ယောဘဝတ္ထု 2:11-13

ယောဘ​သည် ထို​အဖြစ်ဆိုး​အလုံးစုံ​တို့​ကို ကြုံတွေ့​နေ​ရ​ကြောင်း ကြားသိ​ကြ​လျှင် တေမန်​အမျိုးသား ဧလိဖတ်​၊ ရှုအာ​အမျိုးသား ဗိလဒဒ်​၊ နေမတ်​အမျိုးသား ဇောဖာ စသော​သူ​၏​သူငယ်ချင်း​သုံး​ဦး​တို့​သည် ယောဘ​ကို​စာနာ​သဖြင့် နှစ်သိမ့်ပေး​ရန် မိမိ​တို့​နေရပ်​မှ​ထွက်လာ​၍ အတူတကွ​တွေ့ဆုံ​ကာ ယောဘ​ထံသို့ အတူ​သွား​ကြ​၏​။ သူ​တို့​သည် အဝေး​မှ​လှမ်းကြည့်​၍ ယောဘ​ကို​မ​မှတ်မိ​သောအခါ အော်ဟစ်​ငိုကြွေး​ကြ​လေ​၏​။ မိမိ​တို့​ဝတ်လုံ​ကို​ဆုတ်​၍ မြေမှုန့်​ကို​လည်း မိုး​ပေါ်​ပစ်တင်​ကာ ခေါင်း​ပေါ်သို့​ကျ​စေ​ကြ​၏​။ သူ​တို့​သည် ယောဘ​ခံစား​ရ​သော​ဝေဒနာ​အလွန်​ပြင်းထန်​သည်​ကို မြင်​သဖြင့် မည်သူ​မျှ​စကား​မ​ပြော​ဘဲ သူ​နှင့်အတူ​မြေ​ပေါ်တွင် ခုနစ်​ရက်​ခုနစ်​ည​ထိုင်​နေ​လေ​၏​။