Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkJHN">
 <div class="chapter ch7" data-usfm="JHN.7">
 <div class="label">7</div><div class="s">Yesuusi akka xayso nessuma shaakka ulfeessa Yursaalamipa aano'e kaassatame</div><div class="p"> 1Se kammaayye Yesuusi piita Keliila oppa pora anni. Qoota Yihutaata isha ikassa faanitto malla, piita Yihuta oppa pora aaneta in heenananne. 2Sitiiyyi xayso nessuma shaakka a Yihutaata, kela'e foolsatte. #Lewi 23:34; ooreta 16:13 3Semmalla hella a opa Yesuusi ka Yesuusi kapopa de'en ka ishi kidene, &#8220;Tamaarewwaatti akka koda atti koonitto akkane'e, areeyye xa'e ka piita Yihuta opa aane. 4Nama orra tura fayya upnaysama heeno, dekandekatti kodaadi kooni in cooy. Atti otoo wessen piisa koonittooyye, orra piitati isi akkissa ke parpaaccisniiyi&#8221; 5Wa malla asse kidene, qoota hellaasso nefo isha in amannin malla.</div><div class="p"> 6Yesuusi ka ishootta kide, &#8220;Etaayyo ata in kayne ma, xaayshin Etaassin awta piisa ishina ettanni. 7Orra piita ishin needdatta in ettansho, ma anti qootan akka kodaaysho neeqi ishootta qara maakkummo malla, xayyo i'ana needdan. 8Ishina xayso nessumooseneti aana; anti qoota Etaayyo in kaynin malla, xayso nessumooseneti an aanooy.&#8221; 9Ka asse kide ka Kelila kara hase.</div><div class="s">Yesuusi akka xayso nessuma a shaakka oppa akkaade</div><div class="p"> 10Ma xoori a hellaasso xaysonessumaseneti aanen kammaayye, Yesuusi orra tura in akkaanne ma dekandekatti xayso nessumoosen oppopa aane. 11Xayso nessuma sene oppaayye Yihutaata ka pora isha faani ka ikiini, &#8220;Aysha ca?&#8221; 12Samayta ka qoota Yesuusi desa hushushattaan olli torraanni. A demo ka kiini, &#8220;Isha nama fayya.&#8221; A demo ka kiiniwwi, &#8220;Inna, isha, akka samayta kamma dapo'e kooni.&#8221; 13A koddito ma ukkumampaya a Yihuta fuura minanne, nama takkan nefo qootaadi desa fuule desa in haasawanne.</div><div class="p"> 14Ete xayso nessuma otantoppa kayteeyye, Yesuusi tika qulqulloota kelopa aane ka kollissa paayye. 15Yihutaata ka oppa qawwaawni ka kiini, &#8220;Namoose a in kollannin mali atta sede piisa upnaatta ettanshe?&#8221;</div><div class="p"> 16Semmalla Yesuusi ka oorshe ka kide, &#8220;Ha kollissiyo Waaqa Aappa isase ana erke kapa de'e diisheey, isi kareela an qeenne. 17Nama heenna isase ana erke koda faano otoon icaayye, kollissoose akka Waaqa kapa de'e, taaki an anti isi kareela haasawade kodde i'upnaada. 18A iskareela haasawanno ulfeena mattaadi'i faani, a ulfeena isase isha erkeeti faano xoori, dukaallayta, umma darta isha oppan kitto. 19Muuse seera ishina'en daanne? Ma xoori ishin oppaayye nama seera tooytaanno takka nefo in co; ishina maana'e ana ikassa faanittan?&#8221;</div><div class="p"> 20Samaytase ka ishi kide, &#8220;Atti orritta ke kara ca diishe, ayno ke ikassa faani?&#8221; 21Yesuusi ka oorshe ka ishootta kide, &#8220;Anti koda takkan kode, akka pisanti kodoose oppa qawwaanittan, 22Muuse aata dawra qara muratta'e ishina daashe. Aatoosen nefo aappada qara de'en diisheey, Muuse quda in deene; ha ishina nefo sampatanne nama dawra qara murrittan #uuma 17:10; Lewi 12:3 23Ka kuli akka seerase Muuse qudan daasame in shaarammini'i, oto sampatan nama dawra qara muraneeyye, qootan anti sampatan dakinta nama immakkoota dinshe malla, maana'e miironnittan?#Yoha 5:9 24Firteeta dukaata' farata diishe, fuula nama tooyeetan qatayma an faratan.&#8221;</div><div class="s">Shiishsha qoota Kiristoosi desa xa'e</div><div class="p"> 25Orra Yursaalami oppa a demo ka kidene, &#8220;Namase a ikassa faanan sedenne? 26Tin isha fuuloppa desa haasawanni, umma ishootta we ishi kiini in caan. Hela namoose akkima Kiristoosi kodde ukkumampaya idukaatan upnaadene? 27a koddito ma ino namoose ayshaayye akkima de'e in upna. Ma Kiristoosi oto de'o ayshaayye akkima de'e, nama takka nefo in upnaado.