ဟဗက္ကုတ် 3:1-5

ပ​ရော​ဖက်​ဟ​ဗ​က္ကုတ်၏ ပ​တ္ထ​နာ​စ​ကား​တည်း​ဟူ​သော ရှိ​ဂျော​နုတ်​သီ​ချင်း၊ အို ထာ​ဝ​ရ​ဘု​ရား၊ အ​ကျွန်ုပ်​သည် ကိုယ်​တော်၏​ဗျာ​ဒိတ်​တော်​သံ​ကို ကြား၍ ကြောက်​ရွံ့​ပါ​ပြီ။ အို ထာ​ဝ​ရ​ဘု​ရား၊ ယ​ခု​နှစ်​များ​အ​တွင်း​တွင် အ​မှု​တော်​ကို ပြု​ပြင်​တော်​မူ​ပါ။ ယ​ခု​နှစ်​များ​အ​တွင်း​တွင် ထင်​ရှား​စေ​တော်​မူ​ပါ။ အ​မျက်​ထွက်​တော်​မူ​သော်​လည်း က​ရု​ဏာ​တ​ရား​ကို အောက်​မေ့​တော်​မူ​ပါ။ ဘု​ရား​သ​ခင်​သည် တေ​မန်​မြို့​မှ​လည်း​ကောင်း၊ သန့်​ရှင်း​သော​ဘု​ရား​သည် ပါ​ရန်​တောင်​မှ​လည်း​ကောင်း ကြွ​တော်​မူ၏။ ဘုန်း​တော်​သည် မိုး​ကောင်း​ကင်​ကို ဖုံး​အုပ်​လျက်၊ မြေ​ကြီး​သည် ဂုဏ်​အ​သ​ရေ​တော်​နှင့် ပြည့်​စုံ​လျက်​ရှိ၏။ အ​ဆင်း​အ​ရောင်​တော်​သည် နေ​ရောင်​ကဲ့​သို့ ဖြစ်၏။ လက်​တော်​မှ ရောင်​ခြည်​သည် ထွက်၍၊ ဘုန်း​အာ​နု​ဘော်​တော်​ကို ကွယ်​ကာ​လေ၏။ ရှေ့​တော်၌ ကာ​လ​နာ​ဘေး​သည်​သွား၍၊ ပူ​လောင်​ခြင်း​ဘေး​သည် ခြေ​တော်​ကို ခြံ​ရံ​လျက်​ရှိ၏။