GÉNESIS 4
4
Cainmantapish, Abelmantapish
1Adán paipac huarmi Evapi chayaricpica, Evaca huicsayuc tucushpami, Caín huahuata charirca. Chai huarmica: «Mandac Dios cucpimi, shuc cari huahuata charini» nirca. 2Quipaca Cainpac huauqui Abeltami charirca. Abelca ovejacunata michicmi carca. Cutin Cainca allpapi trabajacmi carca.
3Ña asha huatacuna quipaca Cainca allpapi pucushca grano ofrendatami Mandac Diosman cungapac apamurca. 4Abelpish punta huacharishca sumac huira ovejatami Mandac Diosman cungapac apamurca. Mandac Diosca Abelta cushilla chasquishpami pai cushca ovejatapish chasquirca. 5Ashtahuanpish Mandac Diosca Caintapish, pai cushca ofrendatapish mana cushilla chasquircachu. Chaimantami Cainca ñahui shuctacyashpa, sinchita piñarirca. 6Chaimantami Mandac Diosca Caintaca:
—¿Ima nishpatac canca piñarishpa, ñahuipish shuctacyangui? 7Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.
8Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca. 9Chaimantami Mandac Diosca Caintaca:
—¿Maipitac cambac huauqui Abelca?— nirca.
Shina nicpimi Cainca:
—Mana yachanichu. ¿Ñucaca ñuca huauquita cuidacchu cani, imatacyari?— nirca.
10Mandac Diosca Caintaca:
—¿Imamantatac chaitaca ruhuarcangui? Ashtahuanpish cambac huauquipac yahuarca pambamanta pachami ñucata caparicun. 11Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui. 12Can allpapi granota tarpucpipish, cutinca mana pucungachu. Cai allpapica maimanta shamushca shinami, maipi mana causai pudishpa puricunguilla— nirca.
13Shina nicpimi, Cainca Mandac Diostaca:
—Ñucaca cai llaquitaca mana apai pudishachu. 14Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.
15Shina nicpimi, Mandac Diosca:
—Maijanpish canta huañuchicpica, chai huañuchicca canchis cutinmi llaquichishca canga— nirca.
Mandac Diosca pipish tupashpa ama huañuchichunmi, Caintaca shuc señalta shina churarca. 16Caín Mandac Diospac ñaupamanta rishpaca, Edén huerta inti llucshic lado Nod llactapimi causagrirca.
Cainpac huahua huahuacunamanta
17Caín paipac huarmipi chayaricpica, huicsayuc tucushpami shuc cari huahuata charirca. Chai huahuataca Enoctami shutichirca. Chai quipaca Cainca shuc llactata ruhuashpami, chai llactataca Enocta shutichirca. 18Enocca Irad churitami charirca. Iradca Mehujael churitami charirca. Mehujaelca Metusael churitami charirca. Metusaelca Lamec churitami charirca. 19Lamecca ishcai huarmitami charirca. Shucca Adami carca, caishucca Zilami carca. 20Adaca Jabal huahuatami charirca. Jabalpac huahuacunaca carpa huasipi causashpami, animalcunata michiccuna carca. 21Jabalpac huauquica Jubalmi carca. Jubalpac huahua huahuacunaca tucuimi arpacunapi, flautacunapi tocac carca. 22Cutin Zila huarmipish Tubal-caín huahuatami charirca. Paica fierromanta, broncemanta imacunatami ruhuashpa causarca. Shinallatac Tubal-cainpac panica Naamami carca.
23Shuc punzha Lamecca paipac huarmicunataca:
«Lamecpac huarmicuna,
Adapish, Zilapish ñucata uyaichic.
Shuc runataca chugrichishcamantami
huañuchircani.
Shuc huambrataca ñucata
huactashcamantami huañuchircani.
24Cainta canchis cutinhuan
llaquichishca cana cacpica,
ñucacarin canchis
chunga canchis cutinmi
llaquichishca cana cani» nirca.
Adán Evapac quimsaniqui churimanta
25Adán cutinllatac paipac huarmi Evapi chayaricpica, shuc cari huahuatami charirca. Chai huahuataca: «Diosmi Caín huañuchishca Abelpac randi cun» nishpami Setta shutichirca.
26Shinallatac Setca shuc cari huahuatami charirca. Paitaca Enostami shutichirca. Chai punzhamantami gentecunaca Mandac Diosta mañai callarirca.
လက်ရှိရွေးချယ်ထားမှု
GÉNESIS 4: QCA10
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
GÉNESIS 4
4
Cainmantapish, Abelmantapish
1Adán paipac huarmi Evapi chayaricpica, Evaca huicsayuc tucushpami, Caín huahuata charirca. Chai huarmica: «Mandac Dios cucpimi, shuc cari huahuata charini» nirca. 2Quipaca Cainpac huauqui Abeltami charirca. Abelca ovejacunata michicmi carca. Cutin Cainca allpapi trabajacmi carca.
