ဝတ်ပြုရာကျမ်း 19မှ လူကြိုက်နှစ်သက်သော ကျမ်းပိုဒ်များ။

မျှဝေရန်

သင်​၏​အမျိုးသားချင်း​ကို လက်တုံ့​မ​ပြန်​ရ​။ အငြိုး​မ​ထား​ရ​။ ကိုယ့်​အိမ်နီးချင်း​ကို ကိုယ်​နှင့်အမျှ​ချစ်​ရ​မည်​။ ငါ​သည် ထာဝရဘုရား​ဖြစ်​၏​။

သေ​သော​သူ​အတွက် သင်​တို့​အသား​ကို မ​ခုတ်​မ​ရှ​ရ​။ သင်​တို့​ကိုယ်​ပေါ်၌ ဆေးမင်ကြောင် မ​ထိုး​ရ​။ ငါ​သည် ထာဝရဘုရား​ဖြစ်​၏​။

“​အစ္စရေး​အမျိုးသား​လူထု​အပေါင်း​တို့​အား ဆင့်ဆို​လော့​။ သင်​တို့​၏​ဘုရားသခင် ငါ​ထာဝရဘုရား​သည် သန့်ရှင်း​သော​အရှင်​ဖြစ်​သောကြောင့် သင်​တို့​သည်​လည်း သန့်ရှင်း​သော​သူ​များ​ဖြစ်​ရ​မည်​။

သင်​၏​ညီအစ်ကို​ကို စိတ်​ထဲ၌ အမုန်း​မ​ထား​ရ​။ သင့်​အိမ်နီးချင်း​ကြောင့် သင်​အပြစ်​မ​သင့်​မည့်​အကြောင်း သူ့​ကို မ​ဆုံးမ​ဘဲ​မ​နေ​နှင့်​။

သင်​တို့​သည်​နတ်ဝင်သည်​များ​နှင့် နတ်ထိန်း​များ​အားဖြင့် ညစ်ညူး​ခြင်း​သို့​မ​ရောက်​အောင် သူ​တို့​ထံသို့ မ​သွား​နှင့်​။ သူ​တို့​ကို မ​မေးမြန်း​နှင့်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

သင်​၏​လူမျိုး​တို့​တွင် လှည့်လည်​၍ သူတစ်ပါး​အသရေပျက်​အောင် မ​ပြော​ရ​။ သင်​၏​အိမ်နီးချင်း​ကို အသက်အန္တရာယ်​ဖြစ်​အောင် မ​ပြု​ရ​။ ငါ​သည် ထာဝရဘုရား​ဖြစ်​၏​။