Lucas 23မှ လူကြိုက်နှစ်သက်သော ကျမ်းပိုဒ်များ။

မျှဝေရန်

{Chakatasqaña kashaspantaqmi Jesusqa niran: —Dios Taytáy, perdonay kay runakunata. Paykunaqa manan yachankuchu kay ruwasqankutaqa, nispa.} Chaypi kaq soldadokunañataqmi Jesuspa p'achanta sortearanku apakunankupaq.

Chaymi Jesusqa chay runata niran: —Cheqaqtapunin niyki, kunanpunin noqawan kushka kanki sumaq k'anchaq paraíso lugarpi, nispa.

Hinaspan chay runaqa Jesusta khaynata niran: —Jesús, amayá noqataqa qonqarukuwankichu, gobiernayta qallarispaykiqa, nispa.

Jesusñataqmi tukuy kallpanwan qaparispa niran: —¡Dios Taytalláy, qanmanmi almayta entregamuyki! nispa. Saynata nispanmi, Jesusqa wañupuran.

Hinaspan Calavera sutiyoq moqoman chayarachispanku, soldadokunaqa Jesusta cruzpi chakataranku. Saynallataqmi chay mana allin ruwaq ishkay runakunatapas chakatallarankutaq, hukninta Jesuspa phaña ladonpi, huknintañataq Jesuspa lloq'e ladonpi.

Chawpi p'unchaw hinamanta asta kinsa horas tardekaman kay pacha tutayaran, inti manaña k'anchasqanrayku. Hinallataqmi Jerusalén templo ukhupi cortinapas, kushkanmanta llik'ikuran, altonmanta urayman.

Tukuy chaykuna pasasqantan Roma llaqtamanta soldadokunapa jefen rikuran. Hinaspan payqa Diosta alabaspa khaynata niran: —Cheqaqtapunin kay runaqa mana huchayoq kasqa, nispa.