Ịzakaraya 11
11
Ịrẹyị o tụ́ ọnịvị Anisirẹrị nịnị ẹngụ
1Na oze awụ nịnị, Ịrẹbanọnị agụvị ịra ọ rị ọchị Isida awụ nịnị. 2Waa jị òrèrè ẹwụ nịnị ọchị Isipirẹsị agụvị ka ọchị Isida nịnị ẹ kụ́ hyẹdụ. Ọchị ụbanyị ọ sị vu ẹtẹ. Waa jị òrèrè ẹwụ nịnị ọchị oki Ịbasanị; A raà ma ọchị ene hi ịnị iruku rẹvọ-rẹvọ ha. 3Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.
Oseratẹmẹ ẹẹva
4Ịsị Ẹnẹyịmavara Ohomorihi anị kà yị; atẹmẹ nịnị ana mẹ eto anị ka a wụ̀. 5Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ. 6Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa. 7Osohu atẹmẹ nịnị ệ dọ ọnị ụkọrọ, dị ọnị vị oseratẹmẹ yị atẹmẹ ana na wụ̀ nị. Ọnị ộ sị ọchị ẹẹva rị ụvọ nị. Ịrẹha ọnya ọ rị Ẹyịzọhẹ, dị ọsa rị Ẹvabẹ nị. Avọọ ọnị mẹ sị eyi pe atẹmẹ ẹnẹẹ nị. 8Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị. 9Avọọ ọnị kà yị atẹmẹ ẹnẹẹ ka ọnị ẹ yị kụkụ vaa vị oseratẹmẹ ẹnịnị. Ene e su o su, Ana a vaa wụ̀ a wụ̀ wa. Ẹnị ana vọ ẹẹ wụ̀ ẹngụ. 10Ịrẹma anị, ọnị sị ọchị ọnị ịrẹha anị rị Ẹyịzọhẹ, dị ọnị che e nị, dị ọnị kụ oto ọnị Ẹnẹyịmavara wo yị avaba anẹkụra nịnị kwooze nị. 11Ịhị ọnọọ Ẹnẹyịmavara kụ̀ ọ kwooze, dị osohu atẹmẹ ẹnịnị ene re e yẹ ka Ẹnẹyịmavara ô pe ọnị ka ịrẹyị nị. 12#Imt 27.9,10#Imt 26.15Ịzakaraya kà yị wa ka ẹ̀ẹ dọ ka ẹnị o sì ọnị ụta, ama ẹ̀ẹ yị vị avọọ, ẹ naavọ. Agụvị avọọ di e sì ọnị ụta isiriva ohurẹẹwụ. 13Dị Ẹnẹyịmavara kà yị ọnị ka ọnị ọ sị́ ẹkẹhị ọnọọ tụ ịnị ampo ẹkẹhị irehi Ohomorihi nị. Dị ọnị vavọọ sị́ isiriva ohurẹẹwụ ene e ro ka ọnị ọ hụ na tụ́ ịnị ampo irehi Ohomorihi nị. 14Ịrẹma ọnọnị, dị ọnị che ọchị ọhụva ọnị ịrẹha anị rị Ẹvabẹ, dị ẹvabẹ Ijuda ọnịrị Ijerusarẹmị gara nị. 15Ịjọnọọ, dị Ẹnẹyịmavara kà yị Ịzakaraya ka ọ mẹ̀ ebira anka oseratẹmẹ ẹnẹ ẹ yị nyị ịsa ọ vị. 16Ẹnẹyịmavara kà ọnị ộ sị oseratẹmẹ ka o sị eyi pe atẹmẹ anị, ama ẹ yị mẹ ọgụvọ yị ẹnị uye ee chire angwa, o yi si ene vu, ẹ yị mẹ ụnava ẹnị ana tọ ụna, a vị dị ọ hyakụ sị ịsa yị ẹnị ana nịya. 17Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.
လက်ရှိရွေးချယ်ထားမှု
Ịzakaraya 11: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.
