Miˆhkaˍ li‸ 2
2
Shu hta‸ fawˉ mehˍ ve chaw hui ve ya‸ kʼaw awˬ leh meuˇ
1A shu yawˇ ve zuh‸ hpui hkʼaw zuh‸ taˍ leh, haiˬve awˬ ceuˬ hta‸ dawˇ nyi chehˇ ve chaw lehˬ hkʼaˬ ma kawˆ tuˬ cawˬ ve le. Mvuhˇ htiˇ la leh awˬ yanˇ cawˇ ve teˇ yanˇ, yawˇ hui dawˇ nyi taˍ ve haiˬ ve kanˉ hta‸ te kʼai ve yoˬ. 2Yawˇ hui ti mi heuˆ gaˇ ve teˇ yanˇ, shu ve ti mi hta‸ ca yuˬ ve yoˬ. Yawˇ hui yehˬ heuˆ gaˇ ve teˇ yanˇ, shu ve yehˬ hta‸ ca yuˬ ve yoˬ. Chaw teˇ gʼaˇ le le a shu yawˇ ve yehˬ kʼa leh mawˇ jeˬ awˬ pon dawˇ haˍ dawˇ hkiˉ chehˇ ve yoˬ.
3Chi hta‸ pa taw Gʼuiˬsha kʼoˆ ve, Nawˬ hui awˬ hkʼoˆ lo kawˆ tuˬ dawˇ haˍ tuˬ awˬ ceuˬ hta‸ ngaˬ gaˬ la piˇ leh, nawˬ hui teˇ gʼaˇ ka‸ gʼa ponˬ tuˬ ve maˇ heˆ. Tu‸ hkanˍ haˍ gʼawˇ kuiˬ lo nawˬ hui gʼa gaˬ tuˬ yoˬ. Oˇ htaˇ, nawˬ hui kʼaw‸ caˆ muiˬ hpeh‸ tuˬ ve maˇ heˆ. 4Awˬ yanˇ oˇ ve gaˬ la htaˇ, chaw yaˇ teˇ hpaˍ lehˬ nawˬ hui gʼa hkanˍ chehˇ ve tu‸ hkanˍ haˍ gʼawˇ ve awˬ ceuˬ hta‸ gʼa mawˬ leh, yawˇ hui awˬ pon henˇ kuiˬ jawˬ kuiˬ hpeh‸ la tuˬ yoˬ. Oˇ htaˇ yawˇ hui lehˬ, nawˬ hui gʼa hkanˍ chehˇ ve awˬ ceuˬ hta‸ caˉ da‸ leh, dawˇ law kuiˬ maˇ cawˬ ve kʼa muiˬ hkawˇ chi hkʼe kʼoˆ kʼa tuˬ yoˬ.
Ngaˬ hui lehˬ awˬ tehˬ awˬ na luˬ kuiˬ sheˆ kuiˬ lo gʼa gaˬ peuˬ.
Gʼuiˬsha lehˬ ngaˬ hui ve miˬguiˬ teˇ hpaˍ hta‸ yuˬ kʼai peuˬ.
Yawˇ lehˬ miˬguiˬ oˇ ve teˇ hpaˍ,
ngaˬ hui hta‸ hpeh yuˬ ve chaw hui hta‸ piˇ peuˬ, teh‸ kʼoˆ tuˬ yoˬ.
5Chi hta‸ pa taw, Gʼuiˬsha yawˇ ve chaw teˇ hpaˍ hta‸ mvuhˇmiˬ kʼaw‸ hkʼaw‸ piˇ tuˬ ve awˬ yanˇ gaˬ la htaˇ, nawˬ hui lehˬ mvuhˇmiˬ oˇ ve hta‸ gʼa tuˬ ve maˇ heˆ.