3Ña asha huatacuna quipaca Cainca allpapi pucushca grano ofrendatami Mandac Diosman cungapac apamurca. 4Abelpish punta huacharishca sumac huira ovejatami Mandac Diosman cungapac apamurca. Mandac Diosca Abelta cushilla chasquishpami pai cushca ovejatapish chasquirca. 5Ashtahuanpish Mandac Diosca Caintapish, pai cushca ofrendatapish mana cushilla chasquircachu. Chaimantami Cainca ñahui shuctacyashpa, sinchita piñarirca. 6Chaimantami Mandac Diosca Caintaca:
—¿Ima nishpatac canca piñarishpa, ñahuipish shuctacyangui? 7Allita ruhuashpaca, ¿manachu alli nishca canguiman? Cantaca juchami pungupi shuyac shina, mana allita ruhuachicun. Chai juchacunataca canllatacmi mishana cangui— nirca.
8Cainca paipac huauqui Abeltaca: «Pambaman llucshishunchic» nirca. Ña pambapi puricushpami, Cainca paipac huauqui Abelta macashpa huañuchirca. 9Chaimantami Mandac Diosca Caintaca:
—¿Maipitac cambac huauqui Abelca?— nirca.
Shina nicpimi Cainca:
—Mana yachanichu. ¿Ñucaca ñuca huauquita cuidacchu cani, imatacyari?— nirca.
10Mandac Diosca Caintaca:
—¿Imamantatac chaitaca ruhuarcangui? Ashtahuanpish cambac huauquipac yahuarca pambamanta pachami ñucata caparicun. 11Cunanca, canca cambac huauquita huañuchishpa, pambapi yahuarta jichashcamantaca mana alli nishcami cangui. Cai allpami shimita pascac shina, cambac huauquipac yahuartaca chasquirca. Chaimantami cai allpamanta llucchishpa cachashca cangui. 12Can allpapi granota tarpucpipish, cutinca mana pucungachu. Cai allpapica maimanta shamushca shinami, maipi mana causai pudishpa puricunguilla— nirca.
13Shina nicpimi, Cainca Mandac Diostaca:
—Ñucaca cai llaquitaca mana apai pudishachu. 14Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.
15Shina nicpimi, Mandac Diosca:
—Maijanpish canta huañuchicpica, chai huañuchicca canchis cutinmi llaquichishca canga— nirca.
Mandac Diosca pipish tupashpa ama huañuchichunmi, Caintaca shuc señalta shina churarca. 16Caín Mandac Diospac ñaupamanta rishpaca, Edén huerta inti llucshic lado Nod llactapimi causagrirca.
Cainpac huahua huahuacunamanta
17Caín paipac huarmipi chayaricpica, huicsayuc tucushpami shuc cari huahuata charirca. Chai huahuataca Enoctami shutichirca. Chai quipaca Cainca shuc llactata ruhuashpami, chai llactataca Enocta shutichirca. 18Enocca Irad churitami charirca. Iradca Mehujael churitami charirca. Mehujaelca Metusael churitami charirca. Metusaelca Lamec churitami charirca. 19Lamecca ishcai huarmitami charirca. Shucca Adami carca, caishucca Zilami carca. 20Adaca Jabal huahuatami charirca. Jabalpac huahuacunaca carpa huasipi causashpami, animalcunata michiccuna carca. 21Jabalpac huauquica Jubalmi carca. Jubalpac huahua huahuacunaca tucuimi arpacunapi, flautacunapi tocac carca. 22Cutin Zila huarmipish Tubal-caín huahuatami charirca. Paica fierromanta, broncemanta imacunatami ruhuashpa causarca. Shinallatac Tubal-cainpac panica Naamami carca.
23Shuc punzha Lamecca paipac huarmicunataca:
«Lamecpac huarmicuna,
Adapish, Zilapish ñucata uyaichic.
Shuc runataca chugrichishcamantami
huañuchircani.
Shuc huambrataca ñucata
huactashcamantami huañuchircani.
24Cainta canchis cutinhuan
llaquichishca cana cacpica,
ñucacarin canchis
chunga canchis cutinmi
llaquichishca cana cani» nirca.
Adán Evapac quimsaniqui churimanta
25Adán cutinllatac paipac huarmi Evapi chayaricpica, shuc cari huahuatami charirca. Chai huahuataca: «Diosmi Caín huañuchishca Abelpac randi cun» nishpami Setta shutichirca.
26Shinallatac Setca shuc cari huahuatami charirca. Paitaca Enostami shutichirca. Chai punzhamantami gentecunaca Mandac Diosta mañai callarirca.
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.