ဆာလံကျမ်း 112မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သူ​သည် သတင်း​ဆိုး​ကို​ကြောက်​ရ​လိမ့်မည်​မ​ဟုတ်​။ သူ​၏​စိတ်နှလုံး​သည် တည်ကြည်​လျက် ထာဝရဘုရား​ကို ယုံကြည်ကိုးစား​၏​။

ဟာလေလုယ​။ ထာဝရဘုရား​ကို ကြောက်ရွံ့​၍ ကိုယ်တော်​၏​ပညတ်တော်​တို့​ကို အလွန်​နှစ်သက်​သော​သူ​သည် မင်္ဂလာ​ရှိ​၏​။ သူ​၏​သားမြေးစဉ်ဆက်​တို့​သည် ကမ္ဘာမြေကြီး​ပေါ်တွင်​ခွန်အားကြီး​သော​သူ​ဖြစ်​ကြ​လိမ့်မည်​။ ဖြောင့်မှန်​သော​သူ​၏​မျိုးဆက်​သည် ကောင်းချီးမင်္ဂလာ​ကို​ခံစား​ရ​လိမ့်မည်​။

သူ​၏​စိတ်နှလုံး​သည် တည်ငြိမ်​သည်​ဖြစ်၍ သူ​သည် မိမိ​၏​ရန်သူ​တို့​ကို အပေါ်စီး​မှ​ကြည့်မြင်​ရ​သည်​အထိ ကြောက်ရွံ့​ခြင်း​ရှိ​လိမ့်မည်​မ​ဟုတ်​။

ဖြောင့်မှန်​သော​သူ​အတွက် အမှောင်​ထဲတွင် အလင်း​ပေါ်ထွန်း​တတ်​၏​။ သူ​သည် ကျေးဇူးပြု​တတ်​သော​သဘော​၊ သနားစုံမက်​တတ်​သော​သဘော​၊ ဖြောင့်မတ်​သော​သဘော​ရှိ​၏​။

သနား​တတ်​သော​သူ​၊ ချေးငှား​ပေး​တတ်​သော​သူ​နှင့် မိမိ​၏​အမှုကိစ္စ​တို့​ကို တရားမျှတ​စွာ စီမံခန့်ခွဲ​တတ်​သော​သူ​သည် ကောင်းကျိုးချမ်းသာ​ကို​ခံစား​ရ​၏​။

အကယ်စင်စစ် ထိုသို့သော​သူ​သည် မည်သည့်​အခါ​မျှ​တုန်လှုပ်​ရ​လိမ့်မည်​မ​ဟုတ်​။ ဖြောင့်မတ်​သော​သူ​သည် အစဉ်အမြဲ အောက်မေ့စရာ​ဖြစ်​လိမ့်မည်​။