Imatiwu 22
22
Ụhịrẹyị aza anaa hị́ nọ ịnị ịrẹyị ọnẹẹ
(Irk 14.15-24)
1Ijeesu ọ rẹ sị ụhịrẹyị kà ịrẹyị yị aza ẹnẹẹ; ọ ka: 2“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị. 3Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ. 4Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’ 5Ama aza ẹnẹẹ ê sị eyi ịyẹyẹ re e, ọzọza o si hu aa jịnẹ; aza ẹnyị ệ nọ aarẹ, aza ẹnyị e si hu aa naa sẹ ohu. 6Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị. 7Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị. 8Di ohinọyị ọnọọ kà a yị ezi ahụ anị ka: ‘Ya sị ịsa mẹ, ama aza ọnị mị hị́, ẹ yị hụ ọọ rị ịsa amị ọnọnị. 9Agụvị avọọ nọ ozehinava nịnị; avaba aza oni u wèe re, ụ hị́ wa vẹ nịnị.’ 10Ịzẹyịza, di ezi ahụ ẹnẹẹ jịnẹ nọ oze, dị ẹ hị́ avaba aza enee re vẹ nị, à hị́ ọza ọyịza, à hị́ ọza odivi. Dị irehi ịzị a yà aa nyị ọnẹẹ aanị vị ohihi yị aza ana aa vaa rị ịsa nị. 11Ịjị ohinọyị ọnọọ vẹ ka oni ò ve re azọga anị, ô re ka â nyị ọza ịnya ene è yi chire awuru ana a sịị̄ nọ ịnị ịrẹyị ọnẹẹ. 12Dị ohinọyị ọnọọ kà a yọ ka: ‘Ọta amị, ụ mẹmẹ va ngụ ịzẹnị, du wè yi chire awuru anaa sịị̄ nọ ịnị ịrẹyị ọnẹẹ?’ Ọza ọnọọ ọ yị zụ tụ̀ ohi. 13#Imt 8.12; 25.30; Irk 13.28Dị ohinọyị ọnọọ kà a yị ezi ahụ anị ka: ‘Sụ́ ọọ ahụ ọnịrị ụvọ nịnị, dị ụ wa sị ọọ ne ne ngụ ịnị ịrahụ ruma-ruma nịnị, ịzị aza yàā nowu, dị ẹyaa rị anyị.’ 14Ọza ọrụrụ-ọrụrụ a hị́ nị, ama chee a nyị nị.”
Ịrẹyị ẹkẹhị irehi
(Ịmk 12.13-17; Irk 20.20-26)
15Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị. 16Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.” 17Kà ẹ yị dị a re, si u ro: “Áá vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ.” 18Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ? 19Sị ẹkẹhị ana aā tụ́ụ yị mị, dị a re!” Dị ẹ sị ẹkẹhị enyusẹ ọnyaa yọ nị. 20Dị ọ họ̀ wa ka, “Eni uhwoto anị ọnịrị ịrẹha anị yà ịnị anị aanị?” 21Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!” 22Ịjị ẹnịnị maanị wụ́, ô hí wa irenu, dị ẹ hụrẹ ịdị anị, dị ẹyaa na nị.
Oku nịnị wáá vanaa haa hụụnị isu?
