Иоанн 10မှ လူကြိုက်နှစ်သက်သော ကျမ်းပိုဒ်များ။

မျှဝေရန်

Нош лушкаськись лыктэ ке, лыктэ лушканы, виыны, быдтыны. Улон вайыны, улонзы мултэсэн мед луоз шуыса, Мон со понна лыктӥ.

Мон ӟеч ыж возьмась: ӟеч ыж возьмась ыжъёсыз понна аслэсьтыз улонзэ понэ.

Мынам ыжъёсы Мынэсьтым куараме кылзӥсько, Мон соосты тодӥсько, соос Мон сьӧры мыно.

Мон соослы быронтэм улон сётӥсько, соос ноку но уз быре, нокин но соосты Мынам киулысьтым уз лушка.

Мон – ӧс: кин Мон пыр пыроз, со утиськоз, пыроз но, потоз но, ыж возьман инты но шедьтоз.

Мон – ӟеч ыж возьмась, Аслэсьтымъёссэ тодӥсько, Асламъёсыз но Монэ тодо.

Мынам Атае, Кудӥз Мыным соосты сётӥз, ваньмызлэсь быдӟым, нокин но соосты Мынам Атаелэн киулысьтыз лушканы уз быгаты: Мон Атаен – одӥг».

Кызьы Монэ Атае тодэ, озьы ик Мон Атайме тодӥсько но Аслэсьтым улонме ыжъёс понна сётӥсько.

Нокин но сое Мынэсьтым уг тала, Мон Ачим сое сётӥсько: сое сётыны эрике вань, берен басьтыны но эрике вань; та курон-косонэз Мон Аслам Атае киысь басьтӥ».

Нош ик Иисус соослы вераз: «Зэм ик, зэм ик тӥледлы верасько: Мон ыжъёслы ӧс.

Нош медъяськем мурт, кудӥз понна ыжъёс аслаз уг луо, со ыж возьмась ӧвӧл: адӟе лыктӥсь кионэз но ыжъёссэ кельтыса пегӟе, нош кион ыжъёсты лушкаса нуэ, пазьгиськытэ соосты.

«Зэм ик, зэм ик тӥледлы верасько: кин ыж возён азбаре ӧсэтӥ уг пыры, мукет азьтӥ со кечырскыса пыре ке, со лушкаськись, талась-виылӥсь.