၁ ဓမ္မရာဇဝင် 8:11-18

သင်​တို့​ကို အုပ်​စိုး​သော ရှင်​ဘု​ရင်၏​ထုံး​စံ​ဟူ​မူ​ကား၊ သင်​တို့​သား​များ​ကို​ယူ၍ မိ​မိ​ရ​ထား​ထိန်း၊ မြင်း​ထိန်း​အ​ရာ၌ ခန့်​ထား၍၊ အ​ချို့​တို့​သည်​လည်း သူ၏​ရ​ထား​ရှေ့​မှာ ပြေး​ရ​ကြ​မည်။ လူ​တစ်​ထောင်​အုပ်၊ တစ်​ရာ​အုပ်၊ ငါး​ဆယ်​အုပ်၊ တစ်​ဆယ်​အုပ်​အ​ရာ၌ ခန့်​ထား၍၊ လယ်​လုပ်​ခြင်း၊ စ​ပါး​ရိတ်​ခြင်း၊ စစ်​တိုက်​တန်​ဆာ၊ ရ​ထား​တန်​ဆာ​ကို​လုပ်​ခြင်း​အ​မှု​များ​ကို ဝေ​ဖန်​လိမ့်​မည်။ သင်​တို့​သ​မီး​များ​ကို​လည်း ယူ၍၊ ခဲ​ဖွယ်​စား​ဖွယ်​တို့​ကို ပြင်​ဆင်​စေ​ခြင်း​ငှာ​လည်း​ကောင်း၊ စား​တော်​ကဲ၊ မုန့်​သည် ဖြစ်​စေ​ခြင်း​ငှာ​လည်း​ကောင်း ခန့်​ထား​လိမ့်​မည်။ သင်​တို့​လယ်​ကွက်၊ စ​ပျစ်​ဥ​ယျာဉ်၊ သံ​လွင်​ဥ​ယျာဉ် အ​ကောင်း​ဆုံး​တို့​ကို​ယူ၍ မိ​မိ​ကျွန်​တို့​အား ပေး​လိမ့်​မည်။ သင်​တို့​မျိုး​စေ့ စ​ပျစ်​သီး ဆယ်​ဖို့​တစ်​ဖို့​ကို​ယူ၍ သူ၏​အ​ရာ​ရှိ အ​မှု​ထမ်း​တို့​အား ပေး​လိမ့်​မည်။ သင်​တို့​ကျွန်၊ ကျွန်​မ၊ အ​ကောင်း​ဆုံး​သော လု​လင်၊ မြည်း​များ​ကို​ယူ၍ သူ၏​အ​မှု​ကို လုပ်​ကိုင်​စေ​လိမ့်​မည်။ သင်​တို့​သိုး​စု ဆယ်​ဖို့​တစ်​ဖို့​ကို​လည်း​ယူ၍ သင်​တို့​သည် သူ၏​ကျွန်​ခံ​ရ​ကြ​မည်။ သင်​တို့​ရွေး​ယူ​သော ရှင်​ဘု​ရင်​ကြောင့်၊ ထို​နေ့၌ သင်​တို့ အော်​ဟစ်​သော်​လည်း၊ ထာ​ဝ​ရ​ဘု​ရား​သည် နား​ထောင်​တော်​မ​မူ​ဟု သ​တိ​ပေး​လေ၏။