Baruch 5

Nan Gawis Ay Ommat Isnan Jerusalem

5:1-9

1Jerusalem, kaanem nan inbabadom ay seg-ang ya babawi

ta ibadom nan menbegew ay dayaw Apo Dios ay eng-enggana.

2Ibalabalmo ay kaneg ewes nan kinatet-ewan Apo Dios.

Ibedbedmo isnan olom nan dayaw di maid patenggana ay Dios

3tay awnit ipailan Apo Dios nan pilmi ay begewmo isnan am-in ay ili isnan batawa.

4Wada nan kankanayon ay kankanana ken sik-a ay siya na,

“Tomalnaka gapo isnan kinalintegmo ya madayawka gapo isnan mangpatpatgam ken sak-en.”

5Jerusalem, itakdegmo isnan atakdag ay bilig

ta ilaem isnan balaan di agew nan mangdagopan nan nalinteg ay Dios isnan an-akmo

ay nagapo isnan ay solin di batawa.

Men-gasgasingda tay nanemnem Apo Dios daida.

6Olay no tinaynan di an-akmo sik-a

tay inkaan di boso daida ay nang-ipadad-aan ken daida

ngem id wani isagong Apo Dios daida ay menlologan

ay kanegda et an-ak di ali.

7Tay binilin Apo Dios ay madata nan anatakdag ay adi kagiba ay bilig

ya maipangato nan nakakaongan ta madata nan daga

tapno makadaan nan Israelita ay maid iyeg-egyatda isnan somaanda

tay wada nan kabaelan Apo Dios ken daida.

8Et isnan bilin Apo Dios et tomobo nan adoado ay menbango ay kak-aiw

ta waday menlinlinongan nan Iraelita.

9Awnit ipangpangon Apo Dios nan Israelita ay somaa

et men-gasgasingda ay somaa ay ipangpangon nan seg-ang ya kinalinteg Apo Dios daida

ya liliwesen nan pat-an di kawad-ana daida.

လက်ရှိရွေးချယ်ထားမှု

Baruch 5: xnn

အရောင်မှတ်ချက်

မျှဝေရန်

ကူးယူ

မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ

Kalin Apo Dios အကြောင်းကို ပို၍ သင်ယူပါ။