၂ ရှင်ယောဟန် 1:1-8

အ​သက်​ကြီး​သူ​သည် မြတ်​သော သ​ခင်​မ​ကို​လည်း​ကောင်း၊ သား​သ​မီး​တို့​ကို​လည်း​ကောင်း ကြား​လိုက်​ပါ၏။ ငါ​တို့၌​တည်၍ ငါ​တို့​တွင် အ​စဉ်​မ​ပြတ်​ရှိ​လ​တ္တံ့​သော သ​မ္မာ​တ​ရား​ကြောင့်၊ ငါ​မှ​စ၍ သ​မ္မာ​တ​ရား​ကို သိ​သော​သူ​အ​ပေါင်း​တို့​သည်၊ သ​ခင်​မ​နှင့် သား​သ​မီး​တို့၌ မှန်​ကန်​သော​ချစ်​ခြင်း​မေ​တ္တာ ရှိ​ပါ၏။- ခ​မည်း​တော်​ဘု​ရား​ထံ​တော်​က​လည်း​ကောင်း၊ ခ​မည်း​တော်၏ သား​တော်​ယေ​ရှု​ခ​ရစ် အ​ထံ​က​လည်း​ကောင်း၊ သ​မ္မာ​တ​ရား၊ မေ​တ္တာ​တ​ရား​နှင့်​တ​ကွ၊ ကျေး​ဇူး၊ က​ရု​ဏာ၊ ငြိမ်​သက်​ခြင်း​သည် သင်​တို့၌​ရှိ​ပါ​စေ​သော။ ငါ​တို့​သည် ခ​မည်း​တော်​ဘု​ရား​ထံ၌ ပ​ညတ်​တော်​ကို ခံ​ရ​သည်​အ​တိုင်း၊ သင်၏​သား​သ​မီး​အ​ချို့​တို့​သည် သ​မ္မာ​တ​ရား၌ ကျင်​လည်၍ နေ​သည်​ကို ငါ​တွေ့​သော​အ​ခါ၊ အ​လွန်​ဝမ်း​မြောက်​ခြင်း ရှိ၏။- ယ​ခု​တွင် ပ​ညတ်​တော်​သစ်​ကို မ​ရေး​ဘဲ​လျက်၊ ငါ​တို့၌ ရှေ့​ဦး​စွာ​က​ပင်​ရှိ​သော ပ​ညတ်​တော်​ကို​ရေး​ထား၍၊ သ​ခင်​မ၊ အ​ချင်း​ချင်း​ချစ်​ခြင်း မေ​တ္တာ​ရှိ​ကြ​ကုန်​အံ့​ဟု ငါ​တောင်း​ပန်၏။- ပ​ညတ်​တော်​တို့​အ​တိုင်း ကျင့်​စောင့်​ခြင်း​အ​ရာ​သည် ချစ်​ရာ​ရောက်၏။ သင်​တို့​သည် ပ​ညတ်​တော်​နှင့် အ​ညီ​ကျင့်​မည်​အ​ကြောင်း၊ ရှေ့​ဦး​စွာ​က​ပင် သင်​တို့ ကြား​ရ​သည်​အ​တိုင်း၊ ပ​ညတ်​တော်​သည် ထို​သို့​သော သ​ဘော​ရှိ၏။ လူ​ဇာ​တိ​အား​ဖြင့် ကြွ​လာ​တော်​မူ​သော ယေ​ရှု​ခ​ရစ်​ကို ငြင်း​ပယ်​လျက်၊ လှည့်​ဖြား​သော​သူ​အ​များ​တို့​သည် လော​က​ထဲ​သို့​ဝင်​ကြ​ပြီ။ ထို​သို့​သော​သူ​သည် လှည့်​ဖြား​သော​သူ ဖြစ်၏။ အ​န္တိ​ခ​ရစ်​လည်း ဖြစ်၏။- ငါ​တို့​သည် ကိုယ်​ပြု​စု​သော​အ​ရာ မ​ပျောက်​မ​ပျက်၊ စုံ​လင်​သော​အ​ကျိုး​ကို ရ​မည်​အ​ကြောင်း၊ သင်​တို့​သည် ကိုယ်​ကို​ကိုယ်​သ​တိ​ပြု၍ စောင့်​ရှောက်​ကြ​လော့။