مَتّایِ انجیل 15
15
پاکیِ درون
1بازین دسته ئی جه فَریسی فرقه عالمان و تورات آموجگاران اورشلیم جا، عیسی ورجه باموئید و بگفتید: 2«چره تی شاگردان ریش سیفیدانِ سُنّتَ، زیر پا نیئیدی؟ چونکی اوشان قبل اَنکی غذا بُخورید خوشانِ دَسان نُشوریدی!» 3عیسی جواب بدَه: «و شُمان چره اَنِ واسی که شیمی سُنّتَ بدَرید، خُدا حُکمَ زیر پا نیئیدی؟ 4چونکی خُدا بگفته: ”تی پئر و مارِ احترامَ بدَر“ و ”هر کی خو پئر و مارَ فاش بده، البته کی بایسی اونَ بُکوشید.“ 5ولی شُمان گیدی اَگه اینفر خو پئر یا مارِ بگه: ”هرچیَ کی بایسی کمک ره شمرأ فدَه بیم، خُدا ره وقف بُکودم،“ 6ده اونِ واجب نیه کی خو پئرِ احترامَ بدَره. شُمان هَطو شیمی سُنّت واسی، خُدا کلام نیده بو بیگیفتید. 7اَی ریاکاران! اِشعیایِ پیغمبر شیمی باره چنقده خُب پیشگویی بُکود، هو موقع کی بگفت:
8«”اَ مردوم خوشانِ زوانِ اَمرا، مَرا احترام نئیدی،
ولی اوشانِ دیلان می جا دوره.
9اوشان هَچین مَرا پرستش کونید،
و اَشانِ تعلیم هیچی جغیر آدمی حُکمان نیه.“»
10بازون عیسی اُ خلقَ خو ورجه دوخواد و بگفت: «گوش فَدید و بفهمید. 11اونچی کی آدمی دَهَنِ بدرون شه اونَ نجستَ نُکونه، بلکی اونچی اونِ دَهَن جا بیرون اَیه، اونه کی آدمیَ نجستَ کونه.» 12هوموقع شاگردان عیسی ورجه باموئید و بگفتید: «دَنی کی تی اَ گَب، فَریسیانَ خَیلی بربخورده؟» 13عیسی جواب بدَه: «هر نهالی کی می آسمانی پئر نَکاره، بنِه جا بیرون اَیه. 14اوشانَ وا بدید. اوشان کورِ رانمائید. اَگه کوری ایتا دیگر کورِ دسَ بیگیره هر دوتا چاه میان دکفیدی» 15ولی پِطرُس عیسیَ بگفت: «اَ نقلَ امرا واشکافان.» 16عیسی جواب بدَه: «شُمانم هنو نفهمیدی؟ 17مگه نانید کی هر چی دَهن بدرون شه، شکم درون شه و بازین دفع بِه؟ 18ولی اونچی کی دهنِ جا بیرون اَیه، دیلِ جا سرچشمه گیره، و اَنِ اونچی کی آدمیَ نجستَ کونه. 19چون دیلِ جایِ کی پلیدِ فیکران، قتل، زینا، شهوت، دوزدی، دوروغ گُوائی و ایفترا سرچشمه گیره. 20اَشانِ کی آدمَ نجستَ کونه، نه غذا خوردن نُشوسته دسانِ مرا!»
ایتا کنعانی زناکِ ایمان
21عیسی اویا تَرکا کود و صور و صِیدون منطقه بُشو. 22روجی ایتا کنعانی زنای کی هویا شین بو، عیسی ورجه بامو و داد مرا بگفت: «آقا، اَی داوودِ پسر، مَرا رحم بُکون! می کُر بد جور دیو بزِه بُبوسته.» 23ولی عیسی هی جوابی فانده، تا اَنکی شاگردان اونِ ورجه باموئید و اونَ منّت بُکودید و بگفتید: «اونَ سَرا دَن، چونکی داد زِئن دَره و اَمی دُمبال اَمون دَره.» 24عیسی اوشانَ جواب بدَه: «من فقط بنی اسرائیلِ اَویرَ بوسته گوسفندان ره اوسِه بُبوستم.» 25ولی اُ زنای بامو و اونِ جُلُو زانو بزه و بگفت: «آقا، مَره یاری بدن!» 26عیسی جواب بدَه: «زاکانِ نانَ فیگیفتن و سَگانِ جُلُو تَوَدَن دُرست نیه.» 27ولی اُ زنای بگفت: «بله آقا، ولی سَگانم اُ خُرده نانی کی اوشان صاحابِ سُفره جا فیوه، خوریدی!» 28هوموقع عیسی بگفت: «اَی زنای، تی ایمان خَیلی پیله یه! تی خواسته انجام ببه!» هو دَم اونِ کُر شفا بیگیفت.
