Sirak 46
46
Josua
1Josua,#Josua 1:1—11:23. san blong Nun, hemi wanfala nambawan soldia, an hemi profet bihaen Mosis. An nem blong hem hemi tru nao, bikos hemi sevem olketa pipol wea Lod hemi siusim.#46:1 Nem blong Josua hemi minim “God hemi sevem”. Hemi winim olketa enemi wea i faet agensim olketa, mekem olketa pipol long Israel save tekem lan blong olketa. 2!Hemi barava gud tumas taem hemi apem han blong hem, an hemi lidim faet fo go insaet long olketa biktaon! 3No eniwan save stanap agensim hem, bikos hemi faet long holi faet blong Lod. 4Tingim fastaem datfala taem wea Josua hemi odarem san fo no muv, an hem mekem wanfala de fo long olsem tufala de. 5An taem olketa enemi i kamap long evri saet, hemi prea long Lod hu hemi hae tumas, an Lod hemi herem prea blong hem. Hemi givim kam bikfala stom long olketa ston blong aes wea hemi foldaon kam olsem ren an hemi spoelem olketa enemi blong olketa. 6Ya, Lod hemi torowem kamdaon olketa ston long aes olsem ren antap long enemi, an barava spoelem olketa hu i falom rod go long Bet Horon. Diswan hemi mekem evri kantri fo save dat Lod nao hemi faet fo pipol blong hem, bikos Josua hemi falom Lod an tinghae long hem.
Kelab
7Long#Nambas 14:6-10; 11:21; Josua 14:6-11. ful laef blong Mosis, Josua an Kelab san blong Jefune, tufala gohed fo tinghae long Lod. Tufala stanap strong frant long evri pipol, an stopem olketa fo no komplen an kipim olketa sef long sin. 8Siks handred taosen pipol long Israel olketa kamaot long Ijip an wakabaot insaet long drae eria, bat Lod hemi sevem nomoa Josua an Kelab an letem tufala fo go kasem nambawan lan wea hemi givim olketa fo onam. 9Lod hemi mekem Kelab strong, an nomata taem hemi olo finis, hemi strong yet fo goap long olketa maonten, fo tekova long lan fo hem seleva an fo olketa long laen blong hem. 10Long dea nao olketa pipol long Israel save lukim wea hemi gud tumas fo falom wei blong Lod.
Olketa sif
11Bihaen, olketa#Jajis 1:1—16:31. sif i stap, an evriwan long olketa hemi garem biknem long wanem hemi duim. Olketa no wosipim eni giaman god, an olketa no lusim Lod. 12!Hemi gud tumas fo yumi tingim olketa an tinghae long olketa! !Hemi gud tumas sapos olketa laefbaek moa long grev an sapos olketa hu i bon kam bihaen i gud olsem olketa tu!
Samuel
13Lod#1 Samuel 3:19-20; 10:1; 16:13. hemi lavem tumas Samuel an mekem hem wanfala profet blong hem. Hemi mekem kantri blong Israel fo kamap strong an siusim olketa lida fo rulim olketa pipol. 14Hemi jajem olketa pipol falom Lo blong Lod, an Lod hemi lukaftarem Israel. 15Bikos Samuel hemi tinghae long Lod, hemi siusim hem olsem wanfala tru profet. Pipol trastem hem olsem gudfala lida, bikos long strongfala toktok blong hem. 16Taem#1 Samuel 7:9-11. olketa enemi blong hem i kam long evri saet, hemi prea long Lod hu hemi hae tumas an hemi ofarem wanfala yang sipsip olsem sakrifaes. 17Nao Lod hemi mekem bikfala noes long heven olsem tanda, 18an hemi barava spoelem evri enemi blong hem an olketa king blong Filistia. 19Taem#1 Samuel 12:3. Samuel hemi kolsap dae, hemi mekem promis frant long God an disfala king hu Samuel hemi putum oel long hem, an hemi talemaot dat hemi no tekem enisamting blong eniwan, nomata su blong eniwan hemi nomoa tu. An no eniwan hemi talem enisamting agensim hem. 20Nomata#1 Samuel 28:18-19. bihaen taem hemi dae finis, spirit blong hem hemi tok olsem profet long King Sol, an talemaot hao nao bae hemi dae. Bihaen long taem olketa berem hem finis, hemi gohed fo tok olsem profet fo tekemaot olketa nogud wei blong pipol blong hem.
Natan
လက္ရွိေရြးခ်ယ္ထားမွု
Sirak 46: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.