Miˆhkaˍ li‸ 3
3
Iˉsaˍreˍlaˆ awˬ hoˉ awˬ naˬ hui hta‸ deˇ maˍ piˇ ve
1Iˉsaˍreˍlaˆ chaw awˬ hoˉ awˬ naˬ teˇ hpaˍ-oˬ, na sheˍ. Nawˬ hui lehˬ hteˇ ve cawˇ ve kanˉ hta‸ te cawˇ ve chaw teˇ hpaˍ hpeh‸ ve yoˬ. 2Ya‸ hkʼaˇ, nawˬ hui lehˬ da‸ ve awˬ ceuˬ hta‸ canˇ leh haiˬ ve awˬ ceuˬ hta‸ ha‸ ve yoˬ. Nawˬ hui lehˬ ngaˬ ve chaw teˇ hpaˍ hta‸ awˬ te‸ te‸ awˬ guiˬ kʼuˉ hkʼeh‸ baˬ piˇ leh, yawˇ hui ve awˬ mu‸ ku hta‸ ngawˉ taˍ ve awˬ shaˍ hta‸ tzuh‸ suhˍ piˇ chehˇ ve yoˬ. 3Nawˬ hui lehˬ ngaˬ ve chaw teˇ hpaˍ hta‸ che‸ caˇ chehˇ ve yoˬ. Nawˬ hui lehˬ yawˇ hui ve awˬ guiˬ kʼuˉ hta‸ hkʼeh‸ baˬ piˇ leh, yawˇ hui ve awˬ mu‸ ku teˇ hpaˍ hta‸ awˉ hteh piˇ chehˇ ve yoˬ. Mu‸ hkʼu hkʼaw keu caˉ tuˬ shaˍ hkʼa shuˍ, yawˇ hui hta‸ tawˆ hpoˆ chehˇ ve yoˬ. 4Nawˬ hui Gʼuiˬsha hta‸ kuˬ ve htawˇ, yawˇ nawˬ hui hta‸ maˇ kʼaw‸ yaw hkʼaw‸ laˇ tuˬ ve awˬ yanˇ gaˬ la chehˇ ve yoˬ. Nawˬ hui lehˬ haiˬ ve kanˉ hta‸ tiˉ te chehˇ ve pa taw, nawˬ hui ve bon lawˬ hkawˇ hta‸ yawˇ na yuˬ laˇ tuˬ ve maˇ heˆ.
5Tcuh kaˍ paˍ teˇ hpaˍ lehˬ, ngaˬ ve chaw teˇ hpaˍ hta‸ heˍ caˇ chehˇ ve yoˬ. Yawˇ hui hta‸ hpu piˇ gʼa ve chaw hui hta‸, Nawˬ hui gawˬ lehˍ gʼa chehˇ tuˬ yoˬ, teh‸ kʼoˆ piˇ leh, hpu piˇ maˇ gʼa ve chaw hta‸, Nawˬ hui ma‸ gʼa bawˆ tuˬ yoˬ, teh‸ kʼoˆ piˇ chehˇ ve yoˬ. 6Chi hkʼe ve tcuh kaˍ paˍ hui hta‸ Gʼuiˬsha chi hkʼe kʼoˆ piˇ chehˇ ve yoˬ. Tcuh kaˍ paˍ teˇ hpaˍ-oˬ, nawˬ hui ve awˬ nyi awˬ haˉ leh la paˇ neˇ ve yoˬ. Nawˬ hui awˬ hkʼoˆ lo mvuhˇ nyi lo‸-e chehˇ ve yoˬ. Nawˬ hui lehˬ ngaˬ ve chaw teˇ hpaˍ hta‸ ya‸ kʼaw sheh ya‸ ve pa taw, awˬ ha hkʼaw hpeu‸ maˍ laˇ ve awˬ ceuˬ hta‸ gʼa kʼaw‸ mawˬ tuˬ ve maˇ heˆ. Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve hta‸ htawˇ, nawˬ hui shu hta‸ kʼoˆ maˍ piˇ gʼa tuˬ ve maˇ heˆ. 7Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve awˬ lawn shu hta‸ kʼoˆ maˍ piˇ chehˇ ve chaw hui lehˬ, yawˇ hui kʼoˆ ve hkʼe maˇ hpeh‸ la ve pa taw gʼa ya‸ taw tuˬ yoˬ. Gʼuiˬsha yawˇ hui hta‸ tawˇ maˇ kʼaw‸ yaw piˇ ve pa taw, yawˇ hui lehˬ nyiˉ ya‸ ve hta‸ gʼa hkanˍ tuˬ yoˬ.
