ထာဝရပရဟိတနမူနာ

စစ်မှန်သော ပရဟိတတွင် လောဘ၊ ဒေါသ၊ မောဟ၊ အတ္တစသည့် ကိလေသာများကင်းစင်ပြီးမှသာ ပြုနိုင်မည်ဖြစ်သည်။ သို့သော် လူသားတိုင်းသည် မွေးစကပင် အပြစ်ကိလေသာကင်းသူဟူ၍ မရှိကြသလို အတ္တများကြောင့် အပြစ်ကင်းသော ပရဟိတကို လုပ်နိုင်သူဟူ၍ မရှိကြချေ။

သို့သော် အပြစ်မပါ၊ အတ္တမပါဘဲ ပရဟိတ လုပ်ခဲ့သူတစ်ဦးရှိခဲ့သည်။ ထိုသူမှာ အရှင်ယေရှုခရစ်တော်ဘုရား ဖြစ်သည်။ အရှင်ယေရှုခရစ်တော်ဘုရားသည် ဤကမ္ဘာမတည်မရှိမီ မိမိခမည်းတော်တည်းဟူသော ထာဝရဘုရားနှင့်အတူရှိပြီး ဘုရားဖြစ်သောကြောင့် အပြစ်ကိလေသာ ကင်းလျက် ဘုန်းတော်အနန္တ၌ ကျိန်းဝပ်ခဲ့သည်။

လွန်ခဲ့သော နှစ် (၂၀၀၀) ခန့်တွင်၊ အရှင်ယေရှုခရစ်တော်ဘုရားသည် မိမိမဟာမေတ္တာတော်နှင့် စေတနာတော်အားဖြင့် အပြစ်ရှိသောသူတို့ကို ကယ်တင်ခြင်းငှာ (ပရဟိတ)၊ လူ့ဇာတိကို ခံယူ၍ ဤလောကသို့ ကြွလာတော်မူခဲ့သည်။