عیسی خَیلیانَ شفا دئه
29عیسی جه اویا را دکفت و جلیلِ دریا کنارِ وَر بُشو، ایتا کویَ فارسه و اویا بینیشت. 30ایتا پیله جماعت اونِ ورجه باموئید و خوشانِ مرا شلان و کوران و ایفلیجان و لالان و دیگر ناخوشانَ باوردید، عیسی پا جیر بنه ئید و اون، اَشانَ شفا بدَه. 31مردوم وقتی بیده ئید کی لالان گب زَنیدی، ایفلیجان سالم بیدی، شلان راه شیدی و کوران دینیدی، حَیرانَ بُوستید و اسرائیلِ خُدایَ ستایش بُکودید.
عیسی چار هیزار نفرَ غذا دئه
32عیسی خوشاگردانَ دوخواد و بگفت: «می دیل اَ مردوم ره سوجه، چونکی الان سه روجه می اَمرائید و هیچّی خوردن ره نارید. نخوائم اَشانَ ویشتا روانه کونم، نبه کی راه درون زالاش باورید.» 33اونِ شاگردان بگفتید: «جه کویا تانیم اَ دوردکفته جیگا درون، اَ خلقِ سئرا کودن ره اَنقد نان مُهیا بُکونیم؟» 34عیسی واورسه: «چن تا نان دَریدی؟» شاگردان بگفتید: «هفت تا نان و چن تا کوجدانه ماهی.» 35عیسی مردومَ بگفت تا زمین سر بینیشینید. 36هو موقع هفت تا نان و چن تا ماهیَ بیگیفت و بعد اَنکی شُکر بُکود، اوشانَ پلکَ کود و خو شاگردانَ فَدَه و اَشانم اُ خلقَ فَدَئید. 37همه بُخوردید و سئرا بوستید و شاگردانم هفت تا زیبیل پُر جه زیادباورده غذا جمَ کودید. 38اوشانی کی غذا بُخوردِبید، جغیر زناکان و کوجدانه ئان، چار هیزار تا مَردای بید. 39بعد اَنکی عیسی مردومَ سرا دَه، لوتکا سوارَ بوست و مَجَدان منطقه سو بُشو.
လက်ရှိရွေးချယ်ထားမှု
مَتّایِ انجیل 15: GIL
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company
مَتّایِ انجیل 15
15
پاکیِ درون
1بازین دسته ئی جه فَریسی فرقه عالمان و تورات آموجگاران اورشلیم جا، عیسی ورجه باموئید و بگفتید: 2«چره تی شاگردان ریش سیفیدانِ سُنّتَ، زیر پا نیئیدی؟ چونکی اوشان قبل اَنکی غذا بُخورید خوشانِ دَسان نُشوریدی!» 3عیسی جواب بدَه: «و شُمان چره اَنِ واسی که شیمی سُنّتَ بدَرید، خُدا حُکمَ زیر پا نیئیدی؟ 4چونکی خُدا بگفته: ”تی پئر و مارِ احترامَ بدَر“ و ”هر کی خو پئر و مارَ فاش بده، البته کی بایسی اونَ بُکوشید.“ 5ولی شُمان گیدی اَگه اینفر خو پئر یا مارِ بگه: ”هرچیَ کی بایسی کمک ره شمرأ فدَه بیم، خُدا ره وقف بُکودم،“ 6ده اونِ واجب نیه کی خو پئرِ احترامَ بدَره. شُمان هَطو شیمی سُنّت واسی، خُدا کلام نیده بو بیگیفتید. 7اَی ریاکاران! اِشعیایِ پیغمبر شیمی باره چنقده خُب پیشگویی بُکود، هو موقع کی بگفت:
8«”اَ مردوم خوشانِ زوانِ اَمرا، مَرا احترام نئیدی،
ولی اوشانِ دیلان می جا دوره.
