၁ ကောရိန္သု 10:1-5

ညီ​အစ်​ကို​တို့၊ ငါ​တို့​ဘိုး​ဘေး​အ​ပေါင်း​တို့​သည် မိုး​တိမ်​အောက်​မှာ​ရှိ၍၊ ပင်​လယ်​အ​လယ်၌ လျှောက်​သွား​ကြ​သည်​ဟူ၍​လည်း​ကောင်း၊- မိုး​တိမ်​နှင့် ပင်​လယ်​ထဲ​မှာ မော​ရှေ၌ ဗ​တ္တိ​ဇံ​ကို ခံ​ကြ​သည် ဟူ၍​လည်း​ကောင်း၊- ဓ​မ္မ​အ​စာ​ကို​အ​တူ​စား​ကြ​သည်​ဟူ၍​လည်း​ကောင်း၊ ဓ​မ္မ​ရေ​ကို အ​တူ​သောက်​ကြ​သည်​ဟူ၍​လည်း​ကောင်း၊ သင်​တို့ မ​သိ​မ​မှတ် ဘဲ​နေ​စေ​ခြင်း​ငှာ ငါ​အ​လို​မ​ရှိ၊- ထို​သူ​တို့​နောက်၌ လိုက်​သော​ဓ​မ္မ​ကျောက်​မှ ထွက်​သော​ရေ​ကို သောက်​ကြ၏။ ထို​ကျောက်​ကား ခ​ရစ်​တော်​ဖြစ်​သ​တည်း။- သို့​သော်​လည်း ထို​သူ​တို့​တွင် များ​စွာ​သော သူ​တို့​ကို ဘု​ရား​သ​ခင်​သည် အား​ရ​နှစ်​သက်​တော်​မ​မူ။ သူ​တို့​သည် တော၌​သေ​ကြေ​ပျက်​စီး​ခြင်း​သို့ ရောက်​ကြ၏။