Roomi Kullaysuma
Kullaysuma
Erkanosen a Erkamampaytase a Pawloosi wa malla orra Roomiti' taafamene, qoota Pawloosi tikase a Kiristaana Roomi kara kitto tooyyeeta' dikatta qapo ka akka ishootta isha tura harmisadan ka asadane'e ishootta' lela malla; wa Pawloosi dikade, oto hellaasene a kiristaana Roomi kara ca olli shakkayteeta koda kodo kammaayye, qaarqaarsaassootinni piita Ispeeni opa aaneeta. Qoota amanteeta kiristinnaati desa, wa upnaade ka kollissase a kiristinna a kiristaana kallaataaysho oppa kodaan akkishooyye desa mina xata taafe. Erkana a Pawloosi, erkanoosen karaayye immakkootanne caan.
Pawloosi ete hellaasene a kiristaana Roomi kara caati nakayta tarpishe ka akka ishootta qinsado ishootta' kippeeta daashe kammaayye, erkanaadi kara wa kokkoka qaalese Roome 1:17 qara kiinitto, “Hanqeelluma a Waaqa kapa te'anna akka paayyote paayyatte haka piraampirati amanteetan te'annaan otoota fayya kara ilelamte.”
Se kammaayye, Pawloosi dikattose'ew paldinni ka taafni. Yihutaata isho orra a Yihutaata in koddinin piisa, qoota a juppoota piddamma kodden malla, Waaqa olliiyyi araarama ishootta faani. Orraaw Yesuusi Kiristoosi amana pattanne Waaqa olli araarama ettansha. Takkumtose haaraya a Waaqa olli qapnaannaan kelaayye tookta a deenitto, akka caata haaraya koddite, Pawloosi a kuttati la'anni. Nama amanno Waaqa olliiyyi nakayta qapnaanni ka hapura Waaqatinni, juppoota isho hupna toota' kela nata sookni. Qajeeltota 5 - 8 Pawloosi seera Waaqa isho hupna Hapura Waaqa a caata a orra amanno kara koda koonoti wa qaran ishootta kaya'e la'anni. Kamma' desaaw kaassumasene kiina'e “Wa a Waaqa sanynyeeta namati' qapade oppaayye, Yihutaata isho orra a Yihutaata in koddini atta ollin takka koddan?” neti'i malseeta oorissa ekkanni.
Pawloosi akka qara' oore ka lele mina'ew, Yihutaata wa malla Yesuusi teyyatta tiitte, dikatta Waaqa oppa kitta; sede nefo wa malla asse koddite, daassatase a dina a Waaqa Yesuusi Kiristoosi qudan akkishe, sanynyeeta nama piisa akka oppa qoottatto' koda malla. A koddito ma Pawloosi eta a oppaayye Yihutaata Yesuusi teyyatto akkima de'an, i'amanni. Piraampira qaraayyeew Pawloosi caatta Kiristinna atta kallaatta akka parpaaccisnitto ka xawwi' desaaw takkumta a kiristaana olli tura qaponne, jaalala kamma anta akkima ishootta parpaaccisnitto la'anni. Qoota Waaqa kela koda kodeetati desa, kiristaana qoota piitaayshoti desa ka kallaata a oltura qapane desa wa ishootta qara fadamma ka dikatta a karittaayshoti minan kaassumadda xaanaati desa ifure ka la'ayshe.
Wa mataafose kara ca
Kullaysuma a wa mataafose kara kokkokaati 1:1-17
Dina akkima nama' parpaaccisno 1:18—3:20
Saanta Waaqa a dinissaadi 3:21—4:25
Caatta haraya a Kiristoosin teyanno 5:1—8:39
Wa a Waaqa koda' qapade oppa Isira'eeleta wa koddita 9:1—11:36
Qalpeeta kiristaana 12:1—15:13
Kuuta hidda ka nakayta dehassa 15:14—16:27
လက်ရှိရွေးချယ်ထားမှု
Roomi Kullaysuma: MaQu
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