(Ịmk 12.18-27; Irk 20.27-40)
23 #
Ụkọ 23.8
Ịhị ọnọọ gẹdẹ-gẹdẹ Anisadusi ẹnyị ệ ká Ijeesu vẹ. Ẹnịnị ẹẹ̄ kà a ka oku ẹ yị vaa haa hụụnị isu nị. 24#Ọda 25.5Dị ẹnịnị ka, “Ọga, Imosiisi ộ kà a ka ọza òo sú, dị ọ̀ yị ma ozi nị, ọyịnyara anị ọ̀ kụ́ ose anị ogu, dị ọ̀ ma ozi yị ẹnẹbẹnị anị ene sú. 25A va nyị ẹyịnyara ịhịmba ana ra ịzẹnị. Ana vị ọzọkụ ẹnịnị ộ nyị ọnẹẹ; ọ yị ma ozi di o sú, dị ọhụva anị kụ́ ose anị ogu nị. 26Avọọ ọhụva ọnịrị ọhụta mẹ̀ yà pooro na ngụ ọhụhịmba ẹnịnị nị. 27Ọdịrẹma anị dị ọnẹẹ ọnọọ oni re sú nị. 28Ịnị ụmẹ oni oku nịnị vaa sị haa hụụnị isu, ẹnẹ ọnẹẹ ọnọọ kụkụ vaa vị ose anị ịnị ẹnị ẹyịnyara ịhịmba ana vịdị nyị ọọ aanị?” 29Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị. 30Ịjị aza ẹ̀ẹ sị ha hụụnị isu, ọza ẹ yị kụkụ vaa nyị ọnẹẹ, ọza ọ yị rẹ vaa sị ọnẹẹ gà ọnọrụ. Vị ẹ vaa yà anka anggẹẹrị ẹbẹẹba nịnị mẹ̀ yà avọọ nị. 31Àa vị ka a vaa ha hụụnị isu yọ, aanịka wẹẹ̀ yị kà a ịsị Ohomorihi kà yị wụ nịnị? Ộ kà a ka: 32#Kụra 3.6‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.” 33Ịjị ọkọnị aza maanị wụ́, ịsa ana aa zụ̀ wa ô hí wa irenu.
Ye re ọda ene hu kere-kere?
(Ịmk 12.28-34; Irk 10.25-28)
34Ịjị Anihwarisi nịnị wụ́ ka Ijeesu ọ raà sị ịrẹyị za Anisadusi nịnị irenu kú oku, dị ẹnịnị na kụ́ gụ nị. 35Ọza ịnyara ẹnịnị ana vị ọzwọzọda, ọ na họ̀ Ijeesu use ịrẹyị ka ọnị ọ̀ sị zama a re. Dị ọ ka: 36“Ọga, ye re ọda ene hu kere-kere ịnị avaba ọda?” 37#Ọda 6.5Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ! 38Ọda ene hu keekere ịnị ọda yị. 39#Ire 19.18Ọhụva vị ene re véné e: Sì ịrẹyị ọnọhụva awụ anka ẹngụ awụ! 40#Irk 10.25-28Avaba ọda Imosiisi ọnịrị ịrẹyị ọnịsẹ nịnị vị ana jẹẹ ị́rẹsụ ọda ẹẹva ẹnẹnị.”
Eni Ikirisiti vị ozi anị?
(Ịmk 12.35-37; Irk 20.41-44)
41Ánihwarisi nịnị mẹ̀ yị wara gụ, dị Ijeesu họ̀ wa, 42dị ọ ka, “Si u ro ini oze Ikirisiti nịnị; ẹnị ọ vị ozi anị?” Dị ẹnịnị ka, “Ozi Idevidi ọ vị nị.” 43Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka: 44#Ahẹ 110.1‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi.’ 45Idevidi ọ̀ọ hị́ ọọ ‘Ananyị mị’, Íkirisiti mẹmẹ rẹ va mẹ vị ozi Idevidi?” 46Ẹ yị nyị ọza ene zụ tụ́ ọọ ohi ịrẹyị ikonya. Hụrẹ ịhị ọnọọ, ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.
လက်ရှိရွေးချယ်ထားမှု
Imatiwu 22: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.