&#8221;</div><div class="p"> 28Semmalla Yesuusi a tika qulqulloota kela kollinnooyye, nessaadi kuttishe ka kide, &#8220;Ishina i'ana uptan ka pora an ishi de'e nefo uptan. Ma xoori anti issin an deene ma, a'ana erke dukaallayta, ma xoori ishina a isha a uptan. 29Anti xoori qootan isha kapa de'e, isha ka ana erke malla in isha upa.&#8221;</div><div class="p"> 30Sitiiyyi ikka isha qapa faden; ma qoota etaadi in kaynin malla, nama takka nefo isha in qapne. 31A koddito ma, samaytoppaayye orra lekayta isha amane ka kide, &#8220;Hela Kiristoosi oto de'oyye, kodadda orra qawwanna a namoose kode qara qapa'e koda?&#8221;</div><div class="s">Foolisoota akka Yesuusi qapa erkamte</div><div class="p"> 32Feresata ka a orra, qoota Yesuusi desa hushushattaan haasawanno dakayte, saarra qeesewwa isho Feresaata ka se minan Yesuusi qapsiisa'e, tooytampaya a tika qulqulloota erkite. 33Sitiiyyi Yesuusi ka kide, &#8220;Anti shakkayteeta'en ishin kapa jara ka sekkammaayye isase ana erke kapopa aana. 34Ishina ka pora ana faatan, umma ana a akkittan; umma pora an oppa co oppopa deena a ettanissan.&#8221;</div><div class="p"> 35Semmalla ukkumampaya a Yihuta ka olli kidene, &#8220;Akkan ino isha an teynini'i namoose ayshopa aana? Hela takka punu Yihutaatase Kirikketoppa paste oppopa aana ka orra a Waaqa amanni in kinnin kollisha? 36Ini a kiino &#8216;Iana faatan ka ana daptan, umma pora an anti oppa co opa deena a ettanissan&#8217; Maana kideetaadi?&#8221;</div><div class="s">Yesuusi paada pisha a caatta</div><div class="p"> 37Kuyyaatase kutta a oppa xayso nessuma dikkannaaneeyye, Yesuusi iqa'ade ka nessaadi kuttishe ka kide, &#8220;Nama a pisha deepoode oton i caayye, a ana kapopa de'o ka ikko. #Lewi 23:36 38Nama ana amanno, akka mataafa qulqulloota kiino mina'e, &#8216;Paada pisha caatta'e isha karaayye paadaay.&#8217;&#8221; #His 47:1; Sakka 14:8 39Sede nefo Hapurase a Qulqulloota, a orra isha amanno kuli teyyado desa, asse haasawade. Qoota Yesuusi ulfeena oppopa in faayyannin malla, Hapura Qulqulloota sitiiyyi ata in daasammeey.</div><div class="s">Samayta akka olli' qite</div><div class="p"> 40Se malla samaytoppaayye orra demo ete qaalese dakayeeyye ikide, &#8220;Xuumampaytase kiinaane &#8216;Ide'a&#8217; dukaatannen isha.&#8221; 41A pila ka kiiniiwi, &#8220;Ini Kiristoosi&#8221; Apila xoori ikiinii, &#8220;Kiristoosi xawwa Kelilaayye de'a? 42Kiristoosi akka sanynyeeta Taawwiti oppa delado ka Peetelehemi katama sene a Taawwiti oppaayye de'o, mataafa qulqulloota qara intaafamme?&#8221; #Saamu a 2ta 7:12; Mikki 5:2 43Se malla isha minan samayta ka olli qite. 44A demo isha qapa fade, ma xoori nama takka nefo isha in qapne.</div><div class="s">Saarra Yihutaata akkima in amannin</div><div class="p"> 45Se kammaayye tooytampayasene ka saarra qeesewwa isho Feresaata kapopa tiitaawen. Ishootta ka tooytampayaseneti kidene, &#8220;Maana malla ishan a' deenin?&#8221;</div><div class="p"> 46Tooytampayasene ka oorshen ka kidene, &#8220;Haasa a namoose haasawanna, paha nama apari in haasawanne ka in upo.&#8221;</div><div class="p"> 47Feresaata xoori ikiite, &#8220;Hela ishin kuli kamma dapeewwe? 48Hela xawwa ukkumampaya isho feresata oppa a isha amane ica? 49Samayse seera Muusen in upnin dukaatanneen a jiijame.&#8221;</div><div class="p"> 50Niqodimoosise Feresaatoppa takka kodde ka se turan Yesuusi kapopa aane, i'ishootta kide, #Yoha 3:1-2 51&#8220;Akka seerinno' qara'e, nama takka wa ishin xasasame, mina'e; malseeta a oorsanno a opani qara in dakaynini ka wa kode in upanaannin maliiyyi iqara faratammi?&#8221;</div><div class="p"> 52Ishootta ka ishi kidene, &#8220;Hela atti nefo Kelilaayye deete? Xuumampayta akka Keliila karaayye in xaanin qorado ikka ke kalto&#8221; 53Ka takka takka tikkaasso opa kalen.</div>
 </div>
 </div>
</div>