6Chaw yaˇ teˇ hpaˍ lehˬ, Ngaˬ hui hta‸ bon taˇ maˍ laˇ-oˆ. Nawˬ maˍ chehˇ ve bon hkawˇ teˇ hpaˍ hta‸ htawˇ taˇ kʼaw‸ maˍ loˬ. Gʼuiˬsha lehˬ ngaˬ hui ve awˬ me‸ awˬ hponˇ hta‸ te luˬ laˇ tuˬ ve maˇ heˆ. 7Iˉsaˍreˍlaˆ chaw hui lehˬ, hkeu ve awˬ hawˉ lo gʼa chehˇ taˍ ve yoˬ, teh‸ nawˬ dawˇ ve laˇ. Gʼuiˬsha lehˬ yeunˇ hkanˍ puiˉ ve nyi ma maˇ cawˬ-o leh laˇ. Yawˇ lehˬ awˬ tehˬ awˬ na chi hkʼe te tuˬ ve leh laˇ. Hteˇ ve cawˇ ve kanˉ hta‸ te ve chaw hui hta‸ yawˇ tawˇ nuˇ lehˍ yaw piˇ chehˇ ve maˇ heˆ laˇ, teh‸ ngaˬ hta‸ bon kʼaw‸ maˍ laˇ chehˇ ve yoˬ.
8Gʼuiˬsha kʼaw‸ yaw hkʼaw‸ leh kʼoˆ ve, Nawˬ hui lehˬ canˇ paˍ hkʼa shuˍ ngaˬ ve chaw teˇ hpaˍ hta‸ ca bawˆ la ve yoˬ. Chaw yaˇ teˇ hpaˍ lehˬ ma‸ bawˆ kuiˬ lo kʼaw‸ la leh, a shu yawˇ ve yehˬ hkʼaw gawˬ lehˍ gʼa chehˇ tuˬ yoˬ, teh‸ dawˇ taˍ ve yoˬ. Ya‸ hkʼaˇ, nawˬ hui lehˬ yawˇ hui ve veu‸ kʼaˇ hta‸ hkʼawˇ yuˬ tuˬ oˇ kaˬ lo law taˍ ve yoˬ. 9Nawˬ hui lehˬ ngaˬ ve chaw ceuˬ hpeh‸ ve yaˇ miˇ teˇ hpaˍ hta‸ yawˇ hui ve yehˬ hkʼaw lo gʼa‸ kʼoˬ piˇ ve yoˬ. Nawˬ hui lehˬ, ngaˬ na‸ piˇ taˍ ve awˬ bon la‸ shawnˍ hpeh‸ ve yawˇ hui ve yaˇ teˇ hpaˍ hta‸ hiˉ yuˬ kʼai ve yoˬ. 10Tu leh kʼai loˬ. Choˬ kaˬ lo nawˬ hui awˬ pon gawˬ lehˍve chehˇ kuiˬ maˇ cawˬ. Nawˬ hui ve venˇbaˆ hta‸ pa taw, chehˇ kuiˬ chi ve lehˬ luˬ kʼai sheˆ kʼai peuˬ.
11Chaw chi teˇ hpaˍ lehˬ, A pehˉ meuˇ gʼuiˬ leh tzuhˬ teˇ ceuˬ nawˬ hui awˬ pon yoˬ ya‸ la chehˇ tuˬ yoˬ, teh‸ kʼoˆ leh heˍ puiˉ ve tcuh kaˍ paˍ teˇ hpaˍ hta‸ heuˆ gaˇ ve yoˬ.
12Nawˬ hui cawˬ taˉ sheˍ ve Iˉsaˍreˍlaˆ chaw hkʼa peu-eˬ hta‸ ngaˬ teˇ geh shaw hpoˆ tuˬ yoˬ. Hkawˆ hkʼaw lo kʼaw‸ la chehˇ ve yawˬ awˬ moˍ hkʼa shuˍ, ngaˬ nawˬ hui hta‸ teˇ geh shaw hpoˆ tuˬ yoˬ. Kʼaˆ caˇ kuiˬ awˬ hkʼaw lo yawˬ hkʼa biˇ chehˇ taˍ ve hkʼe, nawˬ hui ve mvuhˇmiˬ hkʼaw lo chaw hkʼa biˇ kʼaw‸ cawˬ la tuˬ yoˬ.
13Gʼuiˬsha lehˬ yawˇ hui hta‸ ya‸ kʼaw hpaw piˇ leh, shu ve mvuhˇmiˬ hkʼaw yawˇ hui hta‸ shiˍ tawˆ la piˇ tuˬ yoˬ. Yawˇ hui lehˬ venˇ taˍ meu‸ hpe‸ hta‸ dawˆ paˆ taˉ leh tawˆ la tuˬ yoˬ. Yawˇ hui ve Jawˇmawˇ Gʼuiˬsha yawˇ hui hta‸ shiˍ tawˆ la piˇ tuˬ yoˬ.
