ရှင်မာကုခရစ်ဝင် 15:42-45

ထို​နေ့​သည် ပြင်ဆင်​ရာ​နေ့​တည်းဟူသော အဖိတ်နေ့​ဖြစ်​သဖြင့် ညနေချမ်း​အချိန်​ရောက်​သောအခါ ဂုဏ်သရေ​ကြီးမြင့်​သော လွှတ်တော်​အဖွဲ့ဝင်​တစ်​ဦး​ဖြစ်ပြီး ဘုရားသခင်​၏​နိုင်ငံ​တော်​ကို စောင့်မျှော်​နေ​သူ​လည်း​ဖြစ်​သော အရိမသဲ​မြို့သား​ယောသပ်​သည်​ရောက်လာ​၍ ပိလတ်​မင်း​ထံသို့ ရဲရင့်​စွာ​ဝင်​ကာ ယေရှု​၏​အလောင်း​တော်​ကို တောင်း​လေ​၏။ ပိလတ်​မင်း​သည် ယေရှု​သေဆုံး​ပြီ​လော​ဟု​အံ့ဩ​၍ တပ်မှူး​ကို​ခေါ်​လျက် ယေရှု​သေဆုံး​ပြီ​ဖြစ်​ကြောင်း ဟုတ်​၊ မ​ဟုတ်​မေး​လေ​၏။ တပ်မှူး​ထံမှ ဟုတ်မှန်​ကြောင်း​သိ​ရ​လျှင် အလောင်း​တော်​ကို ယောသပ်​အား​ပေး​လေ​၏။