ရု​သ​ 4:3-6

အ​မျိုး​သား​ချင်း​ကို​လည်း၊ မော​ဘ​ပြည်​မှ​ပြန်​လာ​သော နော​မိ​သည် ငါ​တို့​အစ်​ကို ဧ​လိ​မ​လက်​ပိုင်​သော မြေ​အ​ကွက်​ကို ရောင်း​မည်​ဖြစ်၍၊ သင့်​ကို​ငါ​တိုင်​ကြား​လျက်၊ ပြည်​သား​များ၊ ငါ​တို့​အ​မျိုး၌ အ​သက်​ကြီး​သူ​များ​ရှေ့​မှာ ဝယ်​ပါ​တော့​ဟု ပြော​မည်​အ​ကြံ​ရှိ​ပါ၏။ သင်​သည် ရွေး​လို​လျှင်​ရွေး​ပါ​တော့၊ မ​ရွေး​လို​လျှင် ကျွန်ုပ်​အား​ကြား​ပြော​ပါ​တော့။ သင်​မှ​တစ်​ပါး ရွေး​ပိုင်​သော​သူ​မ​ရှိ။ သင့်​နောက်​မှာ ကျွန်ုပ်​နေ​ရာ​ကျ​သည်​ဟု ဆို​သော်၊ အ​မျိုး​သား​ချင်း​က၊ ကျွန်ုပ်​ရွေး​မည်​ဟု ပြန်​ပြော၏။ ဗော​ဇ​က​လည်း၊ ထို​လယ်​ကွက်​ကို နော​မိ​လက်​မှ ဝယ်​သော​နေ့​ရက်​တွင်၊ သေ​သော​သူ၏ အ​မွေ​ဥ​စ္စာ​အား​ဖြင့် သူ၏​နာ​မည်​ကို ထောက်​မ​ခြင်း​ငှာ၊ သူ၏​မ​ယား မော​ဘ​အ​မျိုး​သ​မီး ရု​သ​ကို​လည်း ဝယ်​ရ​သေး​သည်​ဟု​ဆို​သော်၊ အ​မျိုး​သား​ချင်း​က၊ ကျွန်ုပ်​သည် ကိုယ်​အ​ဖို့​မ​ရွေး​နိုင်​ပါ။ ရွေး​လျှင် ကိုယ်​အ​မွေ​ဥ​စ္စာ​ကို​ဖျက်​မည် စိုး​ရိမ်​စ​ရာ​ရှိ၏။ ကျွန်ုပ်​မ​ရွေး​နိုင်​သော​ကြောင့်၊ ကျွန်ုပ်​ရွေး​ပိုင်​သော​အ​ရာ​ကို ကိုယ်​အ​ဖို့​ရွေး​ပါ​တော့​ဟု ပြန်​ပြော၏။