ယေရမိ 25:32-38

ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား မိန့်​တော်​မူ​သည်​ကား၊ ဘေး​သည် တစ်​ပြည်​မှ​တစ်​ပြည်​သို့ ကူး​သွား​လိမ့်​မည်။ မြေ​ကြီး​အ​စွန်း​အ​နား​တို့​မှ ပြင်း​စွာ​သော လေ​ပွေ​သည် ထ​လိမ့်​မည်။ ထို​အ​ခါ ထာ​ဝ​ရ​ဘု​ရား ကွပ်​မျက်​တော်​မူ​ခြင်း​ကို ခံ​ရ​သော​သူ​တို့​သည် မြေ​ကြီး​တစ်​ဖက်​မှ တစ်​ဖက်​တိုင်​အောင် နှံ့​ပြား​ကြ​လိမ့်​မည်။ သူ​တို့​ကို မ​မြည်​တမ်း​ရ။ မ​စု​မ​ပုံ​ရ။ မ​သင်္ဂြိုဟ်​ရ။ မြေ​ပေါ်​မှာ မ​စင်​ကဲ့​သို့ ဖြစ်​ကြ​လိမ့်​မည်။ အို သိုး​ထိန်း​တို့၊ ငို​ကြွေး အော်​ဟစ်​ကြ​လော့။ အို သိုး​ကြီး​သိုး​မြတ်​တို့၊ ပြာ၌​လူး​လည်း​လျက် နေ​ကြ​လော့။ သင်​တို့​ကို သတ်​ရ​သော​အ​ချိန် ရောက်​လေ​ပြီ။ အ​ရပ်​ရပ်​သို့ ငါ​မောင်း​သ​ဖြင့်၊ သင်​တို့​သည် အ​ဖိုး​ထိုက်​သော တန်​ဆာ​ကျ​သ​ကဲ့​သို့ ဖြစ်​ရ​ကြ​လိမ့်​မည်။ သိုး​ထိန်း​တို့​သည် ပြေး​စ​ရာ​လမ်း​မ​ရှိ။ သိုး​ကြီး​သိုး​မြတ်​တို့​သည် လွတ်​ရာ​လမ်း​ကို ရှာ၍ မ​တွေ့​ရ​ကြ။ သိုး​ထိန်း​များ ငို​ကြွေး​သံ​နှင့် သိုး​ကြီး​သိုး​မြတ်​များ မြည်​သံ​ကို ကြား​ရ၏။ အ​ကြောင်း​မူ​ကား၊ ထာ​ဝ​ရ​ဘု​ရား​သည် သူ​တို့​ကျက်​စား​ရာ​အ​ရပ်​ကို ဖျက်​ဆီး​တော်​မူ၏။ ထာ​ဝ​ရ​ဘု​ရား​သည် ပြင်း​စွာ​အ​မျက်​ထွက်​တော်​မူ​သော​အား​ဖြင့် ငြိမ်​ဝပ်​စွာ နေ​ရာ​အ​ရပ်​တို့​သည်​လည်း ပယ်​ရှင်း​ဖျက်​ဆီး​ခြင်း​ကို ခံ​ရ​ကြ၏။ ခြင်္သေ့​ဘာ​သာ​ဓ​လေ့၊ နေ​တော်​မူ​ရာ​ခြုံ​ကို စွန့်​ထွက်​တော်​မူ​ပြီ။ ညှဉ်း​ဆဲ​သော​သူ၏​ပြင်း​ထန်​ခြင်း၊ ပြင်း​စွာ အ​မျက်​ထွက်​ခြင်း​အား​ဖြင့်၊ သူ​တို့​ပြည်​သည် လူ​ဆိတ်​ညံ​ရာ​အ​ရပ် ဖြစ်​ရ၏။