ဝတ်ပြုရာကျမ်း 12

မီးဖွားပြီးမိန်းမကို စင်ကြယ်စေခြင်း

1တစ်ဖန် ထာဝရဘုရားက မောရှေအား 2“အစ္စရေးအမျိုးသားတို့အား ဆင့်ဆိုလော့။ မိန်းမသည် ကိုယ်ဝန်ဆောင်၍ သားယောက်ျားကို မွေးဖွားလျှင် သူသည် ဓမ္မတာလာသောအခါ မစင်ကြယ်သကဲ့သို့ ခုနစ်ရက်ပတ်လုံး မစင်ကြယ်။ 3ရှစ်ရက်မြောက်နေ့တွင် သူငယ်၏ထိပ်ဖုံးအရေပြားအသား၌ အရေဖျားလှီးရမည်။ 4မိန်းမသည် သွေးသန့်စင်ဖို့ ရက်ပေါင်းသုံးဆယ့်သုံးရက်စောင့်ရမည်။ မိမိသန့်စင်ရာနေ့ရက်မပြည့်မချင်း မည်သည့်သန့်ရှင်းသောအရာကိုမျှမထိရ၊ သန့်ရှင်းရာဌာနသို့ မလာရ။ 5သမီးမိန်းကလေးကိုမွေးဖွားလျှင် သူသည် ဓမ္မတာလာသကဲ့သို့ တစ်ဆယ့်လေးရက်ပတ်လုံး မစင်ကြယ်။ သွေးသန့်စင်ဖို့ ရက်ပေါင်းခြောက်ဆယ့်ခြောက်ရက် စောင့်ရမည်။

6သားယောက်ျားအတွက်ဖြစ်စေ၊ သမီးမိန်းကလေးအတွက်ဖြစ်စေ သန့်စင်ရာနေ့ရက်ပြည့်သောအခါ သူသည် မီးရှို့ရာယဇ်အတွက် တစ်နှစ်သားအရွယ်သိုးသငယ်တစ်ကောင်နှင့် အပြစ်ဖြေရာယဇ်အတွက် ခိုငယ်တစ်ကောင်၊ သို့မဟုတ် ချိုးငှက်တစ်ကောင်ကို တွေ့ဆုံစည်းဝေးရာတဲတော်အဝင်ဝ၊ ယဇ်ပုရောဟိတ်ထံ ယူဆောင်လာရမည်။ 7ယဇ်ပုရောဟိတ်သည် ၎င်းကို ထာဝရဘုရား၏ရှေ့တော်၌ ပူဇော်၍ ထိုမိန်းမအတွက် အပြစ်ဖြေလွှတ်ခြင်းကိုပြုပေးသဖြင့် သူသည် သွေးဆင်းခြင်းမှ စင်ကြယ်လိမ့်မည်။ ဤသည်ကား သားယောက်ျားကိုဖြစ်စေ၊ သမီးမိန်းကလေးကိုဖြစ်စေ မွေးဖွားခြင်းနှင့်ဆိုင်သောပညတ်တရားဖြစ်၏။ 8အကယ်၍ သိုးသငယ်ကို ပူဇော်ရန်မတတ်နိုင်လျှင် ချိုးငှက်နှစ်ကောင်၊ သို့မဟုတ် ခိုငယ်နှစ်ကောင်ကို ယူဆောင်လာရမည်။#လု 2:24။ တစ်ကောင်သည် မီးရှို့ရာယဇ်အတွက်ဖြစ်ပြီး ကျန်တစ်ကောင်သည် အပြစ်ဖြေရာယဇ်အတွက်ဖြစ်၏။ ယဇ်ပုရောဟိတ်သည် ထိုမိန်းမအတွက် အပြစ်ဖြေလွှတ်ခြင်းကိုပြုပေးသဖြင့် သူသည် စင်ကြယ်လိမ့်မည်”ဟု မိန့်တော်မူ၏။

လက်ရှိရွေးချယ်ထားမှု

ဝတ်ပြုရာကျမ်း 12: MSBU

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

MYANMAR STANDARD BIBLE©

မြန်မာ့စံမီသမ္မာကျမ်း အကြောင်းကို ပို၍ သင်ယူပါ။