၂ ရာဇဝင်ချုပ် 36:11-16

ဇေ​ဒ​ကိ​သည် အ​သက်​နှစ်​ဆယ်​တစ်​နှစ်​ရှိ​သော်၊ နန်း​ထိုင်၍ ယေ​ရု​ရှ​လင်​မြို့၌ တစ်​ဆယ်​တစ်​နှစ် စိုး​စံ​လေ၏။ ထို​မင်း​သည်​လည်း၊ မိ​မိ​ဘု​ရား​သ​ခင် ထာ​ဝ​ရ​ဘု​ရား​ရှေ့​တော်၌ ဒု​စ​ရိုက်​ပြု၏။ ထာ​ဝ​ရ​ဘု​ရား၏ အ​မိန့်​တော်​ကို ဆင့်​ဆို​သော ပ​ရော​ဖက်​ယေ​ရ​မိ​ရှေ့​မှာ ကိုယ်​ကို​မ​နှိမ့်​ချ။ ဘု​ရား​သ​ခင် အ​ကျိန်​တိုက်​ပြီး​သော နေ​ဗု​ခဒ်​နေ​ဇာ​မင်း​ကြီး​ကို ပုန်​ကန်​လေ၏။ ဣ​သ​ရေ​လ​အ​မျိုး၏ ဘု​ရား​သ​ခင်​ထာ​ဝ​ရ​ဘု​ရား​ထံ​တော်​သို့ မ​ပြန်​မည်​အ​ကြောင်း၊ မိ​မိ​လည်​ပင်း​ကို​လည်း​ကောင်း၊ မိ​မိ​နှ​လုံး​ကို​လည်း​ကောင်း ခိုင်​မာ​စေ၏။ ထို​မှ​တစ်​ပါး၊ ယဇ်​ပု​ရော​ဟိတ်​အ​ကြီး​များ​နှင့် ပြည်​သူ​ပြည်​သား ရှိ​သ​မျှ​တို့​သည်၊ တစ်​ပါး​အ​မျိုး​သား ရွံ​ရှာ​ဖွယ်​ပြု​သည်​အ​တိုင်း၊ အ​လွန်​ပြစ်​မှား​ကြ၏။ ယေ​ရု​ရှ​လင်​မြို့၌ ထာ​ဝ​ရ​ဘု​ရား​သန့်​ရှင်း​စေ​တော်​မူ​သော ဗိ​မာန်​တော်​ကို ညစ်​ညူး​စေ​ကြ၏။ ဘိုး​ဘေး​တို့၏ ဘု​ရား​သ​ခင် ထာ​ဝ​ရ​ဘု​ရား​သည် မိ​မိ​လူ​မျိုး​နှင့် မိ​မိ​နေ​တော်​မူ​ရာ​အ​ရပ်​ကို သ​နား​သော​ကြောင့်၊ စော​စော​ထ၍ အ​ထပ်​ထပ် စေ​လွှတ်​သော​တ​မန်​တို့​အား​ဖြင့် မှာ​လိုက်​တော်​မူ​သော်​လည်း၊ ဘု​ရား​သ​ခင်၏​တ​မန်​တို့​ကို ပြက်​ရယ်​ပြု၍ အ​မိန့်​တော်​ကို နား​မ​ထောင်၊ ပ​ရော​ဖက်​တို့​ကို ညှဉ်း​ဆဲ​သော​ကြောင့်၊ ထာ​ဝ​ရ​ဘု​ရား၏ အ​မျက်​တော်​မ​ငြိမ်း​နိုင်​အောင်၊ မိ​မိ​လူ​မျိုး​ကို တွက်​သ​ဖြင့်၊