8Ya‸ hkʼaˇ, Iˉsaˍreˍlaˆ chaw hui te ya‸ chehˇ ve venˇbaˆ hta‸ hpeu‸ maˍ piˇ tuˬ, Gʼuiˬsha lehˬ yawˇ ve Awˬ ha hpu, kanˇ paˆ, hteˇ ve cawˇ ve, leh ha‸ hanˉ ve nyi ma piˇ laˇ chehˇ ve yoˬ. 9Iˉsaˍreˍlaˆ chaw hui ve awˬ hoˉ awˬ naˬ teˇ hpaˍ-oˬ, ngaˬ kʼoˆ chehˇ ve tawˇ hta‸ na sheˍ. Nawˬ hui lehˬ, hteˇ ve cawˇ ve awˬ ceuˬ hta‸ canˇ leh, cawˇ ve awˬ ceuˬ hta‸ ya‸ kʼai tuˬ te chehˇ ve yoˬ. 10Nawˬ hui lehˬ, shu hta‸ tiˇ pehˍ leh maˇ hteˇ maˇ cawˇ ve hkʼaw Gʼuiˬsha ve Yeˍruˆsaˍlehnˍ venˇ hta‸ kawˍ chehˇ ve yoˬ. 11Venˇ hta‸ uˉ peunˍ chehˇ ve chaw hui lehˬ, shu geh la‸ shawnˍ gʼa tuˬ awˬ pon ceh awˬliˇtawˇhkawˇ maˍ piˇ chehˇ ve yoˬ. Tcuh kaˍ paˍ teˇ hpaˍ htawˇ, hpu gʼa tuˬ awˬ pon ceh hpeu‸ maˍ piˇ ve kanˉ hta‸ te chehˇ ve yoˬ. Ya‸ hkʼaˇ yawˇ hui lehˬ, Gʼuiˬsha ngaˬ hui geh chehˇ taˍ ve yoˬ. Ngaˬ hui awˬ hkʼoˆ lo dawˇ haˍ tuˬ awˬ ceuˬ gaˬ la tuˬ ve maˇ heˆ. Gʼuiˬsha ngaˬ hui geh chehˇ taˍ ve yoˬ, teh‸ kʼoˆ chehˇ ve yoˬ.
12Chi hta‸ pa taw, Ziˉonˍ hkʼaw lehˬ nawˬ hui hta‸ pa taw ti mi hkʼa shuˍ mehˇ ve hta‸ gʼa hkanˍ leh, Yeˍruˆsaˍlehnˍ venˇ lehˬ luˬ kʼai sheˆ kʼai tuˬ yoˬ. Bon yehˬ te taˍ kuiˬ hkʼaw pui htawˇ hteunˍ lonˉ hpeh‸ la tuˬ yoˬ.
လက္ရွိေရြးခ်ယ္ထားမွု
Miˆhkaˍ li‸ 3: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Miˆhkaˍ li‸ 3
3
Iˉsaˍreˍlaˆ awˬ hoˉ awˬ naˬ hui hta‸ deˇ maˍ piˇ ve
1Iˉsaˍreˍlaˆ chaw awˬ hoˉ awˬ naˬ teˇ hpaˍ-oˬ, na sheˍ. Nawˬ hui lehˬ hteˇ ve cawˇ ve kanˉ hta‸ te cawˇ ve chaw teˇ hpaˍ hpeh‸ ve yoˬ. 2Ya‸ hkʼaˇ, nawˬ hui lehˬ da‸ ve awˬ ceuˬ hta‸ canˇ leh haiˬ ve awˬ ceuˬ hta‸ ha‸ ve yoˬ. Nawˬ hui lehˬ ngaˬ ve chaw teˇ hpaˍ hta‸ awˬ te‸ te‸ awˬ guiˬ kʼuˉ hkʼeh‸ baˬ piˇ leh, yawˇ hui ve awˬ mu‸ ku hta‸ ngawˉ taˍ ve awˬ shaˍ hta‸ tzuh‸ suhˍ piˇ chehˇ ve yoˬ. 3Nawˬ hui lehˬ ngaˬ ve chaw teˇ hpaˍ hta‸ che‸ caˇ chehˇ ve yoˬ. Nawˬ hui lehˬ yawˇ hui ve awˬ guiˬ kʼuˉ hta‸ hkʼeh‸ baˬ piˇ leh, yawˇ hui ve awˬ mu‸ ku teˇ hpaˍ hta‸ awˉ hteh piˇ chehˇ ve yoˬ. Mu‸ hkʼu hkʼaw keu caˉ tuˬ shaˍ hkʼa shuˍ, yawˇ hui hta‸ tawˆ hpoˆ chehˇ ve yoˬ. 4Nawˬ hui Gʼuiˬsha hta‸ kuˬ ve htawˇ, yawˇ nawˬ hui hta‸ maˇ kʼaw‸ yaw hkʼaw‸ laˇ tuˬ ve awˬ yanˇ gaˬ la chehˇ ve yoˬ. Nawˬ hui lehˬ haiˬ ve kanˉ hta‸ tiˉ te chehˇ ve pa taw, nawˬ hui ve bon lawˬ hkawˇ hta‸ yawˇ na yuˬ laˇ tuˬ ve maˇ heˆ.
