မ︀ႃက︀ု 1မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ꩫ︀င︀်မ︀ိူဝ်ႈꩭုက︀်ႉ က︀ၢင︀်ႈလ︀ႂ်ၸ︀ႃႇမ︀ဝ်လ︀ႅင︀်းꩰ ꩡ︀ဝ်ႛယ︀ေꩬ︀ုလ︀ုက︀်ႉꩬ︀ီ တ︀ီႈဢ︀ꩫ︀်ႈယ︀ီꩫ︀်ႈꩬ︀ိင︀်ꩰမ︀ႆ︀ႛ မ︀ꩫ︀်းꩡ︀ဝ်ႛꩫ︀ၢႆ︀ႈက︀ႃယ︀ွꩫ︀်းꩬ︀ူးဢ︀ူ။

“ယ︀ၢမ︀်းဢ︀ꩫ︀်ႈမ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛ တ︀ီတ︀င︀်ႛတ︀ေꩫ︀ႆ︀ႇ ထိုင︀်မ︀ႃးယ︀ဝ်ႇ။ ꩬ︀ၢင︀်ဝွေꩬ︀ီ ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇမ︀ႆ︀ႛ ယ︀ုမ︀်ယ︀မ︀်ႈက︀ꩫ︀်ႈတ︀ႃႉ” ꩫ︀ꩬ︀ီ ၵ︀ၢဝ်ႈၵ︀ၢမ︀်းꩫ︀ီႈၸ︀ြႃးပ︀ီꩫ︀်ႈꩡ︀ဝ်ႛꩭူဝ်းဢ︀ူ။

မ︀ွင︀်းꩡ︀ဝ်ႛယ︀ေꩬ︀ုလ︀ုက︀်ႉက︀ꩫ︀်ႛꩫ︀ႂ်းꩫ︀မ︀်ႇမ︀ႆ︀ႛ လ︀ုက︀်ႉဢ︀ွက︀်မ︀ႃးꩫ︀ႆ︀ႇ က︀ၢင︀်ႈꩭၢဝ်ပ︀ုတ︀်မ︀ႃးꩬ︀ီ က︀ꩫ︀်ႛꩫ︀ိူဝ်မ︀ꩫ︀်းꩡ︀ဝ်ႛမ︀ႆ︀ႛ ꩫ︀င︀်ꩭၢင︀်ႈꩫ︀ူက︀်ႉတ︀ူႛꩫ︀က︀ꩫ︀်ႈ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ က︀ျွႃးလ︀ူင︀်းမ︀ႃးꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛꩭꩫ︀်ဢ︀ူ။ မ︀ိူဝ်ႈဢ︀မ︀ႂ်း လ︀ုက︀်ႉက︀ၢင︀်ႈꩭၢဝ်မ︀ႆ︀ႛ “မ︀ႂ်းယ︀ႃႇ လ︀ုက︀်ႉꩡ︀ၢႆ︀းဢ︀ꩫ︀်ႈက︀ဝ်ႈꩭၢက︀်ႉꩭွမ︀်လ︀ူင︀် ဢ︀ꩫ︀်ႈက︀ဝ်ႈမ︀ႃးꩡ︀ႂ်ႈလ︀ူင︀်ꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈမ︀ႃးဢ︀ူ။

က︀ဝ်ႈယ︀ႃႇ ꩬ︀ူမ︀ႆ︀ႛ က︀ꩫ︀်ႛꩫ︀ႂ်းꩫ︀မ︀်ႇမ︀ႆ︀ႛꩫ︀မ︀် ꩡ︀ူမ︀်ႈꩭႂ်ႛꩫ︀ႆ︀ႇ။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ႂ်းၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ီꩡ︀ူမ︀်ႈꩭႂ်ႛꩫ︀မ︀်” ꩫ︀ဝꩫ︀်ႇ။

ꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛ ꩬ︀ွင︀်ၵ︀ႃမ︀ႆ︀ႛ “က︀ꩫ︀်ႛလ︀င︀်က︀ဝ်ႈမ︀ႆ︀ႛꩡ︀ွမ︀်းမ︀ႃးတ︀ႃႉ။ က︀ဝ်ႈꩬ︀ွင︀်ၵ︀ိူဝ်မ︀ႆ︀ႛ ဢ︀ဝ်ႈပ︀ီꩫ︀်ႈၸ︀ူႛၵ︀ႃက︀ူꩫ︀်းက︀ွတ︀်” ꩫ︀ꩬ︀ီꩭွင︀်ႇဢ︀ူ။ ꩬ︀ွင︀်ၵ︀ႃက︀ေႃႇ ၵ︀ျေၵ︀ွတ︀်ဝႆ︀ႇꩬ︀ီက︀ꩡ︀ူး က︀ꩫ︀်ႛလ︀င︀်မ︀ꩫ︀်းꩡ︀ဝ်ႛမ︀ႆ︀ႛ ꩡ︀ွမ︀်းက︀ႃဢ︀ူ။

မ︀ꩫ︀်းꩡ︀ဝ်ႛယ︀ႃႇ ꩫ︀င︀်ꩬ︀ြႃတ︀ြႃးၵ︀ဝ်ꩬ︀ွꩫ︀်ꩫ︀င︀်က︀ꩫ︀်ႈမ︀ဝ်ꩡ︀ႂ်ႈꩬ︀ီ ဢ︀ဝ်ႈဢ︀ႃꩫ︀ႃꩬ︀ွꩫ︀်ဢ︀ူ။ င︀ႆ︀းꩬ︀ီ ꩫ︀ေးဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းက︀ꩫ︀်ႈဢ︀ူ။