တရားဟောရာ 28:15-19

ယ​နေ့ ငါ​ဆင့်​ဆို​သော သင်၏​ဘု​ရား​သ​ခင် ထာ​ဝ​ရ​ဘု​ရား စီ​ရင်​ထုံး​ဖွဲ့​တော်​မူ​ချက် အ​လုံး​စုံ​တို့​ကို ကျင့်​စောင့်​ခြင်း​ငှာ စ​ကား​တော်​ကို​နား​မ​ထောင်​လျှင်၊ သင့်​အ​ပေါ်​မှာ သက်​ရောက်​လ​တ္တံ့​သော ကျိန်​ခြင်း​အ​မင်္ဂ​လာ​များ​ဟူ​မူ​ကား၊ သင်​သည် မြို့၌ အ​မင်္ဂ​လာ​ရှိ​လိမ့်​မည်၊ တော၌ အ​မင်္ဂ​လာ​ရှိ​လိမ့်​မည်။ ခြင်​တောင်း၌​လည်း​ကောင်း၊ မုန့်​နယ်​သော​ခွက်၌​လည်း​ကောင်း အ​မင်္ဂ​လာ​ရှိ​လိမ့်​မည်။ သား​သ​မီး​အား​ဖြင့်​လည်း​ကောင်း၊ မြေ​အ​သီး​အ​နှံ​အား​ဖြင့်​လည်း​ကောင်း၊ သိုး​နွား အ​စီး​အ​ပွား​အား​ဖြင့်​လည်း​ကောင်း အ​မင်္ဂ​လာ​ရှိ​လိမ့်​မည်။ မိ​မိ​အိမ်​ထဲ​သို့​ဝင်​သော​အ​ခါ အ​မင်္ဂ​လာ​ရှိ​လိမ့်​မည်။ ပြင်​သို့ ထွက်​သော​အ​ခါ အ​မင်္ဂ​လာ​ရှိ​လိမ့်​မည်။