9اوشان هَچین مَرا پرستش کونید،
و اَشانِ تعلیم هیچی جغیر آدمی حُکمان نیه.“»
10بازون عیسی اُ خلقَ خو ورجه دوخواد و بگفت: «گوش فَدید و بفهمید. 11اونچی کی آدمی دَهَنِ بدرون شه اونَ نجستَ نُکونه، بلکی اونچی اونِ دَهَن جا بیرون اَیه، اونه کی آدمیَ نجستَ کونه.» 12هوموقع شاگردان عیسی ورجه باموئید و بگفتید: «دَنی کی تی اَ گَب، فَریسیانَ خَیلی بربخورده؟» 13عیسی جواب بدَه: «هر نهالی کی می آسمانی پئر نَکاره، بنِه جا بیرون اَیه. 14اوشانَ وا بدید. اوشان کورِ رانمائید. اَگه کوری ایتا دیگر کورِ دسَ بیگیره هر دوتا چاه میان دکفیدی» 15ولی پِطرُس عیسیَ بگفت: «اَ نقلَ امرا واشکافان.» 16عیسی جواب بدَه: «شُمانم هنو نفهمیدی؟ 17مگه نانید کی هر چی دَهن بدرون شه، شکم درون شه و بازین دفع بِه؟ 18ولی اونچی کی دهنِ جا بیرون اَیه، دیلِ جا سرچشمه گیره، و اَنِ اونچی کی آدمیَ نجستَ کونه. 19چون دیلِ جایِ کی پلیدِ فیکران، قتل، زینا، شهوت، دوزدی، دوروغ گُوائی و ایفترا سرچشمه گیره. 20اَشانِ کی آدمَ نجستَ کونه، نه غذا خوردن نُشوسته دسانِ مرا!»
ایتا کنعانی زناکِ ایمان
21عیسی اویا تَرکا کود و صور و صِیدون منطقه بُشو. 22روجی ایتا کنعانی زنای کی هویا شین بو، عیسی ورجه بامو و داد مرا بگفت: «آقا، اَی داوودِ پسر، مَرا رحم بُکون! می کُر بد جور دیو بزِه بُبوسته.» 23ولی عیسی هی جوابی فانده، تا اَنکی شاگردان اونِ ورجه باموئید و اونَ منّت بُکودید و بگفتید: «اونَ سَرا دَن، چونکی داد زِئن دَره و اَمی دُمبال اَمون دَره.» 24عیسی اوشانَ جواب بدَه: «من فقط بنی اسرائیلِ اَویرَ بوسته گوسفندان ره اوسِه بُبوستم.» 25ولی اُ زنای بامو و اونِ جُلُو زانو بزه و بگفت: «آقا، مَره یاری بدن!» 26عیسی جواب بدَه: «زاکانِ نانَ فیگیفتن و سَگانِ جُلُو تَوَدَن دُرست نیه.» 27ولی اُ زنای بگفت: «بله آقا، ولی سَگانم اُ خُرده نانی کی اوشان صاحابِ سُفره جا فیوه، خوریدی!» 28هوموقع عیسی بگفت: «اَی زنای، تی ایمان خَیلی پیله یه! تی خواسته انجام ببه!» هو دَم اونِ کُر شفا بیگیفت.
عیسی خَیلیانَ شفا دئه
29عیسی جه اویا را دکفت و جلیلِ دریا کنارِ وَر بُشو، ایتا کویَ فارسه و اویا بینیشت. 30ایتا پیله جماعت اونِ ورجه باموئید و خوشانِ مرا شلان و کوران و ایفلیجان و لالان و دیگر ناخوشانَ باوردید، عیسی پا جیر بنه ئید و اون، اَشانَ شفا بدَه. 31مردوم وقتی بیده ئید کی لالان گب زَنیدی، ایفلیجان سالم بیدی، شلان راه شیدی و کوران دینیدی، حَیرانَ بُوستید و اسرائیلِ خُدایَ ستایش بُکودید.
عیسی چار هیزار نفرَ غذا دئه
32عیسی خوشاگردانَ دوخواد و بگفت: «می دیل اَ مردوم ره سوجه، چونکی الان سه روجه می اَمرائید و هیچّی خوردن ره نارید. نخوائم اَشانَ ویشتا روانه کونم، نبه کی راه درون زالاش باورید.» 33اونِ شاگردان بگفتید: «جه کویا تانیم اَ دوردکفته جیگا درون، اَ خلقِ سئرا کودن ره اَنقد نان مُهیا بُکونیم؟» 34عیسی واورسه: «چن تا نان دَریدی؟» شاگردان بگفتید: «هفت تا نان و چن تا کوجدانه ماهی.» 35عیسی مردومَ بگفت تا زمین سر بینیشینید. 36هو موقع هفت تا نان و چن تا ماهیَ بیگیفت و بعد اَنکی شُکر بُکود، اوشانَ پلکَ کود و خو شاگردانَ فَدَه و اَشانم اُ خلقَ فَدَئید. 37همه بُخوردید و سئرا بوستید و شاگردانم هفت تا زیبیل پُر جه زیادباورده غذا جمَ کودید. 38اوشانی کی غذا بُخوردِبید، جغیر زناکان و کوجدانه ئان، چار هیزار تا مَردای بید. 39بعد اَنکی عیسی مردومَ سرا دَه، لوتکا سوارَ بوست و مَجَدان منطقه سو بُشو.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
@ 2024 Korpu Company