Улон-вылон 3မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Кышномурт адӟиз, писпулэн емышез сиыны ярамон шуыса, син азьын но чебер адӟиське, бордаз туж кыске, уго со тодонлык сётӥсь писпу вал; писпуысь емышез ишкалтӥз но сииз сое, картэзлы но сиыны сётӥз, – со но сииз.

Инмарлэн Кузё-Инмарлэн кылдытэм кыр пӧйшуръёсыз пӧлысь кый ваньмызлэсь кескичез вал. Кый кышномуртлы шуиз: «Инмар зэмзэ ик-а вераз: ”Райысь нокыӵе но писпулэсь емышсэ эн сие?”»

тон куспы, кышномурт куспы, тынад кидысэд-выжыед но солэн кидысэз-выжыез куспы тушмонъяськыса улон поно; со кидыс тынэсьтыд йырдэ сузмытоз, нош тон солэн пыдтышказ лекалод».

Кышномуртлы шуиз: «Нуны вайыны секытэн луэм дыръяд куректондэ-курадӟондэ йылэто но йылэто; висьыса-курадӟыса нуныостэ ваёд; мылкыдыд картэд пала кыстӥськоз-лӧптылоз, со тонэн кузёяськыса улоз».

со музъеме ик берытскытозяд, кытысь тон поттэмын, ымныртӥд нюлам вуэд бызьыса, няньдэ сиёд; уго тон сюй, сюе ик берытскод».

Нош Адамлы шуиз: «Аслад кышноедлэсь верамзэ кылзӥськыса, ”солэсь емышсэ эн сиы” косэмме санэ понытэк, писпуысь сиыны лэзьымтэ емышез сиемед понна тонэн сэрен музъем каргамын; вань улон нуналъёсыд ӵоже солэсь емышъёссэ сиёд но ӝожомыса-куректыса кӧттэ тырод

Соку [Инмар] шуиз: «Тон гольык шуыса, кин тыныд вераз? Мынэсьтым тыныд сиыны лэзьымтэ писпуысь емышсэ тон ӧд сиы-а?»

Адамез улляса лэзиз но Едем садлэн шундыӝужанпал дураз улон писпу доры мынӥсь сюресэз возьманы Херувимез но бергась-ӝуась мечез пуктӥз.

Адам кышноезлы ним сётӥз: Ева, уго со вань улӥсь муртъёслэн анайзы луиз.