5Tcuh kaˍ paˍ teˇ hpaˍ lehˬ, ngaˬ ve chaw teˇ hpaˍ hta‸ heˍ caˇ chehˇ ve yoˬ. Yawˇ hui hta‸ hpu piˇ gʼa ve chaw hui hta‸, Nawˬ hui gawˬ lehˍ gʼa chehˇ tuˬ yoˬ, teh‸ kʼoˆ piˇ leh, hpu piˇ maˇ gʼa ve chaw hta‸, Nawˬ hui ma‸ gʼa bawˆ tuˬ yoˬ, teh‸ kʼoˆ piˇ chehˇ ve yoˬ. 6Chi hkʼe ve tcuh kaˍ paˍ hui hta‸ Gʼuiˬsha chi hkʼe kʼoˆ piˇ chehˇ ve yoˬ. Tcuh kaˍ paˍ teˇ hpaˍ-oˬ, nawˬ hui ve awˬ nyi awˬ haˉ leh la paˇ neˇ ve yoˬ. Nawˬ hui awˬ hkʼoˆ lo mvuhˇ nyi lo‸-e chehˇ ve yoˬ. Nawˬ hui lehˬ ngaˬ ve chaw teˇ hpaˍ hta‸ ya‸ kʼaw sheh ya‸ ve pa taw, awˬ ha hkʼaw hpeu‸ maˍ laˇ ve awˬ ceuˬ hta‸ gʼa kʼaw‸ mawˬ tuˬ ve maˇ heˆ. Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve hta‸ htawˇ, nawˬ hui shu hta‸ kʼoˆ maˍ piˇ gʼa tuˬ ve maˇ heˆ. 7Laˬ tuˬ ve awˬ yanˇ awˬ hkʼaw lo hkʼaˬ hkʼe hpeh‸ la tuˬ ve awˬ lawn shu hta‸ kʼoˆ maˍ piˇ chehˇ ve chaw hui lehˬ, yawˇ hui kʼoˆ ve hkʼe maˇ hpeh‸ la ve pa taw gʼa ya‸ taw tuˬ yoˬ. Gʼuiˬsha yawˇ hui hta‸ tawˇ maˇ kʼaw‸ yaw piˇ ve pa taw, yawˇ hui lehˬ nyiˉ ya‸ ve hta‸ gʼa hkanˍ tuˬ yoˬ.
8Ya‸ hkʼaˇ, Iˉsaˍreˍlaˆ chaw hui te ya‸ chehˇ ve venˇbaˆ hta‸ hpeu‸ maˍ piˇ tuˬ, Gʼuiˬsha lehˬ yawˇ ve Awˬ ha hpu, kanˇ paˆ, hteˇ ve cawˇ ve, leh ha‸ hanˉ ve nyi ma piˇ laˇ chehˇ ve yoˬ. 9Iˉsaˍreˍlaˆ chaw hui ve awˬ hoˉ awˬ naˬ teˇ hpaˍ-oˬ, ngaˬ kʼoˆ chehˇ ve tawˇ hta‸ na sheˍ. Nawˬ hui lehˬ, hteˇ ve cawˇ ve awˬ ceuˬ hta‸ canˇ leh, cawˇ ve awˬ ceuˬ hta‸ ya‸ kʼai tuˬ te chehˇ ve yoˬ. 10Nawˬ hui lehˬ, shu hta‸ tiˇ pehˍ leh maˇ hteˇ maˇ cawˇ ve hkʼaw Gʼuiˬsha ve Yeˍruˆsaˍlehnˍ venˇ hta‸ kawˍ chehˇ ve yoˬ. 11Venˇ hta‸ uˉ peunˍ chehˇ ve chaw hui lehˬ, shu geh la‸ shawnˍ gʼa tuˬ awˬ pon ceh awˬliˇtawˇhkawˇ maˍ piˇ chehˇ ve yoˬ. Tcuh kaˍ paˍ teˇ hpaˍ htawˇ, hpu gʼa tuˬ awˬ pon ceh hpeu‸ maˍ piˇ ve kanˉ hta‸ te chehˇ ve yoˬ. Ya‸ hkʼaˇ yawˇ hui lehˬ, Gʼuiˬsha ngaˬ hui geh chehˇ taˍ ve yoˬ. Ngaˬ hui awˬ hkʼoˆ lo dawˇ haˍ tuˬ awˬ ceuˬ gaˬ la tuˬ ve maˇ heˆ. Gʼuiˬsha ngaˬ hui geh chehˇ taˍ ve yoˬ, teh‸ kʼoˆ chehˇ ve yoˬ.
12Chi hta‸ pa taw, Ziˉonˍ hkʼaw lehˬ nawˬ hui hta‸ pa taw ti mi hkʼa shuˍ mehˇ ve hta‸ gʼa hkanˍ leh, Yeˍruˆsaˍlehnˍ venˇ lehˬ luˬ kʼai sheˆ kʼai tuˬ yoˬ. Bon yehˬ te taˍ kuiˬ hkʼaw pui htawˇ hteunˍ lonˉ hpeh‸ la tuˬ yoˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.