Ịmarakayị 3
3
Ọnụtụ ene wo oto anị
1 #
Imt 11.10; Ịmk 1.2; Irk 1.76; 7.27 Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.
Ẹkụhị ọyịvara
2 #
Ijow 2.11; Ẹtẹ 6.17 Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị. 3Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị. 4Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.
Asị ụ mẹ̀ Ohomorihi rị
5Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.
6Ohomorihi kà ọnị ọ vị Ẹnẹyịmavara nị. Agụvị avọọ, ezi Ijekọvụ e yi ve vú ẹtẹ nị. 7Ẹnẹyịmavara Ochẹtẹẹngụ kà, hụrẹ ụmẹ ohiku ẹnịnị ệ va ịrẹma ka ọda anị nị. Ama ẹnịnị ẹ̀ẹ varẹma ka ọnị vẹ, ọnị ọ rẹ vaa varẹma ka wa na. Ama dị ệ kà a ẹnị mẹmẹ zụ varẹma ka a na? 8Ẹnẹyịmavara ộ họ̀ use ka, a vọrọ ka ọza ọ́ọ́ mẹ Ohomorihi rị? Eeyiye de! Ama ẹnịnị aa mẹ̀ ọnị rị, dị ẹ ka ẹnịnị mẹmẹ aa mẹ̀ ẹ rị kẹ? Dị ọ ka ẹnịnị aa mẹ̀ ọnị rị ịnị oze ịrẹyị agẹẹwụ ọnịrị ịsa ẹnẹ ẹ yaa sị va yị ọnị. 9Agụvị avọọ, ê reè chi hí wa agụvị ka avaba ẹnịnị aa mẹ̀ ọnị rị. 10#Ire 27.30; Ịrị 18.21-24; Ọda 12.6; 14.22-29; Ine 13.12Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ. 11Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị. 12Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.
Ohomorihi o wo oto ayamva
13Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà? 14Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara? 15Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.
Ọgụ Ọnịzẹyịza
16Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị. 17Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ. 18Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.
လက်ရှိရွေးချယ်ထားမှု
Ịmarakayị 3: EBTP
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.
Ịmarakayị 3
3
Ọnụtụ ene wo oto anị
1 #
Imt 11.10; Ịmk 1.2; Irk 1.76; 7.27 Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.
Ẹkụhị ọyịvara
2 #
Ijow 2.11; Ẹtẹ 6.17 Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị. 3Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị. 4Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.
Asị ụ mẹ̀ Ohomorihi rị
5Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.
6Ohomorihi kà ọnị ọ vị Ẹnẹyịmavara nị. Agụvị avọọ, ezi Ijekọvụ e yi ve vú ẹtẹ nị. 7Ẹnẹyịmavara Ochẹtẹẹngụ kà, hụrẹ ụmẹ ohiku ẹnịnị ệ va ịrẹma ka ọda anị nị. Ama ẹnịnị ẹ̀ẹ varẹma ka ọnị vẹ, ọnị ọ rẹ vaa varẹma ka wa na. Ama dị ệ kà a ẹnị mẹmẹ zụ varẹma ka a na? 8Ẹnẹyịmavara ộ họ̀ use ka, a vọrọ ka ọza ọ́ọ́ mẹ Ohomorihi rị? Eeyiye de! Ama ẹnịnị aa mẹ̀ ọnị rị, dị ẹ ka ẹnịnị mẹmẹ aa mẹ̀ ẹ rị kẹ? Dị ọ ka ẹnịnị aa mẹ̀ ọnị rị ịnị oze ịrẹyị agẹẹwụ ọnịrị ịsa ẹnẹ ẹ yaa sị va yị ọnị. 9Agụvị avọọ, ê reè chi hí wa agụvị ka avaba ẹnịnị aa mẹ̀ ọnị rị. 10#Ire 27.30; Ịrị 18.21-24; Ọda 12.6; 14.22-29; Ine 13.12Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ. 11Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị. 12Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.
Ohomorihi o wo oto ayamva
13Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà? 14Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara? 15Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.
Ọgụ Ọnịzẹyịza
16Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị. 17Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ. 18Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.
လက်ရှိရွေးချယ်ထားမှု
:
အရောင်မှတ်ချက်
ကူးယူ
နှိုင်းယှဉ်
မျှဝေရန်
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Ebira First Bible © Bible Society of Nigeria, 2014.