Imatiwu 22
22
Ụhịrẹyị aza anaa hị́ nọ ịnị ịrẹyị ọnẹẹ
(Irk 14.15-24)
1Ijeesu ọ rẹ sị ụhịrẹyị kà ịrẹyị yị aza ẹnẹẹ; ọ ka: 2“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị. 3Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ. 4Dị ọ rẹ tụ́ ezi ahụ anị ọsa nị, ka ẹ̀ na kà a yị aza anaa vịdị kà a yị aanị ka, ‘Ma sị ịsa mẹ, ọ! Ma kụ́ imaaru amị wụ ọnịrị ịsụpa anaa pá ka ọ̀ banyị dị à va wụ ọọ. Ma sị avaba ịsa mẹ ta; vẹ ịnị ịrẹyị ọnẹẹ amị nịnị!’ 5Ama aza ẹnẹẹ ê sị eyi ịyẹyẹ re e, ọzọza o si hu aa jịnẹ; aza ẹnyị ệ nọ aarẹ, aza ẹnyị e si hu aa naa sẹ ohu. 6Dị ana vọ za ezi ahụ ẹnẹẹ, dị ẹ sị ụya rị wa, dị ẹ wụ̀ wa nị. 7Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị. 8Di ohinọyị ọnọọ kà a yị ezi ahụ anị ka: ‘Ya sị ịsa mẹ, ama aza ọnị mị hị́, ẹ yị hụ ọọ rị ịsa amị ọnọnị. 9Agụvị avọọ nọ ozehinava nịnị; avaba aza oni u wèe re, ụ hị́ wa vẹ nịnị.’ 10Ịzẹyịza, di ezi ahụ ẹnẹẹ jịnẹ nọ oze, dị ẹ hị́ avaba aza enee re vẹ nị, à hị́ ọza ọyịza, à hị́ ọza odivi. Dị irehi ịzị a yà aa nyị ọnẹẹ aanị vị ohihi yị aza ana aa vaa rị ịsa nị. 11Ịjị ohinọyị ọnọọ vẹ ka oni ò ve re azọga anị, ô re ka â nyị ọza ịnya ene è yi chire awuru ana a sịị̄ nọ ịnị ịrẹyị ọnẹẹ. 12Dị ohinọyị ọnọọ kà a yọ ka: ‘Ọta amị, ụ mẹmẹ va ngụ ịzẹnị, du wè yi chire awuru anaa sịị̄ nọ ịnị ịrẹyị ọnẹẹ?’ Ọza ọnọọ ọ yị zụ tụ̀ ohi. 13#Imt 8.12; 25.30; Irk 13.28Dị ohinọyị ọnọọ kà a yị ezi ahụ anị ka: ‘Sụ́ ọọ ahụ ọnịrị ụvọ nịnị, dị ụ wa sị ọọ ne ne ngụ ịnị ịrahụ ruma-ruma nịnị, ịzị aza yàā nowu, dị ẹyaa rị anyị.’ 14Ọza ọrụrụ-ọrụrụ a hị́ nị, ama chee a nyị nị.”
Ịrẹyị ẹkẹhị irehi
(Ịmk 12.13-17; Irk 20.20-26)
15Anihwarisi nịnị ệ hụụ ịzọọ, dị ẹ na gẹ eyi ka ẹ́nị mẹmẹ va mẹ ka Ijeesu ọ̀ kà ịrẹyị dị ẹnị ẹ̀ za a nị. 16Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.” 17Kà ẹ yị dị a re, si u ro: “Áá vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ.” 18Ama Ijeesu ộ yẹ ebira odivi ẹnịnị, dị ọ kà a yị wa ka, “Sị ẹ vẹ dị ụ waa zama mịị re nịnị, ẹwụ nịnị ọmọzakụyẹ? 19Sị ẹkẹhị ana aā tụ́ụ yị mị, dị a re!” Dị ẹ sị ẹkẹhị enyusẹ ọnyaa yọ nị. 20Dị ọ họ̀ wa ka, “Eni uhwoto anị ọnịrị ịrẹha anị yà ịnị anị aanị?” 21Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!” 22Ịjị ẹnịnị maanị wụ́, ô hí wa irenu, dị ẹ hụrẹ ịdị anị, dị ẹyaa na nị.
Oku nịnị wáá vanaa haa hụụnị isu?
