یا زای یا خو زمینَ وِلا کوده بی، صَد برابر فیگیره و ابدی زیندگیَ بدَس خوائه اَوردن. 30ولی خَیلیان کی اول دَرید آخر بیدی، و اوشانی کی آخر ایسائید اوّل!»
လက်ရှိရွေးချယ်ထားမှု
مَتّایِ انجیل 19: GIL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
مَتّایِ انجیل 19
19
تعلیم دَئن طلاقِ باره
1وقتی کی عیسی خو گبان تمانَ کود، جلیلِ ولایتَ تَرکا کود و جه اُ طرفِ اُردن روخان، یهودیه سامانسر بامو. 2خَیلی خلق اونِ دُمبالسر رادکفتید و عیسی اویا اَشانَ شفا بدَه.
3فَریسی فرقه عالمان اونِ ورجه باموئید تا اونَ امتحان بُکونید. اوشان واورسه ئید: «شرعا دُرُسته کی مرد خو زنَ به هر دلیلی طلاق بده؟» 4عیسی جواب بدَه: «مگه توراتِ درون نخواندیدی اونی کی اوشانَ خلق بُکوده جه اول اوشانَ مرد و زن بساخته، 5و بگفت ”جه اَ رو، مَرد خو پئر و مار جا سیوا به، و خو زنَ چسبه و اُ دوتا، ایتا تَن خوائید بوستن“؟ 6اَنِ واسی، بازین پس دِه دوتا نیئید بلکی ای تَن ایسید. پس اونچی کی خُدا جُفتَ کونه، آدمی نبایسی سیوا بُکونه.» 7اوشان عیسیِ بگفتید: «پس چره موسیِ پیغمبر دستور بدَه کی مرد خو زنَ طلاق نامه فَدِه و اونَ وِلا کونه؟» 8عیسی اَشانَ بگفت: «موسی شیمی سنگدیلی واسی وَئَشته کی شیمی زناکانَ طلاق بدید، ولی جه بنا اَطو نُبو. 9و من شمرأ گَم کی، هر کَس خو زنَ به هر دلیلی جغیر زینا طلاقَ دِه و ایتا دیگر زنِ مرا ازدواج بُکونه زینا بُکوده دَره.»
10عیسی شاگردان اون بگفتید: «پس اَگه مرد خو زنِ مرا اَطو بُکونه، ازدواج نُکودن بختره!» 11عیسی اَشانَ بگفت: «هر کسی نَتانه اَ گبانَ قُبیل بُکونه، مگه اوشانی کی اَشانَ فدَه بُبوسته بی. 12چونکی بعضیان خواجه ئید، جه اَ رو کی مارِ شکمِ جا اَطو بزا بُبوستید؛ بعضی دیگه مردومِ دَس مرا خواجه بُبوستید؛ و بعضیَانم آسمانِ پادشائی واسی، خوشانَ خواجه بدانستید و ازدواج جا بُگُذشتید. هر کی تانه اَنه قُبیل بُکونه، وائال اَطو بُکونه.»
عیسی و کوجی زاکان
13بازون مردوم کوجی زاکانَ عیسی ورجه باوردید تا اوشان سر دَس بنه و دُعا بُکونه. ولی شاگردان مردومَ تشر بزئید. 14ولی عیسی بگفت: «وائالید کوجی زاکان می ورجه بائید و اَشانِ جُلُویَ نیگیرید، چونکی آسمانِ پادشائی اَجور کَسانِ شینه.» 15پس اوشانِ سر دَس بنه و جه اویا بُشو.
پولدارِ جوان
16ایتا روج ایتا مردای عیسی ورجه بامو و واورسه: «اوستاد، چی خُبِ کاری بُکونم تا ابدی زیندگیَ بدَس باورم؟» 17عیسی جواب بدَه: «چره می جا واورسی کی چی خُبه؟ فقط ایتا ایسا کی خُبه. اَگه خوائی زیندگی درون بیشی، حُکمانَ بجا باور.» 18اُ مردای واورسه: «کویتَا حُکمانَ؟» عیسی بگفت: «”قتل نُکون، زینا نُکون، دوزدی نُکون، دوروغ گُوائی ندن، 19تی پئر و مار احترامَ بدَر،“ و تی هَمساده یَ خودتِ مانستن محبت بُکون.“ 20اُ جوان بگفت: «همه یِ اَ حُکمانَ بجا باوردم، دِه چی کم دَرم؟» 21عیسی اون بگفت: « اَگه خوائی کامل بیبی، بوشو و هرچی دَری بُفروش و اون پولَ نادارانَ فَدَن کی آسمان درون گنج خوائی داشتن. بازون بیا و مَرا دُمبال بُکون.» 22وقتی جوان اَنه بیشتاوست، غُرصه دارَ بوست و جه اویا بُشو، چونکی خَیلی مال و منال دَشتی.
23بازون عیسی خو شاگردانَ بگفت: «حئیقتن، شمرأ گَم، پولدارانِ شئون آسمان پادشائی درون، خَیلی سخته. 24بازم شمرأ گَم شترِ ردّا بوستن سوزنِ سولاغِ جا، سَألتره تا مالدار آدمِ بدرون شئون خُدا پادشائی درون.» 25وقتی شاگردان اَ گب بیشتاوستید خَیلی ماتا بوستید و واورسه ئید: «پس کی تانه نیجات بیابه؟» 26عیسی اَشانَ چوم بُدوخت و بگفت: «اَن آدمی ره محاله ولی خُدا ره همه چی ممکنه.»
27هو موقع پِطرُس بگفت: «بیدین، اَمان همه چیَ وِلا کودیم و تی دُمبال باموئیم، امرا چی فارسه؟» 28عیسی اَشانَ بگفت: «حئیقتن، شمرأ گَم، تازه دُنیا درون، وقتی کی انسانِ پسر خو جلالِ تختِ سر بینیشینه، شُمانم کی می دُمبال باموئید، دوازده تختِ سر خوائید نیشتن و دوازده اسرائیلِ قبیله سر، داوری خوائید کودن. 29و هر کی می نامِ واسی خانه یا برار یا خاخور یا پئر یا مار یا زای یا خو زمینَ وِلا کوده بی، صَد برابر فیگیره و ابدی زیندگیَ بدَس خوائه اَوردن. 30ولی خَیلیان کی اول دَرید آخر بیدی، و اوشانی کی آخر ایسائید اوّل!»
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company