Саалтыр 1

I КИНИГЭТЭ

1–40 псаломнар

1Давид псалома.

Ким нэгэйдэр сүбэлэрин истибэт,

аньыылаахтар суолларын тутуспат,

итэҕэли күлээччилэри эҥээрдэспэт, ол дьоллоох.

2 Айыы Тойон # 1:2 Таҥара Эргэ Кэс Тылга суруллубут «Яхве», ол аата «Кини баар» эбэтэр «Кини олоҕу биэрэр» диэн суолталаах ытык аата бу тылбааска улахан буукубаларынан бэриллэр. Сокуонуттан кини үөрүүнү булар,

ол Сокуону күннэри-түүннэри саныы сылдьар.

3Кини сүүрүктээх уу аттыгар олордуллубут,

кэмэ кэллэ да, аһын биэрэр,

кэхтэри билбэт сэбирдэхтээх үөл маска холоонноох;

бары дьайыытыгар кини ситиһиилээх.

4Оттон нэгэй быһыылаахтар чыҥха атыттар –

кинилэр тыал ыһар мэкиинэтин курдуктар.

5Онон тулуйуохтара суоҕа нэгэйдэр Таҥара дьүүлүн,

аньыылаахтар – көнө дьон түмсүүтүн.

6 Айыы Тойон көнө дьон суолун билэр,

оттон нэгэйдэр суоллара өлүүгэ тиэрдэр.

လက်ရှိရွေးချယ်ထားမှု

Саалтыр 1: СБК

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Сибэтиэй Биибилийэ кинигэлэрэ အကြောင်းကို ပို၍ သင်ယူပါ။