လက္ရွိေရြးခ်ယ္ထားမွု
Miˆhkaˍ li‸ 2: LHBE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.
Miˆhkaˍ li‸ 2
2
Shu hta‸ fawˉ mehˍ ve chaw hui ve ya‸ kʼaw awˬ leh meuˇ
1A shu yawˇ ve zuh‸ hpui hkʼaw zuh‸ taˍ leh, haiˬve awˬ ceuˬ hta‸ dawˇ nyi chehˇ ve chaw lehˬ hkʼaˬ ma kawˆ tuˬ cawˬ ve le. Mvuhˇ htiˇ la leh awˬ yanˇ cawˇ ve teˇ yanˇ, yawˇ hui dawˇ nyi taˍ ve haiˬ ve kanˉ hta‸ te kʼai ve yoˬ. 2Yawˇ hui ti mi heuˆ gaˇ ve teˇ yanˇ, shu ve ti mi hta‸ ca yuˬ ve yoˬ. Yawˇ hui yehˬ heuˆ gaˇ ve teˇ yanˇ, shu ve yehˬ hta‸ ca yuˬ ve yoˬ. Chaw teˇ gʼaˇ le le a shu yawˇ ve yehˬ kʼa leh mawˇ jeˬ awˬ pon dawˇ haˍ dawˇ hkiˉ chehˇ ve yoˬ.
3Chi hta‸ pa taw Gʼuiˬsha kʼoˆ ve, Nawˬ hui awˬ hkʼoˆ lo kawˆ tuˬ dawˇ haˍ tuˬ awˬ ceuˬ hta‸ ngaˬ gaˬ la piˇ leh, nawˬ hui teˇ gʼaˇ ka‸ gʼa ponˬ tuˬ ve maˇ heˆ. Tu‸ hkanˍ haˍ gʼawˇ kuiˬ lo nawˬ hui gʼa gaˬ tuˬ yoˬ. Oˇ htaˇ, nawˬ hui kʼaw‸ caˆ muiˬ hpeh‸ tuˬ ve maˇ heˆ. 4Awˬ yanˇ oˇ ve gaˬ la htaˇ, chaw yaˇ teˇ hpaˍ lehˬ nawˬ hui gʼa hkanˍ chehˇ ve tu‸ hkanˍ haˍ gʼawˇ ve awˬ ceuˬ hta‸ gʼa mawˬ leh, yawˇ hui awˬ pon henˇ kuiˬ jawˬ kuiˬ hpeh‸ la tuˬ yoˬ. Oˇ htaˇ yawˇ hui lehˬ, nawˬ hui gʼa hkanˍ chehˇ ve awˬ ceuˬ hta‸ caˉ da‸ leh, dawˇ law kuiˬ maˇ cawˬ ve kʼa muiˬ hkawˇ chi hkʼe kʼoˆ kʼa tuˬ yoˬ.
Ngaˬ hui lehˬ awˬ tehˬ awˬ na luˬ kuiˬ sheˆ kuiˬ lo gʼa gaˬ peuˬ.
Gʼuiˬsha lehˬ ngaˬ hui ve miˬguiˬ teˇ hpaˍ hta‸ yuˬ kʼai peuˬ.
Yawˇ lehˬ miˬguiˬ oˇ ve teˇ hpaˍ,
ngaˬ hui hta‸ hpeh yuˬ ve chaw hui hta‸ piˇ peuˬ, teh‸ kʼoˆ tuˬ yoˬ.
5Chi hta‸ pa taw, Gʼuiˬsha yawˇ ve chaw teˇ hpaˍ hta‸ mvuhˇmiˬ kʼaw‸ hkʼaw‸ piˇ tuˬ ve awˬ yanˇ gaˬ la htaˇ, nawˬ hui lehˬ mvuhˇmiˬ oˇ ve hta‸ gʼa tuˬ ve maˇ heˆ.
