ဂလာတိဩဝါဒစာ 1:1-5

လူ​တို့​ထံမှ​မ​ဟုတ်၊ လူ့​အားဖြင့်​လည်း​မ​ဟုတ်​ဘဲ ယေရှု​ခရစ်တော်​နှင့် ကိုယ်တော်​ကို သေ​သော​သူ​တို့​ထဲမှ ထမြောက်​စေ​တော်မူ​သော​ခမည်းတော်​ဘုရားသခင်​အားဖြင့် တမန်တော်​ဖြစ်​သော​ငါ​ပေါလု​မှစ၍ ငါ​နှင့်အတူ​ရှိ​သော​ညီအစ်ကို​အပေါင်း​တို့​သည် ဂလာတိ​ပြည်​၌​ရှိ​သည့် အသင်းတော်​များ​ထံသို့ စာ​ရေး​လိုက်​ပါ​၏။ ငါ​တို့​အဖ​ဘုရားသခင်​နှင့်​သခင်​ယေရှု​ခရစ်တော်​ထံမှ ကျေးဇူး​တော်​နှင့်​ငြိမ်သက်​ခြင်း​သည် သင်​တို့​၌​ရှိ​ပါစေသော။ ထို​သခင်​သည် ငါ​တို့​အဖ​ဖြစ်​တော်မူ​သော​ဘုရားသခင်​၏​အလို​တော်​နှင့်အညီ ဆိုးညစ်​သော​မျက်မှောက်​ကာလ​မှ ငါ​တို့​ကို​ကယ်နုတ်​ရန် ငါ​တို့​၏​အပြစ်​အတွက် မိမိကိုယ်ကို​ပေးအပ်​တော်မူ​၏။ အဖ​ဘုရားသခင်​၌ ကမ္ဘာ​အဆက်ဆက်​ဘုန်း​အသရေ​တော်​ရှိ​ပါစေသော။ အာမင်။