(Ịmk 12.18-27; Irk 20.27-40)
23 #
Ụkọ 23.8
Ịhị ọnọọ gẹdẹ-gẹdẹ Anisadusi ẹnyị ệ ká Ijeesu vẹ. Ẹnịnị ẹẹ̄ kà a ka oku ẹ yị vaa haa hụụnị isu nị. 24#Ọda 25.5Dị ẹnịnị ka, “Ọga, Imosiisi ộ kà a ka ọza òo sú, dị ọ̀ yị ma ozi nị, ọyịnyara anị ọ̀ kụ́ ose anị ogu, dị ọ̀ ma ozi yị ẹnẹbẹnị anị ene sú. 25A va nyị ẹyịnyara ịhịmba ana ra ịzẹnị. Ana vị ọzọkụ ẹnịnị ộ nyị ọnẹẹ; ọ yị ma ozi di o sú, dị ọhụva anị kụ́ ose anị ogu nị. 26Avọọ ọhụva ọnịrị ọhụta mẹ̀ yà pooro na ngụ ọhụhịmba ẹnịnị nị. 27Ọdịrẹma anị dị ọnẹẹ ọnọọ oni re sú nị. 28Ịnị ụmẹ oni oku nịnị vaa sị haa hụụnị isu, ẹnẹ ọnẹẹ ọnọọ kụkụ vaa vị ose anị ịnị ẹnị ẹyịnyara ịhịmba ana vịdị nyị ọọ aanị?” 29Dị Ijeesu ka, “We si nyeeyi nịnị, agụvị ka wẹ yị yẹ Iwe Ohomorihi, wẹ yị rẹ yẹ ụkata Ohomorihi nịnị. 30Ịjị aza ẹ̀ẹ sị ha hụụnị isu, ọza ẹ yị kụkụ vaa nyị ọnẹẹ, ọza ọ yị rẹ vaa sị ọnẹẹ gà ọnọrụ. Vị ẹ vaa yà anka anggẹẹrị ẹbẹẹba nịnị mẹ̀ yà avọọ nị. 31Àa vị ka a vaa ha hụụnị isu yọ, aanịka wẹẹ̀ yị kà a ịsị Ohomorihi kà yị wụ nịnị? Ộ kà a ka: 32#Kụra 3.6‘Ẹma vị Ohomorihi Abụrahamị nị, dị mị rẹ vị Ohomorihi Ayiziiki nị, dị mị rẹ vị Ohomorihi Ijekọvụ nị.’ Ohomorihi ọ yị vị Ohomorihi aza ene wusu, ama Ohomorihi aza ana yàra.” 33Ịjị ọkọnị aza maanị wụ́, ịsa ana aa zụ̀ wa ô hí wa irenu.
Ye re ọda ene hu kere-kere?
(Ịmk 12.28-34; Irk 10.25-28)
34Ịjị Anihwarisi nịnị wụ́ ka Ijeesu ọ raà sị ịrẹyị za Anisadusi nịnị irenu kú oku, dị ẹnịnị na kụ́ gụ nị. 35Ọza ịnyara ẹnịnị ana vị ọzwọzọda, ọ na họ̀ Ijeesu use ịrẹyị ka ọnị ọ̀ sị zama a re. Dị ọ ka: 36“Ọga, ye re ọda ene hu kere-kere ịnị avaba ọda?” 37#Ọda 6.5Dị Ijeesu tụ́ ọ ohi, dị ọ ka, “Sị avaba ayị awụ sì ịrẹyị Ohomorihi Ananyị yị beri avaba ivehu awụ, ọnịrị avaba ịrẹyọyẹ awụ! 38Ọda ene hu keekere ịnị ọda yị. 39#Ire 19.18Ọhụva vị ene re véné e: Sì ịrẹyị ọnọhụva awụ anka ẹngụ awụ! 40#Irk 10.25-28Avaba ọda Imosiisi ọnịrị ịrẹyị ọnịsẹ nịnị vị ana jẹẹ ị́rẹsụ ọda ẹẹva ẹnẹnị.”
Eni Ikirisiti vị ozi anị?
(Ịmk 12.35-37; Irk 20.41-44)
41Ánihwarisi nịnị mẹ̀ yị wara gụ, dị Ijeesu họ̀ wa, 42dị ọ ka, “Si u ro ini oze Ikirisiti nịnị; ẹnị ọ vị ozi anị?” Dị ẹnịnị ka, “Ozi Idevidi ọ vị nị.” 43Dị Ijeesu ka, “Sị ẹ vavẹ dị Ụhwẹ Ọnịnị mẹ ka Idevidi ọ̀ hị́ Ikirisiti ‘Ananyị mị’? Agụvị ka Idevidi ộ kà a ka: 44#Ahẹ 110.1‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi.’ 45Idevidi ọ̀ọ hị́ ọọ ‘Ananyị mị’, Íkirisiti mẹmẹ rẹ va mẹ vị ozi Idevidi?” 46Ẹ yị nyị ọza ene zụ tụ́ ọọ ohi ịrẹyị ikonya. Hụrẹ ịhị ọnọọ, ẹ yị nyị ọza ana vana nyayịnẹ họ̀ ọ use ịrẹyị ọnyọọnyị.
လက်ရှိရွေးချယ်ထားမှု
:
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.