Matayɔ 'Ʉtʉ wʉ moni
'Ʉtʉ wʉ moni
Ɨtaɓʉ ngia yakʉnganiso Agɔmɔ ngia wʉ jɛnɛ nʉ iya wʉ Ɨtakɨ‑takɨ. Yakʉpananiso Yeso Klisito ɛyɔ ndʉ Masɨa iya lɨgbɛ lʉ Asʉɓɨɨ ngila lʉ Agɔmɔ ngia wʉ Jɛnɛ la꞉sigo kʉpɛɛ ɓɔ a꞊ka ngbanga ndʉ ngama ɔɔ ʉja, akʉ ɨɓwanakɨa ngia yɨ Daudi, ngama ngia wʉ jɛnɛ wʉ Ɓayuda.
Matayɔ a꞉tɨndakɨa ɨtaɓʉ ngia kʉsalɨa Ɓayuda ɓɔ ɓʉmbɨa Ɨsaʉ yɛɛ Iɗo ngia Yeso a꞉ka‑ɔɔ kuɓio ngama nʉ Muhiiso wʉndaɓʉ. Ɨkyɛmɨngana, Ɨsaʉ yɛɛ Iɗo ngiinanɨ ya aka ekoo ʉ ɓombi kʉ ɓuɓomu. Akʉ 'upipio wʉ ɨtaɓʉ, Yeso a꞉sigio ɓakpataka ngiɓangɔ ɓɔ ɓʉsa mʉa kʉ uɓomu ɓambʉnyɨa nʉ ɓakpataka ɓɔmɔ ati ʉ mababa kʉ ɓombi kʉ muɓomu ngika kʉ ɨtaka. (Matayɔ 28:19)
Mombi ngia a꞉tɨndakɨa ɨtaɓʉ ngia i꞉nye ndɔmbɛ ɔɔ lipise manzanza. Ino ngiangɔ yɛmɔ yi꞉nye ɓɔ Lawi. (Malɨkɔ 2:14) Yeso a꞉musoko ɓɔ uɓio mʉngana wʉ ɓakpataka kumi nʉ ɓapɨnɨ ngiɓangɔ (Matayɔ 9:9).
Matayɔ a꞉faniso ɨtaɓʉ ngiangɔ nʉ muno kʉ ɓɨsʉngʉɛ ɓʉ Yeso, kʉpana izi ngiangɔ akʉ ɨɓwanakɨa yɨ Ɓayuda. A꞉chwa uduɓa wʉ nʉtanɨa ngia yɨ Yeso, nʉ mapanʉ ngikangɔ i꞉nye panɨa ɓombi nʉ ɓakpataka ngiɓangɔ, ɓamoni ɓɔɔ ɓʉmbangɛ ngiɓa a꞉kyɨa, ingyo ngiangɔ akʉ mʉsalaba tiga nʉ jʉkana ngiangɔ ati ʉ mɨnda. 'Upipio wʉ ɨtaɓʉ ngia wakʉpana kuu ngia ɓakpataka ngiɓa ɓʉ Yeso ɓa꞉kyɨa mbise angɔ.
Moni kɔɔ mʉkpɔkpɔ
Ɨɓwanakɨa ngia yɨ Yeso nʉ nʉtanɨa ngiangɔ 1:1—2:23
Kuu ngia Yɨ Yʉanɨ ngia i꞉nye ɓatiso ɓombi 3:1-12
Uɓatiso ngua wʉ Yeso nʉ kanyo ngia yɨ Abɨa 3:13—4:11
Kuu ngia yɨ Yeso ati ʉ ɓombi anʉ Galilaya 4:12—18:35
Kɨnda ngiangɔ kʉʉngwa anʉ Galilaya kʉsa anʉ Yelusalɛma 19:1—20:34
Bɛlɛsɛ wʉ 'upipio ngia wʉ Yeso anʉ Yelusalɛma 21:1—27:66
Ingyo nʉ jʉkana akʉ ingyo ngia yɨ Yeso nʉ ɓwanakɨa ɓakpataka 28:1-20
လက်ရှိရွေးချယ်ထားမှု
Matayɔ 'Ʉtʉ wʉ moni: BudKoya
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
© 2021, Wycliffe Bible Translators, Inc.