Ịzakaraya 8
8
Ohomorihi ô wo oto ka ọnị vaa va Ijerusarẹmị na udi anị.
1Ẹnẹyịmavara Ochẹtẹẹngụ ọ rẹ varẹma ka ịrẹyị yị Ịzakaraya. 2Ọ kà, ọnị nyayịnẹ aa kụ ụhị Ịzayọnị nị. Ọnị vị ana nyayịnẹ ee su yị ọ. 3Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị 4Ẹnẹyịmavara Ochẹtẹẹngụ kà; anọrụ ọnịrị anẹẹ ene ku bo vaa yaayịtẹ ụtọ oze Ijerusarẹmị, dị ọzọza sị ọchị anị ana a sị ka ẹtẹ rị ụvọ. 5Di oze hi yị ezi anẹẹ ọnịrị anọrụ ana mẹ aahẹ. 6Ẹnẹyịmavara Ochẹtẹẹngụ kà: ụmẹ ọnọọ o vee hị́ aza ana vọ tụ ịzọọ eyi. 7Ọ kà ọnị vaa dọ aza anị ha hụrẹ ẹkụra irenyi-irenyi ene hi eyi ịzị ọyịị̄ hụrẹ vẹ ọnịrị ịzị ọọ̄ zị ngụ ẹtẹ. 8Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra. 9Ẹnẹyịmavara Ochẹtẹẹngụ kà: Ẹnịnị ana a wụ́ ịrẹyị ẹnẹnị ọnị ọnịsẹ nịnị kà aanị, ọnị o vi eyi anị ịjị e nyima e tenyi irehi Ohomorihi ẹ sị ayị nyị. 10Dị ụmẹ ọnọọ ve tù, ẹ yị nyị ọza ana nyị ẹkẹhị ọyị dọ ọza a vị uye ka ọ mẹ̀ ụkọrọ yị ọnị. Ẹ yị nyị ọza ana nyị ẹkẹhị ọyị dọ ọza a vị ịsụpa ụkọrọ. Ẹ́ yị nyị ọza ana nyị ẹngwọọrọ ọyị mẹ̀ ịsa ọnyọọnyị agụvị ọnịvị ọzọza. Ẹnẹyịmavara kà ọnị ộ mẹ̀ ka ọza ọnịrị ọnọhụva e va eyi ka ẹngụ nị. 11Ama booro aanị, Ẹnẹyịmavara Ochẹtẹẹngụ kà a ọnị ẹ yị vaa tana ụvọ za aza ana vọ anka ọnị mẹ vịdị mẹ̀ ịyẹẹyẹ. 12Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ. 13Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa. 14Ẹnẹyịmavara Ochẹtẹẹngụ kà ụmẹ ọnị ohiku ẹnịnị du ọnị ayị, ọnị sị ụya rị wa anka ọnị mẹ mẹ eto anị nị. Ọnị ẹ yị vara ayị anị, 15avọọ, ọnị ọ raà tenyi ẹngụ ka ọnị ọ mẹ ọyịza yị Ijuda ọnịrị Ijerusarẹmị. Asị ẹnịnị hí angwa. 16#Ẹhw 4.25Ịsa ọnị ẹ vaa mẹ yị, ẹnịnị ẹ ka ịzẹyịza yị ẹngụ. Ẹ sị ịzẹyịza mẹ̀ ọkarẹyị ịnị ikootu ana vaa mẹ ka a nyị ẹngwọọrọ. 17Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị. 18Ẹnẹyịmavara Ochẹtẹẹngụ ộ kà ịrẹyị yị Ịzakaraya. 19Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ. 20Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị 21Ịnị ụmẹ ọnọọ, anẹkụra ẹnyị vaa ka yị ọsa ka ẹnị aa na hẹkẹ Ẹnẹyịmavara Ochẹtẹẹngụ dị ẹnịnị aa pa ize hụụnị ụvọ anị. Dị ẹ ka ẹ saasa ẹnị na ịzọọ. 22Aza ọrụrụ-ọrụrụ ẹnịrị anẹkụra irenyi-irenyi ana nyị ụkata vaa nọ Ijerusarẹmị na hẹkẹ Ẹnẹyịmavara Ochẹtẹẹngụ, dị ẹ yaa dà ịpẹ ka ọ nyị ayamva yị ẹnị. 23Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.
လက်ရှိရွေးချယ်ထားမှု
Ịzakaraya 8: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.
Ịzakaraya 8
8
Ohomorihi ô wo oto ka ọnị vaa va Ijerusarẹmị na udi anị.
