Hawˇseˍ li‸ 3
3
Hawˇseˍ leh ka ti‸ maˇ yeˬ ve yaˇ miˇ
1Gʼuiˬsha ngaˬ hta‸ tawˇ teˇ pawˆ kʼaw‸ yaw laˇ leh kʼoˆ ve, Shu hta‸ haˉ chawˇ haˉ paˆ te chehˇ ve yaˇ miˇ teˇ gʼaˇ hta‸ nawˬ ca kʼaw‸ heuˆ loˬ. Ngaˬ ve chaw teˇ hpaˍ lehˬ awˬ nu ve gʼuiˬsha teˇ hpaˍ hta‸ oˉ kʼoˍ ca pui leh, shaˉ ho‸ teˇ hpaˍ hta‸ a pehˉ meuˇ shiˍ awˬ goˇ ca tanˇ piˇ chehˇ ve htawˇ, ngaˬ yawˇ hui hta‸ ha‸ chehˇ ve hkʼa shuˍ, nawˬ htawˇ yaˇ miˇ oˇ ve hta‸ gʼa ha‸ tuˬ yoˬ, teh‸ ngaˬ hta‸ kʼoˆ laˇ ve yoˬ.
2Hkʼe te leh, ngaˬ yawˇ hta‸ kʼaw‸ vuiˬ hkʼaw‸ tuˬ hpu teˇ chi ngaˇ hteh‸ leh caˬ shiˍ suhˍ hkʼawˍ lawˇ piˇ ve yoˬ. 3Chi teˇ pawˆ nawˬ lehˬ meh maˬlanˉ maˇ kʼaw‸ heˆ-o, teh‸ ngaˬ yawˇ hta‸ kʼoˆ piˇ ve yoˬ. Yawˇ lehˬ ngaˬ geh gʼa chehˇ tuˬ yoˬ, teh‸ ngaˬ kʼoˆ piˇ taˍ ve htawˇ, awˬ yanˇ maw chaweh yawˇ ngaˬ geh maˇ ca zuh‸ la. 4Chi ve hkʼa shuˍ, Iˉsaˍreˍlaˆ chaw teˇ hpaˍ lehˬ, awˬ hkʼaw‸ awˬ yanˇ maw chaweh jawˇmawˇ maˇ cawˬ, tuˉ tanˇ tuˬ maˇ cawˬ, da‸ kehˬ ve haˉ pui hkuiˉ daw maˇ cawˬ leh, laˬ tuˬ ve awˬ yanˇ hkʼaw hkʼaˬ hkʼe hpeh‸ la tuˬ ve hta‸ kʼoˆ maˍ laˇ gʼa ve shaˉ ho‸ cawˬ tuˬ ve maˇ heˆ. 5Ya‸ hkʼaˇ, Iˉsaˍreˍlaˆ chaw teˇ hpaˍ Gʼuiˬsha leh yawˇ hui ve jawˇmawˇ Daˍviˆ geh kʼaw‸ hpfuhˆ kʼaw‸ la tuˬ ve awˬ yanˇ gaˬ la tuˬ yoˬ. Oˇ htaˇ yawˇ hui Gʼuiˬsha hta‸ kawˆ leh, yawˇ ve la‸ shawnˍ hta‸ ha‸ yuˬ tuˬyoˬ.
လက္ရွိေရြးခ်ယ္ထားမွု
Hawˇseˍ li‸ 3: LHBE
အေရာင္မွတ္ခ်က္
မၽွေဝရန္
ကူးယူ

မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lahu Bible Edited © Thailand Bible Society and Bible Society of Myanmar, 2010, 2020.