Se kammaayye Yesuusi piita Keliila oppa pora anni. Qoota Yihutaata isha ikassa faanitto malla, piita Yihuta oppa pora aaneta in heenananne. Sitiiyyi xayso nessuma shaakka a Yihutaata, kela'e foolsatte. Semmalla hella a opa Yesuusi ka Yesuusi kapopa de'en ka ishi kidene, “Tamaarewwaatti akka koda atti koonitto akkane'e, areeyye xa'e ka piita Yihuta opa aane. Nama orra tura fayya upnaysama heeno, dekandekatti kodaadi kooni in cooy. Atti otoo wessen piisa koonittooyye, orra piitati isi akkissa ke parpaaccisniiyi” Wa malla asse kidene, qoota hellaasso nefo isha in amannin malla.
Yesuusi ka ishootta kide, “Etaayyo ata in kayne ma, xaayshin Etaassin awta piisa ishina ettanni. Orra piita ishin needdatta in ettansho, ma anti qootan akka kodaaysho neeqi ishootta qara maakkummo malla, xayyo i'ana needdan. Ishina xayso nessumooseneti aana; anti qoota Etaayyo in kaynin malla, xayso nessumooseneti an aanooy.” Ka asse kide ka Kelila kara hase.

Ma xoori a hellaasso xaysonessumaseneti aanen kammaayye, Yesuusi orra tura in akkaanne ma dekandekatti xayso nessumoosen oppopa aane. Xayso nessuma sene oppaayye Yihutaata ka pora isha faani ka ikiini, “Aysha ca?” Samayta ka qoota Yesuusi desa hushushattaan olli torraanni. A demo ka kiini, “Isha nama fayya.” A demo ka kiiniwwi, “Inna, isha, akka samayta kamma dapo'e kooni.” A koddito ma ukkumampaya a Yihuta fuura minanne, nama takkan nefo qootaadi desa fuule desa in haasawanne.
Ete xayso nessuma otantoppa kayteeyye, Yesuusi tika qulqulloota kelopa aane ka kollissa paayye. Yihutaata ka oppa qawwaawni ka kiini, “Namoose a in kollannin mali atta sede piisa upnaatta ettanshe?”
Semmalla Yesuusi ka oorshe ka kide, “Ha kollissiyo Waaqa Aappa isase ana erke kapa de'e diisheey, isi kareela an qeenne. Nama heenna isase ana erke koda faano otoon icaayye, kollissoose akka Waaqa kapa de'e, taaki an anti isi kareela haasawade kodde i'upnaada. A iskareela haasawanno ulfeena mattaadi'i faani, a ulfeena isase isha erkeeti faano xoori, dukaallayta, umma darta isha oppan kitto. Muuse seera ishina'en daanne? Ma xoori ishin oppaayye nama seera tooytaanno takka nefo in co; ishina maana'e ana ikassa faanittan?”
Samaytase ka ishi kide, “Atti orritta ke kara ca diishe, ayno ke ikassa faani?” Yesuusi ka oorshe ka ishootta kide, “Anti koda takkan kode, akka pisanti kodoose oppa qawwaanittan, Muuse aata dawra qara muratta'e ishina daashe. Aatoosen nefo aappada qara de'en diisheey, Muuse quda in deene; ha ishina nefo sampatanne nama dawra qara murrittan Ka kuli akka seerase Muuse qudan daasame in shaarammini'i, oto sampatan nama dawra qara muraneeyye, qootan anti sampatan dakinta nama immakkoota dinshe malla, maana'e miironnittan? Firteeta dukaata' farata diishe, fuula nama tooyeetan qatayma an faratan.”