1Ẹnẹyịmavara Ochẹtẹẹngụ ọ rẹ varẹma ka ịrẹyị yị Ịzakaraya. 2Ọ kà, ọnị nyayịnẹ aa kụ ụhị Ịzayọnị nị. Ọnị vị ana nyayịnẹ ee su yị ọ. 3Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị 4Ẹnẹyịmavara Ochẹtẹẹngụ kà; anọrụ ọnịrị anẹẹ ene ku bo vaa yaayịtẹ ụtọ oze Ijerusarẹmị, dị ọzọza sị ọchị anị ana a sị ka ẹtẹ rị ụvọ. 5Di oze hi yị ezi anẹẹ ọnịrị anọrụ ana mẹ aahẹ. 6Ẹnẹyịmavara Ochẹtẹẹngụ kà: ụmẹ ọnọọ o vee hị́ aza ana vọ tụ ịzọọ eyi. 7Ọ kà ọnị vaa dọ aza anị ha hụrẹ ẹkụra irenyi-irenyi ene hi eyi ịzị ọyịị̄ hụrẹ vẹ ọnịrị ịzị ọọ̄ zị ngụ ẹtẹ. 8Ọnị vaa kụ́ wa vavẹ Ijerusarẹmị vaa ra; ẹ vaa vị aza anị, dị ọnị rẹ vaa Ohomorihi ọnịrẹyịzẹyịza ana wụra sị ayị tụra. 9Ẹnẹyịmavara Ochẹtẹẹngụ kà: Ẹnịnị ana a wụ́ ịrẹyị ẹnẹnị ọnị ọnịsẹ nịnị kà aanị, ọnị o vi eyi anị ịjị e nyima e tenyi irehi Ohomorihi ẹ sị ayị nyị. 10Dị ụmẹ ọnọọ ve tù, ẹ yị nyị ọza ana nyị ẹkẹhị ọyị dọ ọza a vị uye ka ọ mẹ̀ ụkọrọ yị ọnị. Ẹ yị nyị ọza ana nyị ẹkẹhị ọyị dọ ọza a vị ịsụpa ụkọrọ. Ẹ́ yị nyị ọza ana nyị ẹngwọọrọ ọyị mẹ̀ ịsa ọnyọọnyị agụvị ọnịvị ọzọza. Ẹnẹyịmavara kà ọnị ộ mẹ̀ ka ọza ọnịrị ọnọhụva e va eyi ka ẹngụ nị. 11Ama booro aanị, Ẹnẹyịmavara Ochẹtẹẹngụ kà a ọnị ẹ yị vaa tana ụvọ za aza ana vọ anka ọnị mẹ vịdị mẹ̀ ịyẹẹyẹ. 12Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ. 13Ịnị ịyẹẹyẹ, anẹkụra ọsa nịnị vene chi hi aza ka o divi yị wa anka Ijuda ọnịrị Isirẹrị, avọọ Ẹnẹyịmavara kà ọnị vaa dọ wa ha, dị aa kụkụ a sị ize ẹnịnị hị́ ọsa yị aza. Avọọ ẹnịnị ẹ nyị ọtụtụrụma, asị e hí angwa. 14Ẹnẹyịmavara Ochẹtẹẹngụ kà ụmẹ ọnị ohiku ẹnịnị du ọnị ayị, ọnị sị ụya rị wa anka ọnị mẹ mẹ eto anị nị. Ọnị ẹ yị vara ayị anị, 15avọọ, ọnị ọ raà tenyi ẹngụ ka ọnị ọ mẹ ọyịza yị Ijuda ọnịrị Ijerusarẹmị. Asị ẹnịnị hí angwa. 16#Ẹhw 4.25Ịsa ọnị ẹ vaa mẹ yị, ẹnịnị ẹ ka ịzẹyịza yị ẹngụ. Ẹ sị ịzẹyịza mẹ̀ ọkarẹyị ịnị ikootu ana vaa mẹ ka a nyị ẹngwọọrọ. 17Asị e ro ịrẹyị odivi tụra ẹngụ, dị asị e hị́ eku dọ ivenu ireche. Ẹnẹyịmavara kà a ọnị ọ yị sì ịrẹyị ireche, amẹrị ọnịrị ịraazị. 18Ẹnẹyịmavara Ochẹtẹẹngụ ộ kà ịrẹyị yị Ịzakaraya. 19Ộ kà: Awẹ ụhwẹ ẹẹna, ụhwẹ ẹẹhị, ụhwẹ ịhịmba, ụhwẹ ẹẹwụ ọnị ẹ za vaa vara ụmẹ eche ịrajẹ ọnịrị ụmẹ ayohine yị aza ene hi Ijuda; avọọ e sì ịrẹyị ịzẹyịza ọnịrị ẹngwọọrọ. 20Ẹnẹyịmavara kà, ụmẹ aa vẹ ọnị aza ọrụrụ vaa vị Ijerusarẹmị 21Ịnị ụmẹ ọnọọ, anẹkụra ẹnyị vaa ka yị ọsa ka ẹnị aa na hẹkẹ Ẹnẹyịmavara Ochẹtẹẹngụ dị ẹnịnị aa pa ize hụụnị ụvọ anị. Dị ẹ ka ẹ saasa ẹnị na ịzọọ. 22Aza ọrụrụ-ọrụrụ ẹnịrị anẹkụra irenyi-irenyi ana nyị ụkata vaa nọ Ijerusarẹmị na hẹkẹ Ẹnẹyịmavara Ochẹtẹẹngụ, dị ẹ yaa dà ịpẹ ka ọ nyị ayamva yị ẹnị. 23Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.
လက်ရှိရွေးချယ်ထားမှု
:
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.