Ịzakaraya 11
11
Ịrẹyị o tụ́ ọnịvị Anisirẹrị nịnị ẹngụ
1Na oze awụ nịnị, Ịrẹbanọnị agụvị ịra ọ rị ọchị Isida awụ nịnị. 2Waa jị òrèrè ẹwụ nịnị ọchị Isipirẹsị agụvị ka ọchị Isida nịnị ẹ kụ́ hyẹdụ. Ọchị ụbanyị ọ sị vu ẹtẹ. Waa jị òrèrè ẹwụ nịnị ọchị oki Ịbasanị; A raà ma ọchị ene hi ịnị iruku rẹvọ-rẹvọ ha. 3Ọdọvịdị nịnị ee nowu booro-booro, ụbanyị ẹnịnị ộ ta. Batọ owu idu nịnị; iruku ana vị eehi ẹnịnị ana gụrị Ijodani ộ ta.
Oseratẹmẹ ẹẹva
4Ịsị Ẹnẹyịmavara Ohomorihi anị kà yị; atẹmẹ nịnị ana mẹ eto anị ka a wụ̀. 5Aza anaa hị́ wa vị ana a wụ̀ wa, dị ọza ẹ yị sị ụya rị wa. Aza ana ná wa vị ana kụ́ Ẹnẹyịmavara avọ ka ẹnị ẹ raà nyị ẹkẹhị. Oseratẹmẹ ẹnịnị ẹ yị vayị ẹnịnị vụrụ-vụrụ. 6Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa. 7Osohu atẹmẹ nịnị ệ dọ ọnị ụkọrọ, dị ọnị vị oseratẹmẹ yị atẹmẹ ana na wụ̀ nị. Ọnị ộ sị ọchị ẹẹva rị ụvọ nị. Ịrẹha ọnya ọ rị Ẹyịzọhẹ, dị ọsa rị Ẹvabẹ nị. Avọọ ọnị mẹ sị eyi pe atẹmẹ ẹnẹẹ nị. 8Ịnị akakana ụhwẹ ọnya, ọnị ộ jị oseratẹmẹ ẹẹta agụvị ka ẹnịnị ệ nyị ịhyẹrẹ anị. Ọnị ẹ yị kụkụ nyẹngụ sị ẹngụ dọ ịrẹyị ẹnịnị. 9Avọọ ọnị kà yị atẹmẹ ẹnẹẹ ka ọnị ẹ yị kụkụ vaa vị oseratẹmẹ ẹnịnị. Ene e su o su, Ana a vaa wụ̀ a wụ̀ wa. Ẹnị ana vọ ẹẹ wụ̀ ẹngụ. 10Ịrẹma anị, ọnị sị ọchị ọnị ịrẹha anị rị Ẹyịzọhẹ, dị ọnị che e nị, dị ọnị kụ oto ọnị Ẹnẹyịmavara wo yị avaba anẹkụra nịnị kwooze nị. 11Ịhị ọnọọ Ẹnẹyịmavara kụ̀ ọ kwooze, dị osohu atẹmẹ ẹnịnị ene re e yẹ ka Ẹnẹyịmavara ô pe ọnị ka ịrẹyị nị. 12#Imt 27.9,10#Imt 26.15Ịzakaraya kà yị wa ka ẹ̀ẹ dọ ka ẹnị o sì ọnị ụta, ama ẹ̀ẹ yị vị avọọ, ẹ naavọ. Agụvị avọọ di e sì ọnị ụta isiriva ohurẹẹwụ. 13Dị Ẹnẹyịmavara kà yị ọnị ka ọnị ọ sị́ ẹkẹhị ọnọọ tụ ịnị ampo ẹkẹhị irehi Ohomorihi nị. Dị ọnị vavọọ sị́ isiriva ohurẹẹwụ ene e ro ka ọnị ọ hụ na tụ́ ịnị ampo irehi Ohomorihi nị. 14Ịrẹma ọnọnị, dị ọnị che ọchị ọhụva ọnị ịrẹha anị rị Ẹvabẹ, dị ẹvabẹ Ijuda ọnịrị Ijerusarẹmị gara nị. 15Ịjọnọọ, dị Ẹnẹyịmavara kà yị Ịzakaraya ka ọ mẹ̀ ebira anka oseratẹmẹ ẹnẹ ẹ yị nyị ịsa ọ vị. 16Ẹnẹyịmavara kà ọnị ộ sị oseratẹmẹ ka o sị eyi pe atẹmẹ anị, ama ẹ yị mẹ ọgụvọ yị ẹnị uye ee chire angwa, o yi si ene vu, ẹ yị mẹ ụnava ẹnị ana tọ ụna, a vị dị ọ hyakụ sị ịsa yị ẹnị ana nịya. 17Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.
လက်ရှိရွေးချယ်ထားမှု
:
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.