6Chaw yaˇ teˇ hpaˍ lehˬ, Ngaˬ hui hta‸ bon taˇ maˍ laˇ-oˆ. Nawˬ maˍ chehˇ ve bon hkawˇ teˇ hpaˍ hta‸ htawˇ taˇ kʼaw‸ maˍ loˬ. Gʼuiˬsha lehˬ ngaˬ hui ve awˬ me‸ awˬ hponˇ hta‸ te luˬ laˇ tuˬ ve maˇ heˆ. 7Iˉsaˍreˍlaˆ chaw hui lehˬ, hkeu ve awˬ hawˉ lo gʼa chehˇ taˍ ve yoˬ, teh‸ nawˬ dawˇ ve laˇ. Gʼuiˬsha lehˬ yeunˇ hkanˍ puiˉ ve nyi ma maˇ cawˬ-o leh laˇ. Yawˇ lehˬ awˬ tehˬ awˬ na chi hkʼe te tuˬ ve leh laˇ. Hteˇ ve cawˇ ve kanˉ hta‸ te ve chaw hui hta‸ yawˇ tawˇ nuˇ lehˍ yaw piˇ chehˇ ve maˇ heˆ laˇ, teh‸ ngaˬ hta‸ bon kʼaw‸ maˍ laˇ chehˇ ve yoˬ.
8Gʼuiˬsha kʼaw‸ yaw hkʼaw‸ leh kʼoˆ ve, Nawˬ hui lehˬ canˇ paˍ hkʼa shuˍ ngaˬ ve chaw teˇ hpaˍ hta‸ ca bawˆ la ve yoˬ. Chaw yaˇ teˇ hpaˍ lehˬ ma‸ bawˆ kuiˬ lo kʼaw‸ la leh, a shu yawˇ ve yehˬ hkʼaw gawˬ lehˍ gʼa chehˇ tuˬ yoˬ, teh‸ dawˇ taˍ ve yoˬ. Ya‸ hkʼaˇ, nawˬ hui lehˬ yawˇ hui ve veu‸ kʼaˇ hta‸ hkʼawˇ yuˬ tuˬ oˇ kaˬ lo law taˍ ve yoˬ. 9Nawˬ hui lehˬ ngaˬ ve chaw ceuˬ hpeh‸ ve yaˇ miˇ teˇ hpaˍ hta‸ yawˇ hui ve yehˬ hkʼaw lo gʼa‸ kʼoˬ piˇ ve yoˬ. Nawˬ hui lehˬ, ngaˬ na‸ piˇ taˍ ve awˬ bon la‸ shawnˍ hpeh‸ ve yawˇ hui ve yaˇ teˇ hpaˍ hta‸ hiˉ yuˬ kʼai ve yoˬ. 10Tu leh kʼai loˬ. Choˬ kaˬ lo nawˬ hui awˬ pon gawˬ lehˍve chehˇ kuiˬ maˇ cawˬ. Nawˬ hui ve venˇbaˆ hta‸ pa taw, chehˇ kuiˬ chi ve lehˬ luˬ kʼai sheˆ kʼai peuˬ.
11Chaw chi teˇ hpaˍ lehˬ, A pehˉ meuˇ gʼuiˬ leh tzuhˬ teˇ ceuˬ nawˬ hui awˬ pon yoˬ ya‸ la chehˇ tuˬ yoˬ, teh‸ kʼoˆ leh heˍ puiˉ ve tcuh kaˍ paˍ teˇ hpaˍ hta‸ heuˆ gaˇ ve yoˬ.
12Nawˬ hui cawˬ taˉ sheˍ ve Iˉsaˍreˍlaˆ chaw hkʼa peu-eˬ hta‸ ngaˬ teˇ geh shaw hpoˆ tuˬ yoˬ. Hkawˆ hkʼaw lo kʼaw‸ la chehˇ ve yawˬ awˬ moˍ hkʼa shuˍ, ngaˬ nawˬ hui hta‸ teˇ geh shaw hpoˆ tuˬ yoˬ. Kʼaˆ caˇ kuiˬ awˬ hkʼaw lo yawˬ hkʼa biˇ chehˇ taˍ ve hkʼe, nawˬ hui ve mvuhˇmiˬ hkʼaw lo chaw hkʼa biˇ kʼaw‸ cawˬ la tuˬ yoˬ.
13Gʼuiˬsha lehˬ yawˇ hui hta‸ ya‸ kʼaw hpaw piˇ leh, shu ve mvuhˇmiˬ hkʼaw yawˇ hui hta‸ shiˍ tawˆ la piˇ tuˬ yoˬ. Yawˇ hui lehˬ venˇ taˍ meu‸ hpe‸ hta‸ dawˆ paˆ taˉ leh tawˆ la tuˬ yoˬ. Yawˇ hui ve Jawˇmawˇ Gʼuiˬsha yawˇ hui hta‸ shiˍ tawˆ la piˇ tuˬ yoˬ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.