Orra Yursaalami oppa a demo ka kidene, “Namase a ikassa faanan sedenne? Tin isha fuuloppa desa haasawanni, umma ishootta we ishi kiini in caan. Hela namoose akkima Kiristoosi kodde ukkumampaya idukaatan upnaadene? a koddito ma ino namoose ayshaayye akkima de'e in upna. Ma Kiristoosi oto de'o ayshaayye akkima de'e, nama takka nefo in upnaado.”
Semmalla Yesuusi a tika qulqulloota kela kollinnooyye, nessaadi kuttishe ka kide, “Ishina i'ana uptan ka pora an ishi de'e nefo uptan. Ma xoori anti issin an deene ma, a'ana erke dukaallayta, ma xoori ishina a isha a uptan. Anti xoori qootan isha kapa de'e, isha ka ana erke malla in isha upa.”
Sitiiyyi ikka isha qapa faden; ma qoota etaadi in kaynin malla, nama takka nefo isha in qapne. A koddito ma, samaytoppaayye orra lekayta isha amane ka kide, “Hela Kiristoosi oto de'oyye, kodadda orra qawwanna a namoose kode qara qapa'e koda?”

Feresata ka a orra, qoota Yesuusi desa hushushattaan haasawanno dakayte, saarra qeesewwa isho Feresaata ka se minan Yesuusi qapsiisa'e, tooytampaya a tika qulqulloota erkite. Sitiiyyi Yesuusi ka kide, “Anti shakkayteeta'en ishin kapa jara ka sekkammaayye isase ana erke kapopa aana. Ishina ka pora ana faatan, umma ana a akkittan; umma pora an oppa co oppopa deena a ettanissan.”
Semmalla ukkumampaya a Yihuta ka olli kidene, “Akkan ino isha an teynini'i namoose ayshopa aana? Hela takka punu Yihutaatase Kirikketoppa paste oppopa aana ka orra a Waaqa amanni in kinnin kollisha? Ini a kiino ‘Iana faatan ka ana daptan, umma pora an anti oppa co opa deena a ettanissan’ Maana kideetaadi?”

Kuyyaatase kutta a oppa xayso nessuma dikkannaaneeyye, Yesuusi iqa'ade ka nessaadi kuttishe ka kide, “Nama a pisha deepoode oton i caayye, a ana kapopa de'o ka ikko. Nama ana amanno, akka mataafa qulqulloota kiino mina'e, ‘Paada pisha caatta'e isha karaayye paadaay.’” Sede nefo Hapurase a Qulqulloota, a orra isha amanno kuli teyyado desa, asse haasawade. Qoota Yesuusi ulfeena oppopa in faayyannin malla, Hapura Qulqulloota sitiiyyi ata in daasammeey.

Se malla samaytoppaayye orra demo ete qaalese dakayeeyye ikide, “Xuumampaytase kiinaane ‘Ide'a’ dukaatannen isha.” A pila ka kiiniiwi, “Ini Kiristoosi” Apila xoori ikiinii, “Kiristoosi xawwa Kelilaayye de'a? Kiristoosi akka sanynyeeta Taawwiti oppa delado ka Peetelehemi katama sene a Taawwiti oppaayye de'o, mataafa qulqulloota qara intaafamme?” Se malla isha minan samayta ka olli qite. A demo isha qapa fade, ma xoori nama takka nefo isha in qapne.

Se kammaayye tooytampayasene ka saarra qeesewwa isho Feresaata kapopa tiitaawen. Ishootta ka tooytampayaseneti kidene, “Maana malla ishan a' deenin?”
Tooytampayasene ka oorshen ka kidene, “Haasa a namoose haasawanna, paha nama apari in haasawanne ka in upo.”
Feresaata xoori ikiite, “Hela ishin kuli kamma dapeewwe? Hela xawwa ukkumampaya isho feresata oppa a isha amane ica? Samayse seera Muusen in upnin dukaatanneen a jiijame.”
Niqodimoosise Feresaatoppa takka kodde ka se turan Yesuusi kapopa aane, i'ishootta kide, “Akka seerinno' qara'e, nama takka wa ishin xasasame, mina'e; malseeta a oorsanno a opani qara in dakaynini ka wa kode in upanaannin maliiyyi iqara faratammi?”
Ishootta ka ishi kidene, “Hela atti nefo Kelilaayye deete? Xuumampayta akka Keliila karaayye in xaanin qorado ikka ke kalto” Ka takka takka tikkaasso opa kalen.

နားထောင်ရန် Yohaannisi 7