ဆာလံကျမ်း 108:1-5

အို ဘုရားသခင်​၊ အကျွန်ုပ်​၏​စိတ်နှလုံး​သည် တည်ကြည်​ပါ​၏​။ အကျွန်ုပ်​သည် သီချင်းဆို​၍ အကျွန်ုပ်​၏​စိတ်ဝိညာဉ်​ဖြင့် သီဆိုချီးမွမ်း​ပါ​မည်​။ စောင်းပြား​နှင့်​စောင်းကောက်​တို့​၊ နိုးထ​ကြ​လော့​။ အရုဏ်ဦး​ကို​လည်း ငါ​နိုးထ​စေ​မည်​။ အို ထာဝရဘုရား​၊ အကျွန်ုပ်​သည် လူမျိုးတကာ​တို့​အလယ်​တွင် ကိုယ်တော်​၏​ကျေးဇူးတော်​ကို ချီးမွမ်း​ပါ​မည်​။ လူ​တို့​အလယ်​တွင် ကိုယ်တော်​ကို သီဆိုချီးမွမ်း​ပါ​မည်​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် ကောင်းကင်​ထိ​တိုင်အောင်​ကြီးမား​၍ ကိုယ်တော်​၏​သစ္စာ​တော်​သည် မိုးတိမ်​ထိ​တိုင်အောင်​ရောက်​ပါ​၏​။ အို ဘုရားသခင်​၊ ကိုယ်တော်​သည် ကောင်းကင်​အထက်​၌​ချီးမြှောက်​ခြင်း​ရှိ​ပါစေသော​။ ကိုယ်တော်​၏​ဘုန်းအသရေ​တော်​သည်​လည်း ကမ္ဘာမြေ​တစ်ခွင်လုံး​ကို လွှမ်းမိုး​ပါစေသော​။